شرح إلى جميع المتقدمين لارامكو السعودية

محروم.كوم · #1 07-31-2010, 07:50 PM

بسم الله الرحمن الرحيم ...
السلام عليكم ورحمة الله وبركاته ....
بما ان التسجيل في شركة ارامكو فتح.. حبيت ابين لكم وش بيصير لك من يوم تقدم الى ان تبدا الدراسة .
اول ما قدمت عن طريق الانترنت ... كان المشروووط عدة طلبات راح تلقونها في الموقع الرسمي لارامكو ...
والحمد لله هذي الطلبات كانت منطبقة علي ....
اولا راح تبدا بتسجيل البيانات الخاصة فيك من اسم ونسبتك وقدراتك على ما اعتقد او انك تدخل رقم الاشتراك تبع قياس وهم اوتوماتيكي راح يلقون نظرة على موقع قياس وياخذون النسبة حسب المشرووط واتوقع ان النسبة من 70 فما اكثر
ثانيا يالغالي راح يخيرونك بين موعدين تختار احدهم انك تختبر فيه ( اتوقع انه نفس اليوم بس يكون يا الصباح او المساااء )
بعدين يالغالي راح تطلع لك صفحة تطلع جميع البيانات اللي ادخلتها والموعد اللي اخترته لاجراء الاختبار ( اختبار تحديد المستوى ) ويقولون لك جيب معك اثباتك السعودي وعدة طلبات ( للمعلومية انا جبت جميع الطلبات بس رجعت بجميع الطلبات ) بس اهم شئ الاثبااات السعودي تراه مهم وما تخش من دونه .
طيب الحين جت فترة الاختبار يعني انت بتكون بالاجازة الصيفية يعني نصيحة لوجه الله فلها يالغالي لانها اخر صيفية لك ...ههههه....

موعد الاختبار :
تحضر يالغالي الى المكان المحدد في الموعد المحدد وبعدها يجرى لك الاختبار .
الاختبار راح يكون عبارة عن مجموعة اسئلة تنقسم الي قسمين .... انقلش .... ورياضيات.... .
عقبها يقولون لك ( حنا راح نرد لك خبر ) ,,,,,,, للمعلومية هذا الاختبار هو اللي يحدد تخصصك على ما اظن يعني شد الحيل علشان تاخذ تخصص حلو .

بعد اجتياز الاختبار :
تجيك رسالة على ايميلك تقولك انك عديت الاختبار بنجاح وتعطيك موعد لاجراء الفحوصات الطبية .

بالنسبة للفحوصات الطبية :
1- الطول والوزن
2- السمع
3- النظر
4- اشعة لكامل الجسم
5-تحليل الدم والبول اكرمكم الله

واشياء بسيطة جدا

طيب الحين تنتظر حوالي العشر ايااااام الى ان تطلع نتائج المستشفى
اذا عديت يالمزيووون راح يعطونك موعد اختبار ثاني ..... لا تخافون مو اختبار صعب لكن اختبار يعتمد على
حركة الجسم يعني مثلا يعطونك لوح خشبي في كل لوح فتحات دائرية وداخلها زي الاقلام مصبوغه بلونين احمر وابيض
يكون الاختبار بانك تقلب الجزء الظاهر اللي هو الاحمر الى الابيض يعني .... يكون الجزء الاحمر ظاهر والابيض داخل
وعقبها تقلب الاحمر وتخليه داخل والابيض خارج....... لاتنسى ترا فيه وقت ويقولك وقف .... الوقت حوالي 15 ثانية فقط.
وبعدها الاختبار الثاني يقولك ترسم اشكال عبارة عن وجه مثل كذا l_l داخل مربعات خلال 15 ثانية

المحاضرة التعريفية :
في هذي المرحلة راح يعلمونك التخصص اللي لك وراح يعطونك المنطقة اللي تلازمك ما دمت بارامكو وهي عبارة عن منطقتين .... المنطقة الشمالية ...... والمنطقة الجنوبية......

مرحلة قص البطاقة :
هذي المرحلة تعتمد على قص البطاقة يعني ضبط نفسك وتكشخ علشان تصور ويعطونك البطاقة ( لا تلبس غترة البس شماغ
احسن لك علشان الخلفية بيضاء ... هههه ) بعدها يقولون لك روووح للمدينة اللي راح تدرس فيها .
اذا رحت للادارة اللي راح تدرس فيها راح يصرفون لك يوني فورم ( بدلات ) علشان الدوام .

واخيرا الله يوفق الجمييييع للخير ان شااااء الله __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري