ليـــت الزعل بين الاحبآب ممنوع...اررحبوآ..~

*نظره مني تسدك* · #1 08-22-2010, 03:22 AM

"

"

السلام عليكم ورحمة الله وبركاته

كيفككم..ان شاءالله كيفكم على كيفي هع

المهم انآ هالموضوع كتبته لأني انآ انسآنه اعآني منه..وهزري الا الاغلبيه يعآنون منه><"

الحياه مليئه بالناس وكل شخص له طبعه الخآص

شخص لئيم بس من دآخله متآلم حيل
شخص طيب جدآ..بس ان كره حد لا يمكن يرضى عنه
شخص حنون ولكن اوقآت متسلط

وكلن له طبعه الخاص يا سبحآنك

بس في اشخاص وآيد تعيبنآ شخصيآتهم ونتمنى نكون مثلهم
اكيد وآيدين يتمنون يكونون مثلي هع

بس خلنآ نشوف كل وآحد وكيفيه تعامله مع الاخرين

احيان نعرف نآس من سنين.ونكتشف في ليله اننآ اصلن مآ نعرفهم
واحيآان نيلس مع اوآدم تونآ من سآعه شآيفيتهم

ونحس بهم سبحآن الله كآنهم سآكنين قلوبنآ حتى ودك بهالشخص يتم ويآك ليل ونهآر من كثر مآ بديت تتعلق فيه:24:

واكثر شي يقهرك..الانسآن المزآجي..كل يوم له طبع ..بس اذآ انآ فآهمه هالشخص وطبعه بحآول اني اتجنب اكلمه وهو معصب ولا متضآيق عسب نتفآدى حدوث مشكله..البعض يآخذهآ بحسآسيه ومآ يصدق ع الله ان زعل عليه بيسير بيكرهه طول عمره><"

ترى هالانسآن المزآجي وآيد مسكين هب منه..بس الحيآه كآنت اقوى منه><"

هذي نقطه..؟

الزعل والضيقه على اشيآء مآلهآ معنى .؟

يعني البارح استوآلي موقف..عورلي قلبي..؟

ليش الوآحد غدى يزعل على اشيآء وبدل مآ يخليهآ على قدهآ صغيره..يقوم ويخليهآ مشكله مآلهآ حل..؟

انآ زعلان من فلانه ولا علانه

مآ بخبرهآ؟؟ ليش...؟؟؟؟؟

..اذا يت..صديت..واذا ارمست..قمت وطلعت
اذا حآولت ترآضيني..مديت البوز

اطرش مسج حليلهآ..رديت وطرشت وكتبت جب لا ترمسيني ><>> هذآ مثآل يعني

يا هي نشبه..يعني لين متى..؟..زعل اليهال ذي يسمونه
حتى اليهال حليلهم يرضون بسرعه

المشكله فينآ نحن..نآخذ الامور في حيآتنآ بحسآسيه وآيد مفرطه..

وترى اغلب النآس اللي نزعل منهم
هم اشخآص قرآب منآ وآيد

دآم هالشخص قريب منك

ليه طيب اتزعله منك؟؟ بكره لا رآح مآ بتلقاه حولك.؟><"

عزيزي القآرئ

ادري اني وآيد هذربت ووآيد يمكن عطيت هالمشكله فوق حدهآ
لأن هي اصلن فوق حدهآ

انت/ي اذا زعلان من حد..تقوله.؟ ولا تخليه بعمآه لين مآ هو يكتشف.؟
انت/ي لو ياء حد وقآل انآ زعلان/ه منك/ج شو حزتهآ بتسوي..؟ بترآضيه مثلن؟ وكيف بترآضيه..؟

آخر سؤآل

شو اللي يزعلك/ج وتبطي/ن ترضى/ ترضين..؟

هل تفرق عندك/ج كيفيه اذا القريب ولا الغريب زعل منك..وكيفيه ممكن انك/ج ترضيه../ترضينه..؟

وسوآلم..~؟

وان شاءالله ينآل على اعيآبكم
شكر اللي بيرد
واللي مآ بيرد..بس ترى من الحين اقولكم اعرف كل نفر مآ يرد :78:

