نعم للحيـــاة _ ( لنبوّئنهـــم في الدنيا حسنــــة) - الصفحة 2

النعيمي · 10-10-2008, 04:35 PM

المشاركة الأصلية كتبت بواسطة سـلامـة

وعليكم السلام والرحمة

تسلم أخوي النعيمي على طرحك للموضوع

والله يعطيك العافية

وبالفعل ومثل ما قلت المخدرات أصبحت أفة المجتمع

وانتشرت بشكل كبير بين فئة الشباب والمراهقين

وحتى بين الكبار بس الأكثر بين الشباب

والأسباب كثيرة ومثل ما أنعرفها مثل الفراغ وأصدقاء السوء

وتربية الأهل ومتابعتهم للأبناء لها دور كبير في سلوكهم

وبالنسبة للأسئلة

- الا تعتقدون ان المدمن المتعالج والتائب يحتاج فرصة لتبرير خطأه ؟!!

نعم يحتاج أنه نعطيه الفرصة أنه يبرر خطأه ويثبت وجوده فالمجتمع اللي عايش فيه

لأنه فالأول والأخير هو جزء من المجتمع وله الحق بأن يعيش مثل باقي الأفراد

ويحصل على حقوقه كاملة من تعليم ووظيفة وغيرها

- الا تشاركونني الراي في اندماج هذا الشخص المتعافى فالمجتمع عن طريق الحصول على الوظيفة المناسبة له ؟!!

نعم أخوي النعيمي أشاركك الرأي بأنه المدمن المتعافي لازم يندمج فالمجتمع

ويحصل على الوظيفة اللي تناسبه عشان يعيش منها

و يشغل وقت فراغه بشي مفيد وما يلجأ للمخدرات مرة ثانية

- هل يجب على الدولة وضع لجان لهذه الفئة حول متابعة وتيسير امورها للحصول على وظيفة ؟!!

من الأفضل على الدولة أنها تضع لجان خاصة لمتابعة أوظاع المدمنين وحالتهم بعد تعافيهم

وتيسير امورهم في الحصول على الوظيفة اللي تناسبهم

وما ننسى أنه في مدمنين عندهم أسر وأبناء وبعد تعافيهم يكونون بأمس الحاجة للوظيفة

-ايتها الفتاه لو جاءك مدمن متعافى ، هل تقبلين به كـ زوج ؟!!

أممم بصراحة بالنسبة لي لا وما أعتقد بعد أهلي بيوافقون

حتى لو كان تائب ومتعافي بس بتم طول الوقت أوسوس أنه ممكن يرجع للمخدرات مرة ثانية

وشو اللي يضمن لي أنه ما يرجع

وفالنهاية أحب أشكر الدولة لأنها أولت أهتمام بهالفئة من المجتمع

ووفرت مراكز لعلاجهم بكل سرية

والسموحة ع الأطالة

تسلمين ياسلامه ع تواصلج الرائع .. ويرجع راي البنت بحسب شخصيتها وتفكيرها ..
والواحد اذا يوسوس في شي فا اخير له مايقدم على اي خطوه وهو شاك ..

بارك الله فيج

اخوج/غديّر النعيمي __DEFINE_LIKE_SHARE__

النعيمي · 10-10-2008, 05:20 PM

المشاركة الأصلية كتبت بواسطة بنت الافلاج

وعليكم السلام والرحمه

نعم للحياه ويدا بيد لمساندة هالفئه لانهم جزء لا يتجزء منا وفيناا

بني آدم خطائون

(و خير الخطاؤون التوابون)

اذا ربنا يساامح فما بالكم نحن البشر المخلوقين من طين !!

اظن لازم نوقف وياهم ونمنحهم فرصه للحياه من يديد وبناء مستقبل وااعد

بالنسبه لأسئلتك يا الشيبه

- الا تعتقدون ان المدمن المتعالج والتائب يحتاج فرصة لتبرير خطأه ؟!!

اكييد لازم نمنحه هالفرصه مافي انسان ما يغلط بس المهم يتعلم من غلطه وما يكرره
ويكون له دافع لتحسين نفسه

- الا تشاركونني الراي في اندماج هذا الشخص المتعافى فالمجتمع عن طريق الحصول على الوظيفة المناسبة له ؟!!

