يسبي العقل بمقلة مكحولة بفتور غنج لا فتور نعاس - .·:*'*:·.استراحات زايــد.·:*'*:·.

النعيمي · 01-12-2008, 12:59 AM

السلام عليكم ورحمة الله وبركاته

موضوعي ها الإسبوع ، يتحدث عن شئ واااايد نشوفة ونلاحظه نحن الشباب
يوم نسير ( مكان ) وللأسف مواقف جثييييرة ، والحينه بفرزها لكم ، وياليت كلن يكتب وجهة نظرة (بذمة وظمير ) حيث اني قلت قبل ، المرأه ( فتنة) بس في فئة ماشاء الله لين لحينه مستمره في الغلط ( والتهاون) ..

يالله مابا اثجل عليكم فالمقدمة ، نبا ندخل فالسالفه ع طول

( الموقف الأول )

ماشا ءالله تكون ساير القرية العالمية ، وتشوف اشكال البنات ( ترى انا من النوع اللي اغض بصرية والله لكن مرات عيني تروح للشي الغريب ) كائن
جنة الا ياي من كوكب المريخ ولا الزُهره ، وحده طول وعرض وتحت الشيلة شي
تقول حاطه ( اريل ) ..
تصدقون انا وربعي نقعنا ضحك ، ومانشوف الا قوطي روب يطيح من الشعر
شو مسوية الإخت ( رافعه شعرها) عشان شو تسوي لها نفخة تحت الشيلة
!!!

( الموقف الثاني )

ماشي فالسوق مع الأهل ، تشوف الساير والراد ، تشوف عبي ماتقول الا سايرة
( عرس ) مره عليها ريش طاووس واللي عليها رسمة خيل ..
لا وخاصة اذا يتك عباة مخصرة ، ولا العبي اللي تظهر يدها لين شوي بيوصل لين جتوفها

!!

( الموقف الثالث)

فجأه تكون يالس في مطعم ، اينك بنات ماشاء الله ماخلت (صبغ)الا حاطتنه
ع ويها ، ماتقول ( مهرج) ، شو هالجحال شو هالألوان
البوصي والخاكي .. كل الالوان اللي في بالك ولي هب على بالك ..

!!

XXX

شو مستوي بالدنيا ، وين ضميرهن وين اهلهن ، وين الحشمة
ياليت نرد شرات الأول
العبي صارت مسخره ، الله يهديكن يالبنات ..

سلمى · 01-12-2008, 01:06 AM

عليك السلام ورحمة الله
مرحبااا اخويه النعيمي
منصدمه من الخاطر من الموقف الأول الي تفضلت وذكرته
الثاني والثالث شي شفته بعيني بس الأول شي عجيب
ماعرف متى بيرتقي الأنسان بتفكيره وتسمو نفسه عن المعاصي
والذنوب ..
الحينه نشوف ونسمع في المجلات والtv والنت نتائج هالطريج
والبنات الي صابتهم كوارث مابنسميها مشاكل يرمسون ويحذرون
باجي البنات بس ماشي فايدة ..
ربي يهديهم ويصلح حالهم
يعطيك الف عافية ع الطرح ماقصرت اخويه
وعساك ع القوووووة
نرقب الزود منك

زهور 2007 · 01-12-2008, 01:30 AM

وعليكم السلام ورحمة الله وبركاته...

والله صدقت يا اخوي...انا بعد شوفت اشكالو الوان...لا ومع الاهل...يعني كيف يرضون انا ما ادرى بصراحه.....و صدق كانهم مهرجات....والله...و لا تعال شوف مكياجهم..كانهم رايحين العرس .....والله صدق انا شوفت الاهل بعد ما يقولون شي...امهات او اخوانهم وياهم...بس ما يقولون شي...لا و طريقة شيلة...الى انا واايد اعصب فيه...او تلبسون ذي الناس...او ما تلبسون.....والله حاله..
والله ما اقول غير الله يهديهم....و يستر عليهم بس...

مشكور اخوي ع الموضوع الحساس..