وخآلفتكم العافيه..~ __DEFINE_LIKE_SHARE__

ذابحة قطوتهــآ · 08-22-2010, 03:31 AM

محجووز لين امس .. هااع ..~

السلام عليكم ورحمة الله وبركاته ..~

يااي حلات الكرسي الاول .. خبرج نظرووتي تعودناا على الاول لاه .. هههههههههه ..~

تعاالي انتي شحاالج ..~

وشوو رمضاان ويااج ..~

وربج الا تشقحين شرااتي هع ..~

المووهيم .. اول شي ..~

سمعي ماماة نظرة نصيحتي ...~

شوفي يلي تزعلج عليج هذي زعل يهاال .. ما عليج الا انج تودينهاا الدكاان .. وتشترين لهاا جلكسي مال بو درهم وبطاطس مال ربع وعصير سنتووب .. وعلية انهاا بترضااا ..~

تراا اليهاال ما يراضيهم غير الحلاوة .. هااااااااع ..~

انتي خلي عمرج الكبيرة وخذيهم على قد عقلهم .. لوووووول .. هع ..~

الووهيم والاهم .. نرجع لمحوور حديثنــآ ..~

انت/ي اذا زعلان من حد..تقوله.؟ ولا تخليه بعمآه لين مآ هو يكتشف.؟

شوفي حيااتي .. اناا الزعل كلة ما احبة .. بس اذاا زعلت ممكن اقوول .. بعد اباا حد يراضيني .. ما اريد اتم زعلانة .. ويمكن اييب لي هدية بعد .. لووو ..~

انت/ي لو ياء حد وقآل انآ زعلان/ه منك/ج شو حزتهآ بتسوي..؟ بترآضيه مثلن؟ وكيف بترآضيه..؟

اكيد برآضية .. بس عااد لو كاان السبب يستااهل انة يزعل براضية من خااطري .. بس لو السبب تافة .. ومن قووم زعل اليهاال على قولتج براضيه من وراا خااطري .. هااع ..~

آخر سؤآل

شو اللي يزعلك/ج وتبطي/ن ترضى/ ترضين..؟

ازعل يووم حد يقص علية ولا يستغفلني ولا يكذب علية .. اناا عندي كلة ولا الكذب .. اكثر شي اكرهه في الدنياا هو انة حد يكذب علية ..~

بس انا حليلي ما ابطي لين ما ارضى .. من اول كلمة برضاا عااي .. هاااع ..~

احمدووو ربكم انتوو يلي تزعلووني اني ما احب موود الزعل .. والله ...~

هل تفرق عندك/ج كيفيه اذا القريب ولا الغريب زعل منك..وكيفيه ممكن انك/ج ترضيه../ترضينه..؟

اممم .. شوفي حيااتااتي .. هو الزعل بيتم زعل .. ما فرقت قريب ولا بعيد ..~

اناا بس تفرق عندي سبب الزعلة .. جانة يرزاا ولا سبب تاافة ما تزعل علية القطااو حتى .. هع ..~

وكمــآ ذكرت ساابقاا ..~

لو كان السبب يرزاا .. برااضية من خااطر ابو عم خال خااطري ..~

اماا لو كان السبب ما تزعل علية القطااو ... براضية من وراا خاطر عم خال خاطري .. هع ..~

ووو ..~

تسلمين ياا نظرووتي على هالمووضووع الحلوو ..~

تسلم لي صبيعاات مخج يلي طرحت هالمووضووع ..~

الله يعطيج الف عاافية ..~

وووووو

تقبلوو مروري فديتني والله ..~

__DEFINE_LIKE_SHARE__

الغضي الياسي · 08-22-2010, 04:15 AM

ليش الوآحد غدى يزعل على اشيآء وبدل مآ يخليهآ على قدهآ صغيره..يقوم ويخليهآ مشكله مآلهآ حل..؟

في هوى الغير طاير , وعلى هواكم صار مغصوب

الشخص اللي يدور الزله على صاحبه ترى يبا فراقه,, وفالحب تراها حالتين , ياحب غيره يا ما لقاه مثل ما هو يبا ,, والافضل انه ينسحب بهدوء

انت/ي اذا زعلان من حد..تقوله.؟ ولا تخليه بعمآه لين مآ هو يكتشف.؟
انت/ي لو ياء حد وقآل انآ زعلان/ه منك/ج شو حزتهآ بتسوي..؟ بترآضيه مثلن؟ وكيف بترآضيه..؟

