كيفية اختيار السناره المناسبه للحداق والمحافظه عليها

محروم.كوم · #1 08-16-2010, 04:50 AM

اخوي هذا اقتطاف من موضوع لاخوي abw 3wam في منتدى صديق ارجو يسمحلنا اخوي بالنقل وذلك لاستفاده للكل

كيفيةاختيار عصا الصيد والمحافظه عليها

اول شي بالنسبه للطول شوفلك سناره طولها من 3.80 الى 4.50 في البدايه

ثاني شي بالنسبه للوزن افتح السناره بالكامل قبل لا تشتريها وشوف وزنها هل يناسبك مرتاح منه ولا تحس فيه ثقيل يعني حاول ترتاح من وزن السناره الي تستخدمها معا انك معا الاستخدام حتى لو كانت ثقيله شوي بتتعود عليها وتحسها عاديه عندك

ثالث شي بالنسبه لمرونت السناره اذا ما كنت متعود على سناره مرنه واجد فا قدامك طريقين يا انك تختار سناره مرنه على شان تتعود عليهاا وتتعلم طريقة رميتها وبشرح لك الطريقه في الاخير او انك تختار سناره ليونتها مقبوله عندك بس المهم لازم تكون فيها ليونه على شاان مسافة الرمي تكون ابعد وا على شان تاخذ وتعطي معاا اول ضربه لسمكه

رابع شي بالنسبه لقوة السناره وهذا تعرفه بكذا طريقه:-
1- تفتح السناره من تححت بتحصل في اسفل السناره محبس تفكه وترفع السناره وهي مسكره وتوجه مقدمتها للنور وتطالع من تححت وتشووف سماكت وصلاتها كل ما كانت سميكه وامتن كانت اقوى
2- اضغط على وصل السناره بيدك وشوف الوصل لما تضغط عليهم ينثنون معاك حتى لو شوي ولا قويين والطريقه هذي شيك فيها على كل الوصل في مرات تكون وصل في السناره اخف من باقي الوصل مو تشيك على وصله وحده وبس
3- تقرا التعليمات الي على السناره وتشووف قوة الاكشن الي فيها واذا كانت كربون كم نسبت الكربون فيها
4- تشيك على قطعت قاعدة السناره لا زم يكون خامتها شميكه وجبره وهذا تشوفه من طرف نفس الوصله من فوق الي يكون مركب عليه حلقه

خامس شي لا تسمع كل الي يقوله لك البياع الى اذا كنت واثق فيه يعني يقعد يمدحلك ويملحلك ويبهرلك بالسناره اسمع من الاذن اليمين وطلع من اليسار كل همه فليساتك

سادس شي شيك على حلقات السناره وشوف في حلقه فيها عوج او فيها اي خلل وحاول تكون الحلقات استيل على شان يكون لها قطع غيار متوفره وبعدين سهله في الفك

سابع شي شيك على رووس كل قطعه من عند كل حلقه من الداخل وشوف اذا كان القطعه من فوق فيها اي كسر او فطر انحش منها

ثامن شي تفتح السناره بالكامل وتهزها منها تشووف ليونتهاا ومنهاا تشوف اذا يطلع اي صوت اذا فيها اي صوت صرير او طقطقه انحش عنها

تاسع شي شوف السناره من وكيلها من الي يوفرها بالسووق للمحلات وتاكد عنده قطع غيار لها ولا لا كل ما كان لها قطع غيار احسن

عاشر شي احرص على النوع الي جربه غيرك وصاد فيه ويمدحه

نجي الحيين شنو تسوي بعد ما تشتري السناره على شان تحافض عليها

اول شي تشتري لها استاند على شان تثبتها عليه ويكون استاند خفيف وقوي بنفس الوقت ما ينثني وحواف الحديد الي تدخل فيه السناره ما تكون حاده عى شان لا تجرح السناره

ثاني شي اذا كنت تصيد بمنطقه فيها رمل احرص ما يجي الرمل بين وصل السناره ولا تسكر السناره اذا جاها رمل او اذا حسيت بصووت وخشونه اذا جيت تسكر وصل السناره على شان لا تتمخش ومعا الوقت تتاكل الطبقه الغازله فوق الفيبر و الكربون وتضعف السناره

ثالث شي اذا جيت تسكر السناره وحسيت الوصل ماسكه ما تنزل بسهوله لا تطقها طق حاول تلفها بيدك لف لحد ما تنفتح لا تطقها ابد بالارض وانتبه تطق حلقات السناره في بعضهم يتعوجون بعدين

رابع شي شيك دايمن على الحلقات وشوف الخزف الي فيهم الي يمر عليه الخيط ليكون فيه شي مكسور يجرح الخيط وهذا في الغالب يسير اذا طاحت السناره او اذا انضرب الراس بشي ينكسر الخزف لا ترمي فيها غير حلقت الراس

خامس شي الحلقات على شان لا يصدون اصبغهم باي صبغ حتى لو صبغ اظافر الي يستخدمونه الحريم بعد ينفع يعني سو للسناره ( مني كير )

سادس شي الخيط السناره اغسله بعد كل طلعة على شان لا ياثر الملح على الخيط
وفي طريقه اذا لك خلق سوها تاخذ قطعة قماش معاك و تحط فيها شوي زيت ولما تنوي تطوي السناره قبل لا تسحب الخييط تمسك الخييط من تحت بالقطععه وتسحب الخييط بالمكينه عى شان ينمسسح كل الملح الي بالخيط . هذا اذا لك خلق

وغسل السناره بعد وتركها تنشف والحلقات يتجمع عليهم الملح اغسلهم يعني احرص على سنارتك تطول معااك

نجي لطريقت رمي السناره اللينه

السناره اللينه الي مو متعود عليها ما يعرف يرميهاا وممكن يعورها ويمكن وهو يرمي يضرب راسها في الحجر
على شان كذا الي بيرمي فيها على السيف يحاول يقدم لحد حافت السف على شان لو نزل راسها للماي ينتبه ويرفعها بسرعه قبل لا تضرب في الارض

ويحاول يكون الي قدامه رمل على شان بعد لو نزلت تظرب في رمل مو حجر

واذ كان يصيد في منطقه مرصوفه بحجرر يحاول يكون فوق الحجرر مو من وراه على شان اذا رما يكون نزول السناره في المنطقه النازله المنحدره ولا تظرب في الحجر __DEFINE_LIKE_SHARE__