|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناالحوار والنقاش - الرأي والرأي الآخر مواضيع ساخنة , مواضيع نقاش , مواضيع جريئة , نقاش جاد يمنع المنقول والردود السطحية |
| LinkBack | أدوات الموضوع | انواع عرض الموضوع |
#1
|
السلام عليكم ورحمة الله وبركاته تعددت الووجوه..وتعددت أسباب التمثيل ..وتعددت القضايا في كل موسم يظهر ممثل يديد وبأسلوبه الخاص الذي يميزه عن غيره في هاي الفتره ظهرت ممثلات خليجيات وزاد عددهن بكثره وكل وحده عندها شي يميزها قامت الممثله الخليجيه تظهر بمووضه وبعمليات تجميل في كل سنه تختلف عن السنه اللي قبلها قامت الممثله الخليجيه لا تهتم بلبس الحجاب الا من رحم ربي وأيضآ قامت تظهر عورتها شيئآ ف شيئآ فأين الحشمه؟؟ ووصلت العدوى لنا أحيانآ تقول البنت حق أمها أبا خشمي شرات هالممثله وأبا خدودي شراتها منتفخات وأبا ألبس شراتها والى ما لا نهايه تساؤلاتي لكم: 1-ماهي الأسباب التي جعلت الممثله الخليجيه تظهر أمام الشاشه بهذا الشكل من الملابس الغير محتشمه نوعآ ما؟؟ 2-ما هي الآثار الناتجه عن ظهورها أمام الشاشه على أفراد المجتمع وخصوصآ المجتمع الخليجي؟؟ 3-هل ظهورها بهذا الشكل يرضينا ويناسب ديننا وعاداتنا وتقاليدنا؟؟ أتمنى تتفاعلوون ويايه وتنقاشوون هالمووضوع والسمووحه ع القصوور في حفظ ربي... __DEFINE_LIKE_SHARE__ |
08-23-2010, 10:23 PM | رقم المشاركة : [ 2 ] |
عضو ذهبي | يسلمووو همووستي ع الطرح الغااوي الصرااحه موضووعج واايد حلووو وصح عندنا هالظااهره وايد منتشره _ أول شيء الاسباب اللي خلتهن يسوون هالشيء لأنهن يبن يكوونن أحلى مثلا حد اييها ويخبرها لو انتي خشمج جي بتستووين حلووه واايد ولو انتي منفخه شفاايفج بتستويين روووعه ولو انتي بس شووي تنفخين خدودج بتظهرين احلى ممثله فالمسلسل ولو تلبسين شوي اقصر واضيق بتكونين رووعه صدقيني وطبعا هيه على عماااهاا وبتسير اتسوي واتسوي طبعا تبى تكوون أحلى وحده فالمسلسل _ ثاني شيء الآثار الله يسلمج وااايد خصووصا البنات اللي يحبن المووضه تحسيهن يقلدن لا شعووريا والله الفنانه الفلانيه سوت جي وطلعت حلووه انزين انتي غير عنها يمكن ما يصلحلج لا يصلحلي والله سالفه _ ثالث شيء وهوو الاهم ان هالشيء لا من عاداتنا ولا تقاليدنا من عاداتنا وتقاليدنا البنت الملتزمه بالحجاب واللبس الحشيم مب الضيق والشر برع عفاانا الله عيل حق شوو لابسه الشيله عقيها احسن والسمووحه __DEFINE_LIKE_SHARE__ |
| |
08-23-2010, 11:05 PM | رقم المشاركة : [ 3 ] | |||||||||||||||||||||
عضو ماسي |
هب تسير وتغير خلقة الله الله خلقنا ف أحسن تقوويم ومحد يعترض ع خلقة الرحمان وع سالفة الآثاار هذا شي يستوي بصراحه وايد بنات قامن يقلدن الممثلات ولكن يقلدنهن ف شي هب نافع أكيد هب من عاداتنا تسلمين ع المرور عشووقتي منوره الغاليه __DEFINE_LIKE_SHARE__ | |||||||||||||||||||||
| ||||||||||||||||||||||
08-24-2010, 12:41 AM | رقم المشاركة : [ 4 ] |
