التقــــديـــم الإذاعــــي والتلفــــزيونـــــي

النعيمي · #1 11-19-2008, 05:15 PM

السلام عليكم ورحمة الله وبركاتة

جييف حالكم ؟!!

موضوعنا يتحدث اليوم عن التقديم التلفزيوني والإذاعي وهو بالنسبة لنا يمكن موضوع بسيط او مايكون فالحسبان ، بس كل شخص سبحان الله يرتاح حق مذيع / مذيعة فالإذاعة او مذيع / مذيعة فالتلفزيون، سواء فالطرح الإخباري او برامج المنوعات والفنون او البرامج الدينية اوالسياسية ، وللأسباب مختلفة ترجع لحسب رغباتنا ومشاعرنا .. سواء لأسلوب المذيع واحيانا
" اناقة المذيعه " ربما سآخذ راي اخواتنا النساء في ذلك ..
نحن اليوم نبا نتكلم بشكل مبسط عن التقديم الإذاعي والتلفزيوني عن شخصية المذيع / المذيعه من خلال الاذاعة والتلفزيون
احيانا ايلس اتطالع التلفزيون وافر فـ هالقنوات واشوف مذيعين " مارتاح لهم " واغير القناة لقناة اخرى ابحث عن مايفيدني او يجذبني ...
ولاحظنا فالفترة الأخيره توجهات بعض القنوات الفضائية وخصوصا الإماراتية بان المذيع يعتبر هو (المذيع والضيف)
في آن واحد من امثلته "برنامج لون حياتك " للدكتور عبدالعزيز النجار و " فيتاميين " للدكتور علي سنجل
واوجه لهم تحيه خاصه على تقديمهم المتميز واسلوبهم الراقي ..

..

الأسئلة موجهه لك اخي العضو ، ولج يا اختي العضوه

1) افضل مذيع او مذيعه فالإذاعة والتلفزيون لديك ؟؟ واذكر لنا في اي محطة اذاعية او قناة فضائية يقدم ؟!!
2) اسباب اختيارك لهذا المذيع او لهذه المذيعه ؟!!وهل تأثرت بـ اسلوبة ؟!!
3) اذكر لنا اسم مذيعه و مذيع تحس انهم محتاجين لخبره واسلوب فالتقديم اكثر ؟ ولماذا ؟ ( لطفا انتقد ولكن بدون تجريح )..
4)نجاح شخصية المذيع او المذيعه تكمن في ...............( الرجاء تعبئة الفراغ ) ..
5) في رايك ما الأسباب التي ترجع في اختيار المذيع من قبل القناة نفسها ؟
6) كلمة تحب ان توجهها لبعض القنوات حول بعض المقدمين (المذيعين ) الناجحين او الذين لا اسلوب لهم ؟!!

0
0

اتمنى الموضوع ان يحوز على رضاكم واعجابكم ، وان شالله نوصل لوجهات نظر طيبة ونحاول نغوص في اعماق افكاركم

0
0

ملاحظة
اتمنى عند نقل الموضوع كتابة اسمي او ذكر استراحات زايد ، وعدم نسب مواضيعي للآخريين بدون اي وجه حق ..

0
0

كاتب الموضوع بحذافيره

غديّر النعيمي __DEFINE_LIKE_SHARE__

{., مغرۈرھٌ آلجمآل ۈ۶ـمھٌ --» · 11-19-2008, 05:29 PM

وعليكم السلام ورحمه الله وبركاته

في البدايه أشكر الأخ النعيمي على الطرح المميز

1) افضل مذيع او مذيعه فالإذاعة والتلفزيون لديك ؟؟ واذكر لنا في اي محطة اذاعية او قناة فضائية يقدم ؟!!

كان أفضل مذيع عندي جابر عبيد اللي كرس نفسه لخدمه المواطنين الله يذكره بالخير كان يعمل بقناه بوظبي واذاعه اف ام وأيضا ميره المهيري اللي تظهر بالأخبار بسما دبي و خليفه السويدي اللي يطرح برنامج خطوه ومذيعه باف ام اسمها بدور المرزوقي هاي تعيبني بس جي لله أرتاح إلها

2) اسباب اختيارك لهذا المذيع او لهذه المذيعه ؟!!وهل تأثرت بـ اسلوبة ؟!!

أغلب المذيعين اللي يجذبني فيهم الأسلوب الراقي وكيفيه طرحهم للمواضيع بحيث إنا نستفيد من هالشي
والشي الحلو منهم أكيد بتاثر فيه وإلا كيف بنمي شخصيتي

3) اذكر لنا اسم مذيعه و مذيع تحس انهم محتاجين لخبره واسلوب فالتقديم اكثر ؟ ولماذا ؟ ( لطفا انتقد ولكن بدون تجريح )..

ما اتابع إلا البرامج اللي ذكرتها لكن أنتقد كل المذيعين اللي يظهرون بصوره مش حلوه وأيضا اللي يطرحون برامج مالها داعي

4)نجاح شخصية المذيع او المذيعه تكمن في

الأسلوب الراقي وحسب نوع البرنامج المطروح والمفيد

5) في رايك ما الأسباب التي ترجع في اختيار المذيع من قبل القناة نفسها ؟

بصراااحه القنوات الحين تختار أي حد كل من هب ودب يستوي مذيع عقوله واحد الله يذكره بالخير يختارون عارضات أزياء عشان يجلبون الناس

6) كلمة تحب ان توجهها لبعض القنوات حول بعض المقدمين (المذيعين ) الناجحين او الذين لا اسلوب لهم ؟!!

