ستة وأربعون لغزا في قصيدة واحدة وكل لغز أمامه رقمه

وكل واحد موجه إلى عضو من أعضاء خيمة الألغاز

ولكن لا بد من ذكر بعض النقاط فضلا لا أمرا من باب التنظيم وهي

1- كل عضو يخصه لغزه فهو صاحب الحق في الترميع عليه إلا إذا أذن لأحد بحله بدلا عنه 0

2- ليس لأحد الحق في حل أي لغز إلا بعد حل لغزه هو حتى ولو سمح له صاحب اللغز 0

3- لا بأس بالمداخلات اللطيفة كالتعليق الخفيف وغيره 0

4- على صاحب الرمعة أن يكتب رقم اللغز وأمامه الإجابة 0

ابدا باسم الله والحمد وشكر=موجد العشرق والارطى والمكر
واهدي الموروث من نسوج الفكر=واذكر الغاز الحجاوي مبهمات
1- انشدك يا شيخ الالغاز الهلالي=عن ثمان اقدام تمشيها الرجالي
والمواطي هزت ثقال الجبالي=العقيد وصادق وغيره ثبات
2- وانشدك يابو اسامه عن رجل=يذكر بنورين واطبوع الخجل
ركز وفكر فلا تصير العجل=طالع الخافي وحل اللغز هات
3- وانشد الفارس ابو ماجد واقول=عن مقامن طال عهده ما يزول
يحوي الثنتين من عصر البتول=سبعتن واربع حروفه ثابتات
4- وانشد الظاعن ابو رافع يجيب=حامل الفصحى عن الطير العجيب
يلزم الارقاب باقي ما يشيب=لين يوم البعث يالله الثبات
5- ناشدن طرجم عن العود الرفيع=فوق سبع اطباق بالكون الوسيع
فوق بنت العز والله السميع=من يجيه اليوم ما يرجع بتات
6- وانشدك يا هيل عن ذاك الغلام=فوق بيت الواحد الفرد السلام
له سمين كل شهرن ما ينام=يهفي بالقبله على طول الحياة
7- والفتى برق القصيم اللي فطن=وش هو عودن نازلن حدر الوطن
منسبه لليعربي لو ما رطن=عن نظير الشوف كنه في عباة
8- وش نباتن بالخلا يابن دخيل=من ثلاث حروف ينبت بالمسيل
له سمين مخلف دروب الدليل=طبع بالمحتال من عوج الصفات
9- وانشد مسير عن العود الحمر=ياتي مسيان في درب القمر
يبقى لين يروح بالليل السمر=في دروب البارقات المرزمات
10- قلي يا شوفان محسوب السنين=ياتي مر بدون راسن يالذهين
زايدن بالناس حده ما يبين=لين يومن ثابتن فيه الممات
11- يا اسير النور بداد العسام=بانشدك يا ويش رجلن بالظلام

مستقل بدار يعمل ما ينام=ما يرفرف مع طيور الحايمات
12- وانشدك راع الحزم قللي جواب=عن مطيه ما وطت بطحا التراب
كنها بالبال تمشي كالسراب=درهمت مع خافياتن حاضرات
13- يالتحدي وش هو حين باوله=واقتلب صخرن بذيك المرحله
ناشدينك وش جواب المساله=واستلم توضيح فالمقصد نبات
14- يا شقاوي تدعى بالديره عضو=وش هم رجالن عن العالم قضو
ما نشوف امثالهم ماتوا مضوا=الا واحد بالسنين الباقيات
15- شمري وامير وش رجلن قديم=مرتكز دايم على راس الزعيم
يبدا بالتا ينتهي ذيله بجيم=فوق نابي كالرجوم النايفات
16- يا عصام انشدك عن ذاك الغدير=للمثالي في نهايات المسير
يرجح بمشروب كادي والعصير=يروي بماه الكبود الضاميات
17- يا بدر قللي عن الستة عشر=فاح منها الطيب الاصلي وانتشر
ضاق منها العود الاكبر وانحشر=والا حنا بالمسامع كايفات
18- ويش رجلن قد مضى قلبه حمر=نوب باسبابه ترا الدم انهمر
لا تقول انه حطب يقلب جمر=والجواب يكون عند اخت البنات
19- يا عبادي ابيضن وامسا بسوادي=في بطن بنتن تنصوها العبادي
بالجزيره من قديمن بالبلادي=ما تناها بالسنين الماضيات
20- يبدي المرماع راع الاوله=عن فتاتن بالحياة مهروله
واسمها الثاني رجل ما نجهله=تنذكر باسمين بارجال وبنات
21- والمساكين الحبيب اللي لهم=وش هو حارس لاختلف صاح و زهم
يسرعون اصحابه سواة السهم=يفزعون اوقات صرف الموجبات
22- يا وحيد الدرب وش بنتن عجيبه=تشرب الما يوم من قاعة قليبه
قد شقا من صار بالدنيا حريبه=شالوا اصحابه صنوف المعسرات
23- يابو خالد يالمطيري وش مسار=يحتلف يومن ويرجع بالنهار
يحدث بكل النواحي والديار=يوم يظهر منهج التعديل فات
24- ويش يابن الراوي ليله جولته=طول مد الشوف تلقا خطوته
بالوطا والكون صارت مشيته=يعتبر هالامر ضمن المعجزات
25- يابو سالم وش هو رجلن ما يلين=الا في يومن يرج العالمين
نطق عكسه لو تهجيته يبين=دور بكل الجبال الراسيات
26- وانشدك قرناس صلا عن ولد=ما سكن حاره ولا جا بالبلد
ما يطير ولا مشى فوق الجلد=وان برمته نار باقلوبن يبات
27- وانشدك يا عين ابوي وجاوبي=عن قديمن فاح فيه اللاهبي