انا وياك في هالشي لانه حاله من حالنا ومن حقه يحصل على وظيفه توفرله حياه كريمه

- هل يجب على الدولة وضع لجان لهذه الفئة حول متابعة وتيسير امورها للحصول على وظيفة ؟!!

اكييد وشي طيب لو يتم تنفيذ هالفكره انا من اول المؤيديين لهاا لانها بتيسر امورهم في الحصول على وظيفه
بتنسيق وترتيب من هاللجاان المسؤوله عنهم والاهم يتم متابعتهم ولو في البدايه عشان يشوفون لو في اي ضغوطات نفسيه عليهم او نظرات ممكن تحسسهم بالدونيه يعني لو يوضعون لجان لهم
وكل شخص تعافى من هالسم يكون له مشرف يتابعه ويشوف احواله ليين ما يتاكدون بانه مرتااح في وظيفته
بدون مشااكل

-ايتها الفتاه لو جاءك مدمن متعافى ، هل تقبلين به كـ زوج ؟!! ولمــاذا ؟

بالنسبه لي لو تعافى و عارفه بانه تااااب و ما بيرد لهالشي ودامت فتره علاجه فتره طويله
ع أساس اتطمن بانه ما بيرد لهالسم عادي مافي اي مشاكل بس المشكله مب مني
من الاهل تفكيرهم غير عن تفكيرنا بس لو كنت ام وعندي بنات للزواج ما عندي اي اشكال بتزويج اي شخص من هالفئه بس بعد ما اتاكد بانه خلاص هالغلطه ما بتتكرر ومثل ما قلت بانه دام على فتره علاجه فتره طويله عشان الاطمئنان لا اكثر وعشان اعرف شو وضعه

- هل لديكم ملاحظات اخرى ؟( اللي فخاطره شي ياليت يقول ) ...

مم بالنسبه للجان اذا توفرت لهم يا ليت تكون هاللجان سريه افضل يعني مثل ما تم علاجهم بسريه تامه
بعد يتم توظيفهم بسريه تامه يعني مب يكتبون على ملفاتهم متعاطي مخدرات وغيره
وينشرون للموظفين اللي عنده ( زملاءه) عشان ما حد يتطالعهم بنظره دونيه و لانه المجتمع ما يرحم

فالنهايه يعطيك مليون عاافيه عالطرح الاكثر من راائع والمتميز دومك مبدع

سلمت ودام قلمك ننتظر ابداااعاتك الياايه لاتبطي علينا

بالتوفيج وربي عليك حافظ ^_^

الله يعافيج مليوووون يابنت الأفلاج انا شاكر لج تواجدج المستمر
وماشالله عليج تكتبين من قلب ورب ومع الدليل من القرآن ..

بارك الله فيج يدوه ^__^

اخوج/النعيمي __DEFINE_LIKE_SHARE__

غزيل الدار · 10-11-2008, 01:02 AM

السلام عليكم ،،

من وجهة نظري ،، يحق لهلمدن التائب ، ان تقوم جهه مخصصة لمتابعة حياته

وتيسرله امورة من ناحية الوظيفة

حتى يتقدم في حياته العملية ،،

ولايكون لحد مستقبلا حجة علية ،،

ولا ننسى ان هالمدمن التائب يمكن لو لا رحمة الله ان يكون اخ لنا او اب او قريب

يقع في شرك المخدرات

فألواحد يتعاطف مع هالحالات ويتأمل الخير فيهم

وبالنسبة لسؤالك الأخير ،،

اوافق إذا كان مدمن في فترة مراهقة اي انقضى وقت طويل على توبته، طبعا بيكون في تردد كبير

ويمكن مايكون في موافقة من الاهل في الاصل ،

وهذا راي وسموحة على القصور __DEFINE_LIKE_SHARE__

النعيمي · 10-11-2008, 02:54 PM

المشاركة الأصلية كتبت بواسطة زهور 2007

وعليكم السلام ورحمة الله وبركاته..