هي أمنيه أتمنى إن جابر عبيد يرجع لساحات الإعلام نفس أول وأوجه كلامي هذا لقناه بوظبي

والسموحه عالقصور __DEFINE_LIKE_SHARE__

شمانيAJ · 11-19-2008, 05:34 PM

تسلم اخويه .. عـ الطرح

اممم انا ماعندي مذيع معين بس افضل وهو احسن >>لو يكون >>مذيع مب مذيعه لآن مذيعات هـ الزمن حدث ولا حرج ولا يقدمن فـ برامج وا يخصها فـ شخصياتهن >>امم بس المذيع افضل بوايد يمكن يقدر يخلي هـ البرناامج احلى وتكوون عنده الخبره اكثر >>بس بعد ما اقلل من قدر المذيعاات<<

هذي وجهة نظري وما يخصني فـ غيري >>وهذا اللي انا اشوفه ..

وتسلم .. مره ثانيه اخويه عـ الموضووع __DEFINE_LIKE_SHARE__

~ قبر يضمني ولا شخص يذلني ~ · 11-19-2008, 05:41 PM

السلام ...

1) افضل مذيع او مذيعه فالإذاعة والتلفزيون لديك ؟؟ واذكر لنا في اي محطة اذاعية او قناة فضائية يقدم ؟!!
الصراحه من الي ذكرتهم عبدالعزيز النجار ^_^ .. ما كنت اتابعه بس يتني فتره جريبه وتابعته
2) اسباب اختيارك لهذا المذيع او لهذه المذيعه ؟!!وهل تأثرت بـ اسلوبة ؟!!
الصراحه هيه اتأثرت ف أسلوبة
3) اذكر لنا اسم مذيعه و مذيع تحس انهم محتاجين لخبره واسلوب فالتقديم اكثر ؟ ولماذا ؟ ( لطفا انتقد ولكن بدون تجريح )..
امم محد كلهم عادي اوكي
4)نجاح شخصية المذيع او المذيعه تكمن في ...............( الرجاء تعبئة الفراغ ) ..

شخصيته ودينه << صح؟
5) في رايك ما الأسباب التي ترجع في اختيار المذيع من قبل القناة نفسها ؟
.... مادري والله

6) كلمة تحب ان توجهها لبعض القنوات حول بعض المقدمين (المذيعين ) الناجحين او الذين لا اسلوب لهم ؟!!
اقولهم ( قعـدوا فالبيـت ) < لوولز

يسلمو عالموضوع الطـرررررر بروذر __DEFINE_LIKE_SHARE__

м!sS Gα|αҳcy · 11-19-2008, 06:49 PM

انا من رايي لو الشباب هم اللي يقدمون احسن من الحريم
مع ان الحريم الهم اسلوب يرومون يناقشون ياخذون ويعطون
ويرمسون بنفس الوقت اكثر من موضوع ها شي بشخصية الحريم
لكن الرياييل عندهم ما قل ودل وبس يعني بلهجتنا (( زبدة الكلام )) لوول

الحين بجاوب ع اسئلتك

1) افضل مذيع او مذيعه فالإذاعة والتلفزيون لديك ؟؟ واذكر لنا في اي محطة اذاعية او قناة فضائية يقدم ؟!!
ميره المهيري اللي فقناة دبي دايماً تطلع في الاخبار
والله هاي صدق اماراتيه والله ذربه فالرمسه وكل المواصفات والله فيها
ادب واخلاق و غيره
2) اسباب اختيارك لهذا المذيع او لهذه المذيعه ؟!!وهل تأثرت بـ اسلوبة ؟!!
وايد اتأثرت لانها اماراتيه يعني من بلادي واشوفها جيه ذربه شي يفرح الواحد
لكن هب المذيعات في بعضهم حدث ولا حرج مع احترامي للكل
3) اذكر لنا اسم مذيعه و مذيع تحس انهم محتاجين لخبره واسلوب فالتقديم اكثر ؟ ولماذا ؟ ( لطفا انتقد ولكن بدون تجريح )..
مهره اللي بقناة حواس اسلوبها شوي فيه دلع
لو تكون رزينه احلى بيظهر وارتب
4)نجاح شخصية المذيع او المذيعه تكمن في الحوار والادب ( الرجاء تعبئة الفراغ ) ..
5) في رايك ما الأسباب التي ترجع في اختيار المذيع من قبل القناة نفسها ؟
اممم اسلوب الرمسه واكيد المظهر الخارجي للمذيع او المذيعه

6) كلمة تحب ان توجهها لبعض القنوات حول بعض المقدمين (المذيعين ) الناجحين او الذين لا اسلوب لهم ؟!!

كلمتي الهم اختاروا اللي يستاهل التقديم
ولا تحطون كل من هب وذب حطيتونه المهم شكله حلو و خلاص
لازم تشوفون المواصفات المناسبه ع التقديم

تسلم اخويه ع الطرح الغاوي
ونترقب منك كل يديد __DEFINE_LIKE_SHARE__

مشاهدة نتائج الإستطلاع: هل تفضل التقديم الإذاعي والتلفزيوني من قِبَـــل
الرجــــل	18	56.25%
المـــرأه	2	6.25%
الإثنــان معـاً	9	28.13%
لا يهـــم	3	9.38%
المصوتون: 32. أنت لم تصوت في هذا الإستطلاع