سفر البنت للدراسة بالخارج .... رايكم و بصراحة !!!!! - .·:*'*:·.استراحات زايــد.·:*'*:·.

نــــبــض زايــــد · 01-11-2008, 05:36 PM

الســــــلام عليــــــكم

شحالكم

ادري ادري كلكم بخير

المهم بدش فالسالفة <<<توا الناس

لما تسمح الفرصة للبنت إنها تواصل دراستها في الخارج

ونادر ماتتكرر لها هالفرصة في حياتها

دراسة في تخصص نادر و مب موجود هالتخصص في بلادها

وحصولها على هالشهادة بيفتح لها آفاق علمية ومهنية عااااااالية في المستقبل

انته كأخ , زوج , او حتى انتي ك بنت شو رايكم ؟؟؟

هل انها توافق و تسير على طوول والا انه في شي يمنعها ؟؟

و لو حتى كانت سفرتها لمكان فالخليج ؟

موضوع شفته في مكان و عيبتني فكرته و قلت ياالله بنشوف راي اعضاء اليـــولـهـ فيه

اتريا ردوودكم

النعيمي · 01-11-2008, 05:46 PM

انا معارض لهاي الفكره

في نظري ، ان اي وحده بتسافر او حتى مجرد تظهر من البيت لازم يكون وياها محرم .

وللأسف اني اشوف تهاون كبير عدنا من صوب بعض البنات وهاليهن

نــــبــض زايــــد · 01-11-2008, 05:50 PM

مشكور أخوي ع رايك
ونتريا راي اليميع
ومشكور ع المرور أخوي

الذيب · 01-11-2008, 06:30 PM

اقتباس:

المشاركة الأصلية كتبت بواسطة النعيمي


	انا معارض لهاي الفكره في نظري ، ان اي وحده بتسافر او حتى مجرد تظهر من البيت لازم يكون وياها محرم . وللأسف اني اشوف تهاون كبير عدنا من صوب بعض البنات وهاليهن

كلامك اخوي النعيمي صحيح كفيت ووفيت وما عليك زود
مشكور اخوي نبض زايد ع الموضوع الحساس

نــــبــض زايــــد · 01-11-2008, 06:32 PM

مشكور أخوي الذيب ع المرور

دكتورة_الحب · 01-11-2008, 07:05 PM

اشكرك اخوي عالطرح ....

اممم لو كان وياها محرم اوك مافي مانع ...

بس تروح بروحها ؟؟؟

طبعا لا...

هاللي ناقص البنت تسافر برووحها....

واصلا اهلها ما اعتقد انه يوافقون ...

كيف بيأمنون ع بنتهم وهي مسافره بروحها ...

وهذا رايي...

والسموحه ...

تقبل مروري ^_^

...اختك...

.+[راكاويه]+. · 01-11-2008, 07:58 PM

السلام عليكم ورحمه الله وبركاته ..

اممم ممم .. من راي انه لااااا .. البنت ما تسافر بروحها ..

اذا معاها " محرم " هالشىء عآدي اكييييد ^^

لكن بروحها !!! .. طبعااا لاااا والف لاااا .. ما شىء شغلهـ ..

نحن هلنا ف بلادنا ما يخلونا بروحنا .. تبونهم ف بلاد برا

ف الاحراام هههه ..

مشكور اخويه على موضوعك الغاوي .. ولا هنت الطيب ..

والسموحهـ ^.^

.+[مريامي]+. · 01-11-2008, 08:05 PM

أول شي مشكور أخوي ع الطرح..

بصراحهـ أنا أحياناً أحس إنه عاادي ومرات اقول لا هب عادي

بس انا ودي أسافر للخارج >أدرس<

وإذا الأهل موافقين وواثقين من بنتهم فـ ماشي يقدر يمنعها

والبنات اللي يسيرون برع يدرسون

تراهم سايرين للدراسهـ هب للعبان ,,

هذا رايي ^^

والسموحهـ ..