- الا تعتقدون ان المدمن المتعالج والتائب يحتاج فرصة لتبرير خطأه ؟!!مثلما قلت انه ما حد معصووم عن الخطأ ..و لازم نعطي الفرصه لى هالفئة من النااس...لانهم لهم الحق انه يعيش بي كل سعاده و و يكون لهم أسرة و الوظفيه..و يثبت وووجوودهم فى المجتمع مثل البااقين ..

- الا تشاركونني الراي في اندماج هذا الشخص المتعافى فالمجتمع عن طريق الحصول على الوظيفة المناسبة له ؟!!
طبعا بلا شك أوفق رأي .. هذلو النااس بعد لهم حق الوظفيه..و لازم نمنحهم فرصه اخر علشان يثبت وجوودهم فى هالمجتمع .. و فى منهم ليش يرجعوون لى اصدقاء سوء و الى عاداتهم السيئة..لانه ما حد موجود علشان ينصحهم ..و يسمع لهم ..و يكون عندهم فرااغ من كل نحاايه ...

- هل يجب على الدولة وضع لجان لهذه الفئة حول متابعة وتيسير امورها للحصول على وظيفة ؟!!
طبعا .. لانه هالشي يمكن أسرة تكون صعب عليه ..فا الدوله تقدر تسوي هالشي بدوون ال مشااكل .. خاصا للوظيفه .. و يفتح البيت..وألخ بالعكس هالشي زين و مفيد للمجتمع ..

-ايتها الفتاه لو جاءك مدمن متعافى ، هل تقبلين به كـ زوج ؟!! ولمــاذا ؟
اممم .. صرااحه هالشي تكون ع الولد ..و يكوون وااضح من كل نحاايه..اذا صدق رجال تاب و يبي يفتح صفحه جديدة للحياة..فا ليش لا ...

أشكرك يا اخوي ع هالموضوع الحساااس و المميز .. دوومك مبدع

ربي يعطيك صحه و العاافيـــه

ماشالله عليج اختي زهور استشف منج النصح والطيبه فالرد

تسلمين على المرور والله يرزقج الرجل الصالح
مشكورة ع المشاركة الطيبه

اخوج/النعيمي __DEFINE_LIKE_SHARE__

النعيمي · 10-11-2008, 02:57 PM

المشاركة الأصلية كتبت بواسطة :: بنت :: سويزلاند ::

يشرفني اني اشــارك ف هالموضوعـــ..

انا ويا المدمن المعافى او التــائب..لان متعاطي المخدارات ما اتعاطها الا وفي سبب خارج من ارادته او ان الشيطان وصلاه للشي الخطـأ..بس دام الانسان حاول ان يصحح هالخطأ فنحن لازم ان انساعده وانحسسه انه فرد محبوب مب منبوذ..وما اشوف ان فيها شي ان البنية تآخذ واحد معافى وكان متعاطي..لان هالشخص يكون مر بتجارب عدة من الحياة فبيكون فاهمنها عدل..واشكر اهتمام الدولة بالهموضوع..

واشكرك اخوي النعيمي على هالطرح الطيب..تحياتيـــ..

ونحن لنا الشرف بتواجد امثالك اختي الكريمة فالقسم

الحمد الله الدولة ماقصرت وقبل كان علاج المدمنين في دول اوربا
ولكن الدولة وفرت الآن مراكز التأهيل والعلاج بكامل تجهيزاتها وفق خطط تنموية وسرية تامه ولله الحمد

كنت اتمنى لو رديتي على الأسئلة المطروحه

شكرا على المشاركة وتدون الملاحظة

اخوج/النعيمي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
محد سهل فها الدنيا....	محروم.كوم	منتدى أخبار المواقع والمنتديات العربية والأجنبية	0	03-23-2010 10:10 AM
تلك هي الدنيا	ملاك الروح	قصص و روايات	3	01-23-2009 08:58 AM
•.♥.•° طعـــم للحيـــاة بـــدون مشكـــــلات •.♥.•°	ولد_زعبيل_VTC	الإستراحه العامة	13	01-13-2009 10:46 PM
نعم هذه هي الدنيا !!!!!!!!!!!	عنودي	الشعر المنقول	6	04-03-2008 01:26 AM
[يا امي يا غلا الدنيا]	توأمته وبس	تصاميم الاعضاء	11	02-13-2008 09:30 AM