المسلم يلتمس لاخيه المسلم العذر , والانسان ملزوم يسامح لانه الدنيا حياة وموت , وكل منا له قرار بعد كل زله , احيانا لو صار موقف بين شخصين يقربهم , واحياناً المشكلة تولد مشكلة ومشكلة واتفاقم الامور , وبعض الاشخاص ياخذون قرار شخصي بالانسحاب من اول موقف يصير امبينهم , عن نفسي اعطي فرصه لكن على حسب يلي صار , وإن صديت ما أحب ألتفت , ادري انه ربي بيعوضني عن مصابي من صاحب ولا من غيره .\

شو اللي يزعلك/ج وتبطي/ن ترضى/ ترضين..؟

من تكلم عني في غيابي بأمور ما صارت ولا استوت ,,

من ياخذ قرار بنفسه انه ما يسمعني ولا يفهمني ولا يترك لي باب اني اشرح له الاسباب لو صار امبينا زعل ,,

الانسان اللي ما يقدرني مول ما اقدره , ومع الوقت انسى اسمه وهالشي زارعنه في نفسي وبرضاي انساه وانا مبتسم مهما كان غلاه ,,

تبقى مسائل الزعل وارده وفي امور كثيره , صعب انقولها لانها ما تخلص , اللي يسامح ولا ينسى يتعلم , واللي يسامح وينسى تراه بيتعب ,,

هل تفرق عندك/ج كيفيه اذا القريب ولا الغريب زعل منك..وكيفيه ممكن انك/ج ترضيه../ترضينه..؟

اللي يفكر صح بيحاسب على الاثنين لانهم كلهم بشر , لكن من الاولويات انه القريب هو الابدى

والسموحه __DEFINE_LIKE_SHARE__

مناير · 08-22-2010, 04:29 AM

انت/ي اذا زعلان من حد..تقوله.؟ ولا تخليه بعمآه لين مآ هو يكتشف.؟

اذا كان الموضوع يستاهل مابقوله .. اذا يستاهل اكيد بخليه يعرف بروحه ^^

انت/ي لو ياء حد وقآل انآ زعلان/ه منك/ج شو حزتهآ بتسوي..؟ بترآضيه مثلن؟ وكيف بترآضيه..؟

هي براضيه لانه بطبعي ماحب حد يزعل مني ... اذا ماقدر اوصله .. بسويله تصميم او اطرشله غنيه او بتصله وبتكلم معاه اكثر من ساعة خخخخ عسب ينسى الموضوع.. او اقل شئ استسمح منه .. اما اذا قريب بروحله وبعطيه هدية لو كان صج صج زعلان مني ..

شو اللي يزعلك/ج وتبطي/ن ترضى/ ترضين..؟

انا عني ماعرف ازعل خخخ صج والله هيهيهي اذا بزعل مابكمل ثانية خخخخخخخ
اذا زعلت من الموضوع صج وما يا عسب يراضيني خخخخ .. ( لأنه في ناس الله يهديهم مايحبون يراضون >< )

هل تفرق عندك/ج كيفيه اذا القريب ولا الغريب زعل منك..وكيفيه ممكن انك/ج ترضيه../ترضينه..؟

لا عادي كلهم في الهوى سوى خخخخ .. بس القريب اكيد براضيه اكثر خخخخ

ويعطيج العافية حياتي .. وهالشئ منتشر هالايام خخخ بس يبالهم كف ع الويه وبصطلبون خخخخخخخخخخ
__DEFINE_LIKE_SHARE__

ઇ النورس ઇ · 08-22-2010, 04:45 AM

وعليكم السلام ورحمة الله وبركاته

مرحبا نظوره ^.^

منوره استراحة النقاش وربي ..

لاحظت انه هالموافق وايد تصير لج ؟؟

الزعل اللي ماله مبرر <<

فهذا ان دل على شيء ,, فإنه يدل على انج معطتنهم ويه زياده ههههه

أسولف << ^.^

ساعات الواحد صدق يزعل على شي معين ..

الا ان هالشي ما يكون كبير وبذيك الصوره اللي تخلي الواحد يزعل فتره طويله

لكن الصراحه ,, وانا ملاحظ هالشي

ان الشخص أحيانا يتغلى ,, وما يبا يحسس الطرف الآخر انه رضى بسرعه

عشان الطرف الآخر يحس بالغلط اللي سواه

والمصيبه .. ان يوم يكون الموضوع فيه تغلي بس وبدون مبرر

وهذا اللي يجبر الشخص انه ما يعتذر .. أو يوقف عن الاعتذار ..

