قصـه مضحكه ...( أبكي على ما جرالي يا هلي )

محروم.كوم · #1 06-17-2010, 03:10 PM

السـلام عليكم ورحمه الله وبركاته

قصه مضحكه ... هذه القصه قديمه جدا ايام العزوبيه .. واللي شجعني على كتابتها .. اخي الغالي .. ((فهد الهلالي )).عندما قرأت قصته ,موقف لا ينسى ,,

الذي حصل في مسجد القريه .. فقلت أبي اطلع المستخبي المضحك ..وهي من المواقف المضحكه ..
وأرجوا منكم التركيز .. كي تعيشوا مع الموقف لحظه بـ لحظه
كنت في دوره تدريبيه وقبل الاجازه اتصلت في اخي وقلت له ابي موعد ..؟؟؟؟
لا تسألوني ما هو الموعد ..لانكم راح تعرفون بعدين ..
بعد الموعد اريد ان اسافر لان اصحابي مسافرين الى تلك الدوله .. المهم خرجت واتجهت إلى موعدي وبعده ذهبت الى المطار مسافرا ..

وصلت عند ربعي وجلست عندهم اسبوع ..المهم يا اخواني وقت المغادره إلى بلدي قمت متأخرا عن موعد الطائره
المغادره الى بلدي ولبست بسرعه واتجهت إلى المطار ..
خلصت اجراءات المغادره وكنت كااااااااااااشـخ .. لابس بدله وكرفـته ونظاره شمسيه اخر موديل
وماسك بإيدي شنطه سمسونايت إللي يشوفني يعتقد باني رجل أعمال .. وتوني موقع صفقه بملايين ..
واتجهت إلى المقهىى الذي في المطار وكان أكثر الموجودين عوائل وأطفال وجلست على طاوله ألعب مع الاطفال وأعطيهم حلاو وككاو
وانا قصدي أترزز قدام العوايل وأتمشى بينهم ...وابتسامات ..إلخ

المهم يا اخوان ذاعوا عبر الميكرفون على جميع الركاب التوجه الى البوابه .. واخذت الشنطه وذهبت إلى البوابه ..

فشاهدت طائره بلدي .. عبر القزاز .. عجبني شكلها وأخرجت الكاميرا ويا ليتني لم أخرجها

هنا الكارثه
بدايه المشكله
يا فهد .. يا ويليييي ويلاه

توني بصور .. ولا الكف القوي على علباي ..(رقبتي )..مـاهو كف يا الربع .. لحد الان ما نسيته وطحـت نص طيحه

يوم إلتفت وراي .. بشوف منو إللي ضربني .. ولا هذاك البوكس على عيني ..دخت وطحت على ظهري
واحس طيور صغيره تدور فوق راسي .. مثل أفلام الكرتون
سحبوني وحاولت اتفاهم معهم ..وعيني على شيء آآآآآآآآخـر ..
والله فشلـه ..!!
يا فهد أمسك بطنك

8
8
8

8

أثناء البوكس طاااااار من راسي شيء .. ((الشعـر المستعااار ))..البـاااروكـه ..

قدام العوايل إللي قبل شوي اتنصب عندهم .. الله يا الفشله ..
وهذا هو الموعد إللي قلتلكم عنه آول القصه .. إللي هو تركيب الشعـر .. من عجلتي بالفندق ما ثبته عدل
المهم سحبوني .. الله لا يوفقهم والباروكه طايحه على الارض ..والجهال ياخذونها
يلعبون فيها وانا اشوفهم واحد يحذفها على الثاني .
وواحد يوديها لامه وامه تصيح عليه فكنا منها كلها قمل
وواحد يلحق اخوانه فيها ويخرعهم بها ..
فلـم يا إخواااااااااااااااني

يتبـع .. __DEFINE_LIKE_SHARE__