مساعده: جوالي n97 التحديث الأخير 21 ومكسور حمايته من 3 شهور وفجأة فقدت كسر الحماية

محروم.كوم · #1 06-26-2010, 01:00 AM

السلام عليكم ..
أخواني في هذا المنتدى الرائع مثل ماهو وااااضح من العنوان

أنا جوالي كسرت حمايته منذ فترة طويلة بعد ما حدثت النسخة الا السوفت وير الجديد 21

وصراحة ما واجهتني اي مشاكل مع هذا الجوال ابدا ..
ومع طول الاستخدام وكثرة البرامج اللي نزلتها على الجوال وكثرة تصفح النت بواسطته

قلت ابغى ارتب الجوال من جديد وأول شي عملته سويت Back up لجميع بيانات الجوال على الذاكرة الخارجية للجهاز (( والحمدالله اني سويت كذا ))

لأني بعد ما سويت الباك اب قلت يالله ابغى ابدأ أول شي اسوي استعادة ضبط المصنع للجوال
وفعلا عن طريق الرقم *7370# تمت اعادة ضبط المصنع ورجع الجوال كما هو جديد

اللي حصل انه بعد ما انتهيت من استعادة ضبط المصنع جلست ادور على برنامج الروووم باتش وماحصلت له أثر ..

وغير كذا جميع برامجي اللي نزلتها منذ فترة استخدامي للجوال من حوالي 4 شهور راااااااااحت علي مالقيت لها أثر ... صراحة استغربت وجلست افكر انا وش سويت استعادة ضبط المصنع ولا فورمات !!! بجد يعني انقهرت كيف اللحين اجيب برامجي اللي منزلها وبعضها عليها بيانات مسجلها وشي ما ادري منين جبته اصلا ..

قلت يالله اجل مالي حل الا اني اسوي Restore لنسخة الباك اب اللي على الذاكرة الخارجية ..
وفعلا سويتها وأعدت تشغيل الجهاز والنتيجة ولاشي ..

اللي رجع لي بس عبارة عن الاسماء والرسائل (( وصراحة هذا اهم شي )) والاعدادات كاملة مثل الضبط لجميع برامج الجوال الأساسية كالرسائل والنت وغيرها ...

لكن وين برامجي وين كسر الحماية وين الروم باتش مافييييييييييييش ... صراحة ما اخفيكم انقهرت وطفشت من الجهاز لأني صراحة مالي خلق اروح من جديد اعمل كسر حماية للجوال وأقعد من جديد اجمع البرامج اللي كنت استخدمها أول ..

عشان كذا قلت اذا أحد في هالمنتدى مر عليه مثل هالمشكله وقدر يحلها ويرجع لنفس البرامج والاعدادات اللي كان عليها الجوال قبل لا يعمل استعادة ضبط المصنع ياليييييت يساعدني ويعلمني كيف الطريقة ارجع لنفس جوالي زي ما كان أول ..

وبعدين من متى كان كسر الحماية يلتغي عن طريق استعادة ضبط المصنع رغم انه يوم سويت كسر حماية للمره الأولى ذكر لي احد الأعضاء ان كسر الحماية ثااااااابت على سوفت وير الجوال ومستحيل يروج مع الفورمات فكيف عاد مع استعادة ضبط المصنع أكيد ما راح يروح ابد ..

أرجو منكم الرد علي بسرعه لأني طفشان من الجوال ومالي نفس ارجع اسوي كسر حماية من جديد ..

وآآآآآسف على الاطالة
__DEFINE_LIKE_SHARE__