ساعات حالة الشخص تصنع الفارق أحيانا

اذا كانت حالة الشخص عاديه ومستقره نفسيا

بيتقبل الاعتذار وبكل صدر رحب

لكن اذا كان الشخص بعده تحت تاثير الغضب أو الزعل

صعب انه يقبل الاعتذار ..

والصراحه هالأشخاص اللي يزعلون بدون مبرر او بسبب ماله داعي

يرفعون الضغط شويه ..

لكن أحيانا يمكن يكون في مبرر نحن ما نعرفه

ولو يشرحه الشخص ,, يمكن نعذره

مثلا لو قلتي حق وحده من صديقاتج .. ياا غبيه

اعتقد انها كلمه ما تزعل بين الاصحاب

لكن مثلا لو قلتيها جدام امها او في مكان عام وجدام الناس

يمكن تسبب لها احراج وتزعل على هالشي ... مع ان الكلمه عاديه

وهي ما تزعل عليها أساسا ...

افرضي في هالحاله انتي ما كنتي تعرفين ان هالكلمه تسبب لها احراج جدام امها مثلا

بتقولين ان البنت زعلت وبدون مبرر .. مو صح ؟؟

وهذا كان قصدي انا

يمكن في شخص يزعل بدون مبرر من وجهة نظرنا

لكن هناك سبب خلى هالشخص يزعل ,,

والمشكله تكمن ,, يوم هالشخص يزعل ,, وما يقول السبب

اللي خلاه يزعل ,,

وفالنهايه ,, مرد الصديق الوفي والصدوق ,, يرجع لصديقه

اذا صدق كان صديق ,, واذا صدق كان الطرف الآخر ما قام يالتجريح

انا الصراحه الشخص المزاجي ما أسويله سالفه ,,

سواء كنت أعرف انه مزاجي أو لا

وسواء كنت أعرف انه مضايق أو فرحان

أتعامل وياه بطبيعتي العاديه

لن الشخص المزاجي ,, ما يمشي مزاجه علينا نحن .. ^ـ^

اما اذا كان هناك شخص طيب ,, لكنه في يوم من الأيام كان مزاجه متعكر

ف أكيد هناك بيكون سبب معين خلى مزاجه يتعكر ,, وهالشخص بنتحمله

وبيكون على عيني وعلى راسي ^ـ^

وبحاول اني اراعي حالته ,, على عكس الشخص المزاجي ^^

انت/ي اذا زعلان من حد..تقوله.؟ ولا تخليه بعمآه لين مآ هو يكتشف.؟

انا أعتقد اني اذا زعلت من شخص .. بيبين هالشي من طريقة كلامي معاه

واذا كنت فعلا زعلان من شخص لسبب معين ,, ببلغ هالشخص

وبقوله يا فلان ,, تراك سويت شي ما عيبني ,, وبقوله الأسباب

وأعتقد ان الصديق الجيد بيتفهم هالأسباب وما بيكرر هالشي

ولو انه ضحك وقال مثلا ان الموضوع ما يرزا

لانه هو في داخله يعرف ان هالشي انا ما احبه مثلا

فما بيسويه .. ومهما كانت نظرته لهالشي ^ـ^

انت/ي لو ياء حد وقآل انآ زعلان/ه منك/ج شو حزتهآ بتسوي..؟ بترآضيه مثلن؟ وكيف بترآضيه..؟

أولا بسأله عن الأسباب اللي خلته يزعل مني ,, اذا كنت غلطان فعلا ,, بستسمح منه

وبقوله انها غير مقصوده أكيد .. وما كان قصدي اني ازعله ^^ ,, هالكلمتين يكفن ^ـ^

شو اللي يزعلك/ج وتبطي/ن ترضى/ ترضين..؟

الوقوع في خطأ .. قد تم التنبيه عنه مسبقا .. ^^

هل تفرق عندك/ج كيفيه اذا القريب ولا الغريب زعل منك..وكيفيه ممكن انك/ج ترضيه../ترضينه..؟

الصراحه ما أشوفها تفرق وايد ولو انه القريب بكون ما خذ عليه شويه

لكن الغريب ما يحق له يتغلى وايد .. هع

شاكر لج طرحج المميز يا نظوره ^ـ^

دومج مبدعه يا إبداع انتي ,, خخ

تستاهلين التقييم

تقبلي مروري المتواضع

النورس
__DEFINE_LIKE_SHARE__