عضو فعال | بسم الله الرحمن الرحيم .,! وعليكم السلام ورحمة الله وبركاته .,! وين حشمة الممثله الخليجيه.,؟؟ إلا قولي وين حشمة الفتاه المسلمه.,؟؟ ما كل الخليجيين مسلمين ما شاء الله., ولا الممثلات لا .,؟؟ لأن قبل ما تكون خليجيه وقبل ما تكون ممثله ., اهي مسلمــــه .,! الحمد لله إسلامنا ما يسمح لنا نسوي شراتهن ولا نتمنى مجرد تمني .,! كل وحده منهن نافخه براطمها,, لابسه ملابس بالمره مو محتشمهـ,, وشعرها مصبوغ مره أخضر ومره أحمر.,! شنو هو مسلسل ولا عرض أزياء ولا يقلدن مايكل جاكسون مثلا.,؟ بصراحه هالممثلات ما ينقلن الصوره الحقيقيه و(المشرفه) عن الحياه الخليجيه أو بالأصح المرأة الخليجيه.,! يعني بذمتهن نحن من لما نقوم من النوم نحط مكياج ونسشور شعرنا .,! اللهـ يغربل ابليسهن من بنات .,! والله يعني أنا خليجيه شراتهن بس ما أسوي اللي يسونه.,! الحمد لله عقلي فـ راسي.,! بس السبب من المخرجين اللي يختاروا ممثلات شوفتهن لا تسر صديق ولا عدو.,! وهذي أجوبتي ع أسئلتج: 1-الأسباب التي جعلت الممثله الخليجيه تظهر أمام الشاشه بهذا الشكل من الملابس الغير محتشمه نوعآ ما؟؟ التقليد الأعمى اهو السبب الأول والأخير.,! بس للأسف ما اعرف منو يقلدن.,! اللي أعرفه إن الممثلات الأجنبيات والممثلات اللبنانيات ما يسون شراتهن .,! بالعكس نشوفهن ع طبيعتهن.,! الله العالم .,! بس يمكن شرات ما قلت قبل يقلدن مايكل جاكسون.,! والتقليد الأعمى سببه ضعف الإيمان والتربيه المعدومه من الأهل.,! أذكر مره قريت خبر لممثله أونها تشكر أبوها إنه سمحلها ترقص بلبس المايو .,! آاااه ع التربيه الأصيله.,!الله يرحم زمن أجدادنا وتربيتهم.,! الله يعينه أبوها هالممثله جان تفكيره لهالدرجه (منحط).,! والله يهديه ويا بنته (الممثله المحتشمه) .,! 2-ما هي الآثار الناتجه عن ظهورها أمام الشاشه على أفراد المجتمع وخصوصآ المجتمع الخليجي؟؟ إذا الكل امتنع عن مشاهدة هالمسلسلات اللي مالها طعم ولا لون إن شا الله ما راح تظهر أي آثار ع المجتمعات.,! بس إذا ظلوا يتابعونها فـ ما نقول غير حسبي الله ونعم الوكيل.,! كل بنت مسكينه (مسكينه لأنها تابعت مسلسلاتهن) بتقلد هالممثلات اللي بنص عقل.,! عافانا الله.,! وبالنهايه بتكون المسلسلات هي اللي تحكمت فـ مجتمعاتنا وصارت شرات القانون اللي ملزومين يطبقوه ضعفاء الإيمان.,! وما شا الله مجتمعاتنا هالأيام صايره مجتمعات آليه تسمع وتقلد بدون سابق تفكير.,! الله يرحمنا برحمته يارب.,! 3-هل ظهورها بهذا الشكل يرضينا ويناسب ديينا وعاداتنا وتقالدينا؟؟ لااا وألف لااا أكيد.,! ظهورهن بهالشكل ما يرضي أي مسلم قبل مايرضي أي خليجي .,! الممثلات الغير محتشمات هن اللي تكلم عنهن رسولنا الكريم فـ حديثه الشريف ( ... كاسيات عاريات مائلات مميلات رؤوسهن...) .,! وأكيد اللي حاصل ما يناسب ديننا فـ كيف بيناسب عاداتنا وتقاليدنا اللي قايمه ع الدين أصلا.,! وفـ النهايه مانملك غير الدعاء لهن عسى ربي يهديهن ويستر عليهن.,! مشكوووره أختي همس العشق ع الموضوع الكشوخي.,! دووومج مبدعه فـ الطرح ما شا الله.,! وآسفه لأني تهاوشت وايد.,! > بس الغايه تبرر الوسيله.,! هع تقبلي مروري : شلال الورد.,! __DEFINE_LIKE_SHARE__ |
| |
08-24-2010, 02:31 AM | رقم المشاركة : [ 5 ] | |||||||||||||||||||||
عضو ماسي |
هذا سبب من الاسباب بصراحه يحبن يقلدن بس منو ما نعرف لها آثار أكيد ع الأفراد والبنات قامن يقلدن الممثلات ويسوون شراتهن أكيد ما يرضينا والله يهدي اليمييع تسلمين ع المرور الطيب لا عادي خذي راحتج ههههههه ربي لا هانج __DEFINE_LIKE_SHARE__ | |||||||||||||||||||||
| ||||||||||||||||||||||
مواقع النشر (المفضلة) |
أدوات الموضوع | |
انواع عرض الموضوع | |
| |