يوميات طاروح - اهداء للفيتو+(المعتزل)+ذراع الذيب وكل طاروح

محروم.كوم · #1 06-21-2010, 07:50 PM

السلام عليكم اعضاء ومشرفين الخيمه .....
بما ان الموسم باقى له حول ثلاث شهور حبيت اشارك بهالموضوع واخص فيه الطواريح انا بصراحه وبدون تحيز اطرب لمواضيع الفيتو ومغامراته المعنيه بطرح الوحوش ........

واخونا ذراع الذيب ماقصر عطانا نبذه عن مسيرة (المعتزل)

ومغامراته ويمكن ما تصدقون لكن والله العظيم لما اقرى هالمواضيع اعيش معهم كأنى بالحدث نفسه .....
الطراحه يا اخوان فيها نكهه غير شكل وفيها صبر وفيها اهم شى ؟؟
الرضا بالقسمه والنصيب.....
ياحلوها لا طرحت فرخ مثل هذا

ولا قرناس هوا مثل هالعديم النادر...

عموما ما ابى اطول عليكم هذى ابيات سميتها يوميات طاروح واتمنى انها تعجبكم

عسالله يجيب الى من الحوم نازل..... ميق ............... (ميق المقصود بها طائرة الميق الحربيه)
..................................يسلى خفوق ٍ ماعرف بالزمن سجه
يسوق الموامى صامل ٍ غره..... ..التزريق
.................................على جذب نقل ٍ جاه حاقل من اللجه
اذا شافه الطاروح هلل من......... التشويق
................................وخلاه يمرح واكثر العقل به... رجه
يكافح هواجيسه واهى تحرقه.... ...تحريق
...............................واهو حاير ٍ مابين يصبر ؟او يخدجه
تحرى على اعصابه متى حزت .التشريق
...........................ومع اول خيوط الصبح بسمل وله زجه
وعلى زجته فاع القطامى بلا .......تدقيق
.........................حداه السطر والجوع الاقشر على الدجه
بعد ضفته وقع على ساحة ......التحديق
.........................بعد ما لكش بالصايد العظم ثم ...... بجه
يديره بعد ماهو ذبحها.... ...واخذ تذويق
.........................والاعصاب بالطاروح تلعب ...ومرتجه
على الله يعٌلق وامهده .....يالله التوفيق
........................... يقوله يبى التوفيق من فارض الحجه

ودرع بالشبك ثم فاع من روعة التعليق
............................توهق مع خيوط الشبك ناوى ٍ الهجه
يبى الحوم لكنه ثقل عن هوى التحليق
.......................... واهو يطرده والجيب طاير وله عجه
ولحقه طراد ٍ مضرا ..على التلحيق
............................ونزل به معلق بعد ماضاق به فجه
فرح فيه طاروحه وباشره.. بالتسبيق
.............................بعد ما مهد ريشه وبرقعه ثم وجه
لربع ٍ فرحهم فيه اصدق من التصديق
................... وصلهم وزان الكيف والضحك والضجه
عسالله يجيبه تالى عصير للتزريق
......................... ويسلابه اللى ماعرف بالزمن سجه

اخوكم: مطلق الفــزران

__DEFINE_LIKE_SHARE__