سويت النوتيلا بالصور - .·:*'*:·.استراحات زايــد.·:*'*:·.

**قطوة بوظبي** · 10-04-2008, 10:10 AM

المقادير :

حليب عادي او حليب بالكاكاو ..
نوتيلا ..
3 علب قشطة نستله ..
2 دريم ويب ..
باوند كيك ..
هيرشي للتزين ..

الطريقة :

اول شي نجهز القالب المتحرك اللي ينرفع او قالب الجيز كيك اللي ينفتح ..

ونبتدي نقطع الكيك شرايح اقرب للسمك على حسب الارتفاع اللي تحبينه ..

بعد ما رصينا الكيك في القالب نبتدي نشربه بشوية حليب ..

وهنيييه بعد ماتشربت الكيكه بالحليب ..

وبعد ما انتهينا من الطبقه الاولى نبتدي نجهز الطبقه الثانيه (طبقــة النوتيــلا)

وهي عباره عن :

القشطه .. ومن ثم النوتيــــلا..

وفي مله ثانيه نخلط الدريم ويب مع نص فنجان ماي بااارد جدا

ونحركها اللين تغلظ وتستوي كريميه بها الشكل ..

ونحطها على النوتيلا ..

ونبتدي نحركــــــــــــــها ..

اللين تستوي مزيج بها الصــــوره ..

نصب جزء منها على طبقة الكيك ..

ونرجع نكرر مره الثانيه نرص طبقه ثانيــه من الكيـــك

ونشربه بالحليب ..
ونحرص انه ماتكون فيه اي فراغاااات في طبقة الكيك..

نحتفظ بمقدار من كريمة النوتيــلا ونصب الباقي علييه ونسويه بحيث تكون الطبقه مرتبه ..

نغطي القالب ونغطي الجزء اللي احتفظنا فيه من كريمـــة النوتيـــلا ونحطهم في الثلاجه ..

أنا عادة احب اسويها قبل التقديم بيوم .. بس ممكن تخلينها 4 ساعات او أقل قبل التقديم ..

بعد ما تتماسك وقبل التقديم بربع ساعه نطلعها من الثلاجه وتكون بها الشكل ..

نيب كريمة النوتيــلا ونغطيبها اطراف الكيكه ..

ونبتدي نزينها ب سائل الكاكاو (هيرشـــــي)

ونقصصها وممكن تزينين الصحن والكيكه مره ثانيه بسائل هيرشي ..

ماتـهـاب · 10-04-2008, 11:25 PM

تسلمين أختي عـ الطريقه
يعطيج ألف عافيه

اميرة بكلمتها · 10-09-2008, 01:12 PM

يسلمووووووووووو على الطرح

ظـبوية الظبي · 10-09-2008, 08:29 PM

يمي يمي نااااااااااااااااايس والله

تسلمين على الطرح الغاوي

وتسلم اناملج

ولا هان قدرج غلاتي

سوالم

الحزينة ع زايد · 10-10-2008, 12:40 AM

تسلمين اختي اصراحه شهيتيني الكيكه

جروحي · 10-10-2008, 01:02 AM

اممممم شكلهاا لذيدة .. .. ..

ان شاااء الله بجربهااااا ..
يسلموووووو

**بنت الافلاج** · 10-10-2008, 02:17 AM

السلام عليكم ورحمة الله وبركاته

شكله رووووعه

ان شاء الله بجرب اسويه سهل ما يباله شي

يعطيج العافيه عالطرح الرائع

<< كلي حلاة >> · 10-10-2008, 02:19 AM

يمي يمي والله انها اتشهي ... وكيف تسوينها بدون ما تعزمينا ها خخخخخخخخ

مدام السالفة فيها ككاو بحاول اسويها يوم اكون فاضية <<<< عاد اللي يقول بزنس وومن هع هع هع هع هع هع

تسلمين حبوبة ع الطريقة النايس

سـلامـة · 10-10-2008, 03:02 AM

السلام عليكم والرحمة

تسلمين أختي ع الطريقة وعلى الطرح

شكلها حلو

والله يعطيج العافية

وبانتظار يديدج

مرجوجه بس أخلاق · 10-10-2008, 11:29 AM

وآآآآآآآآآآآآآو

شكلهالذيذ

>>مشكلتها ماتعرف شي بالمطبخ ولا كان سوتها اليوم لووووول

سلمتي ع الطرح

لا عدمناج

تقبلي مروري

مرجوجه بس أخلاق