له سميه ملبسن للراغبي=والسميه للحريم الكاسيات
28-يالفتى الشرقاوي روق اذكر مره=تدعى باسم الابن كلن يذكره
تسكن البران حول الحمره=تعتبر ضمن البنات المنشدات
29- وش هو جلمود الجبيري عود نار=يدعى باسم ابليس نفاخ الشرار
يوقع الفتنه على وضح النهار=يلحق الامثال راعينه عصات
30- وانشدك ياصافي الماس احجها=عن فتاتن ما عرفنا زوجها
مر باولها ويم بنهجها=صنفوها من صفوف الطاهرات
31- ويش يا عذب الخليج امرن عجيب=بالسخونه يسرب الما والحليب
بانشدك عن سايل بحر اللهيب=ينقلب جامد بكل الساخنات
32- وانشدك عن سيف شلال الجزيره=ياتي من فتحه كبر حبة شعيره
رجعته من حيث اتى شغله عسيره=ما نرده لو تشيب المرضعات
33- ويش يا مشعل بناتن ما لفن=واقرب الحروه تسع فينا خفن
بالذكر ما يطرقن راع الكفن=لو يطول الدهر صارن مقبلات
34- وانشد السلطان صاحبنا مراد=عن نصف نصفن شهيرن بالبلاد
قل من ياطاه يومن بانفراد=كم شقت فيه النفوس الناجعات
35- وانشدك عن عود يا بحر الكيان=ابيضن داخل حمر باعلا المكان
باخره تاكي على طول الزمان=صار رمز بخط رسم الطاهيات
36- وانشد ابهاوي عن العد الخطير=يشرب اللونين والمشرب يطير
في بطن بنتن تواست بالمسير=ما مشى بلياه ترس الصايمات
37- وانشدك يابو الذهب عن ذيل موز=ينزل الما وان سبح عومه يجوز
دقق وفكك مباهيم الرموز=دور وفتش عن اللي سابحات
38- وش هو يالسد اللي عالي راس قير=وان بغيت الذيل صب ولا تحير
ينسب لرجلن حلاوين شهير=يعني التوضيح من ضمن النبات
39- ويش يا مصطافي مسكانن ضعيف=في كتاب الله مذكور الرهيف
دوم بالميزان تلقاه الخفيف=خابرينه من صنوف الواهنات
40- يالشمطري وش هي بيوتن تشال=ما ذكرهن غير موهوب الرجال
والحريم تجيبهن معها العيال=ما لهن جدران دارن قايمات
41- وانشد اول عن نقاط وقوف وسود=قابلتها سود ايضا كالعامود
بين نقص احيان واحيانن تزود=تكره اليا واجهتك الناقصات
42- وانشدك عن عودن اسود يا سراب=بين بنتينن على بطحا التراب
لو زهمته طول يومك ماستجاب=والوكاد انه دوات المبعدات
43- قلي وافي وش هي عيونن صفر=والا بيضن بالمدينه والسفر
تحدث اصواتن على نقش الكفر=اسمها باسم الدواب الطايفات
44- وانشدك يا دوج عن رجلن كذوب=في فسيح الشرق ما جا بالغروب
يلحقه صادق ولا يحمل ذنوب=والصدوق بشرعنا فيه الكفاة
45- وانشدك يالرائعه وش هو ولد=باربعن واربع نزوله واجتلد
شفته يباع بمحلات البلد=فارغن بطنه كبر راس القطاة
46- يدوي الشرق بانشد عن رجل=له ثلاثين العمر دايم عجل
ينسب لحالي ولا فيه الخجل=يذكرونه بالسنين الحاليات
تمت الالغاز لله الكمال=بين سهل وبين صعبن باعتدال
واليمين تمد واتصب الشمال=والشكر لله واطلبه الثبات