ربي يعطيك الف عافية..

baby Cute · 01-12-2008, 01:30 AM

بالنسبة للموقف الاول :

هاي ما تعرف انها ملعونه ومطرودة من رحمة الله

الموقف الثاني :

تحب تجذب الانظار وتكون فته للناس ولا عايتنها يدينها

الموقف الثالث :

مب عايبنها شكلها تبى تغير او تخف من التنفيخ اللي في ويها من كثر الرقاد

والله مصخره بنات هالايام

وفي الاخر ما نقول غير الله يهديهن ويصلح بالهن ويثبتنى على ما نحن عليه

قوووووووولووووووووووو ( آآآآآآآآآآآآآآآآآآآآآآآآآمين )

فخر اماراتي · 01-12-2008, 01:33 AM

واايد من المواقف اللي نشوفها ،، بس هل حد فينا يقدر ينصح ؟؟ ترا اذا سرت ونصحت بيقولون هذا يتدخل باللي ما يعنيه وهذا متخلف ورجعي وغيره من الكلام اللي ممكن ينقال ويمكن توصل لدرجة اتهامك بالجنون!!

يعني واايد صارت مواااقف حسيت انه الكلام بطرف لسااني وودي اقوله بس اتراجع واقول شو اسوي مافيني اتدخل ويقولون متطفله..

كل شي بحدود،، ليش ما نحن نغير الموضه بدل ما الموضه هي اللي تغيرنا؟؟

سلمت اخوي ع الموضوع الرائع

لكن ... إلى متى سيظل الحال؟؟ الله اعلم..

لا حول ولا قوة الا بالله ،، تدرون انه اكثر اهل النار من النساء والعياذ بالله..

يالله بحسن الخاتمه والنجاة من النار ..

النعيمي · 01-12-2008, 01:41 AM

اقتباس:

المشاركة الأصلية كتبت بواسطة سلمى


	عليك السلام ورحمة الله مرحبااا اخويه النعيمي منصدمه من الخاطر من الموقف الأول الي تفضلت وذكرته الثاني والثالث شي شفته بعيني بس الأول شي عجيب ماعرف متى بيرتقي الأنسان بتفكيره وتسمو نفسه عن المعاصي والذنوب .. الحينه نشوف ونسمع في المجلات والtv والنت نتائج هالطريج والبنات الي صابتهم كوارث مابنسميها مشاكل يرمسون ويحذرون باجي البنات بس ماشي فايدة .. ربي يهديهم ويصلح حالهم يعطيك الف عافية ع الطرح ماقصرت اخويه وعساك ع القوووووة نرقب الزود منك

والله اختيه كل شي قام يزيد عن حده
والشرهه على اهاليهن

مشكورة ، ويزاج الله خير على المرور الكريم

النعيمي · 01-12-2008, 01:43 AM

اقتباس:

المشاركة الأصلية كتبت بواسطة زهور 2007


	وعليكم السلام ورحمة الله وبركاته... والله صدقت يا اخوي...انا بعد شوفت اشكالو الوان...لا ومع الاهل...يعني كيف يرضون انا ما ادرى بصراحه.....و صدق كانهم مهرجات....والله...و لا تعال شوف مكياجهم..كانهم رايحين العرس .....والله صدق انا شوفت الاهل بعد ما يقولون شي...امهات او اخوانهم وياهم...بس ما يقولون شي...لا و طريقة شيلة...الى انا واايد اعصب فيه...او تلبسون ذي الناس...او ما تلبسون.....والله حاله.. والله ما اقول غير الله يهديهم....و يستر عليهم بس... مشكور اخوي ع الموضوع الحساس.. ربي يعطيك الف عافية..

تدرين اختيه نحن قمنا نكره نسير اي مكان بالغصب اسير اشل اهلي
ولا مرات اسير كارفور او فلاح بلازا اييب سامان للأهل
الحينه كله مستعمرين المقهى ولا نسير صوب رمله بس الحينه برد مانروم
بس ع سبة مانشوف البنات ، لأن كرهت اشوف اشكال ماتحشم نفسها طول

مشكورة ويزاج الله خير ، والله يهدي اليميع