قصيده مهدااه لشااعر الامير //عفااس بن تركي بن محيا امير الفوج السادس من الشاعر عيد س

محروم.كوم · #1 06-13-2010, 02:20 PM

عيد سمر يقصيدة مهداء للأمير/عفاس بن تركي بن محيا أمير الفوج السادس عشر بحائل من الشاعر ر

راكب اللي دقته كنـــــــــها دق الذهب ،،،، فــــوق طبطابة رخام أحسن قصور الملوك

كنه الذيب يحبي لاقــــبل ولاقفا حدب ،،،، والرفـــاف حافة شــــماغ بســـــام محبوك

مايـــــــلوق الا لذات المـواكب والجنب ،،،، يفهق الفــكســـار والبــــهبهاني والبيوك

تقــــل لاناظرت وجهه تناظر بالسكب ،،،، وان سرا عقب العشاء تقل في رحلة مكوك

الســريع بنوره يروح مرجان وشعب ،،،، والمـــسارات إلثلاثة علـــــــى دق السلوك

للقزوز يقول تبـــــــــت يدين ابولهب ،،،، والقــــــزوز تقول له لعـــــنبو من صدروك

كمبيوتر شاشــتة مثل كاس المنتخب ،،،، ومــــشراته وقــفن من عقـــب ماهن بروك

حجم ست اميه يسابق سريعات الندب ،،،، لونـــــه يذكـــرك في قطعة اللـيل الحلوك

وارد الجفال مركـــب سلاطين العرب ،،،، عندي اغلى من رصـــيد الفتيحي بالبنوك

من طرازات الشبح حي ابو ذاك الشنب ،،،، ماتمـــــــــــده لا لخوك من ابوك ولا لبوك

من شمالي القصيم يـــتــنهض بالطلب ،،،، ليـــــن عنه اجبال اجا تنفلق مثل الحنوك

ديرةٍ معنى الكرم سلم اهلـها والأدب ،،،، والمعازيب المحـــــــــــــيا منجين الدروك

جعل يمنى الشيخ عفاس ماهي للعطب ،،،، لو بـــــها روحه لمن جاه يطلب قال دوك

يارسولي قله ان الوعــد وقته وجـــب ،،،، حــــــرب لاتنسى وعدهم تراهم مانسوك

في بداية شهر شعبان والا اتلى رجب ،،،، كم لهـــا تطري عليه وفي صدري تحوك

ياطــــــويل العمر داعي شبابه للشبب ،،،، مايبــــــي الا صامل العلم جلاي الشكوك

رد اللأمير / عفاس بن تركي بن محيا

يارسـوله ياهـــلابك علىعيـــــــن وهدب ،،،، انـــــت غالي والوفا لك وللي رسلوك

ان يشـا الله ناصـل الطيــــبين اهل الحسب ،،،، القــــلوب البيض والعز وحجاج ضحوك

حرب هـم راس المعـــــالي عقوبة من حرب ،،،، اســـأل التاريخ عنهم ويعطيك الصكوك

الرجـال اللـــــــــي ليا جيت نسوك التعب ،،،، كــل واحد يحتفي بك مثل ترحيب اخوك

حبــــــــــهم من خالق الكــون علام الغيب ،،،، وهبــــــة من واحد في يده سير الفلوك

من يعــشق الطـيب يتعب ويشقا ويحسب ،،،، انــــت قدر والنشــــــــاما تراهم قدروك

لو يشين الوقت فالراس مرفــــوع النسب ،،،، مايجي نبت الخزامى مثل عوشز وشوك

مايفــــيدك بعض الاشــكال لاشتد المهب ،،،، والله ليـــــنهار عزمه ليا قــــــامت تلوك

الردي يـــــــبدا سنافي ولاطــالت خرب ،،،، ماله بدرب اللغم والمــــــشوك والشبوك

دور اللي بالمهمــــــــات يفرحك بعجب ،،،، بالفعل صدر شهادة حسن سير وسلوك

الرفيق اللي على الحق من كفــه غضب ،،،، من تجــــــــــاريب الليالي والايام معروك

وانت شعرك يابن سالم على غيرك صعب ،،،، ميدنــــــــــــيك ناس وانا من اللي ايدوك

انت تشعب والبقــــــــيه اتخزخز وتهذب ،،،، خيل شعرك بالجزاله على المعنى تصوك

مثل مامــالت عذوق النخل باحلى رطب ،،،، ملـــــــــت ياعيد ابقصيدك وطيبك كلبوك

من تماثــيل قدرنا قلـــــــــمنا لك كتب ،،،، طابـــــــعين احروفها يوم تمت فوق بوك

ودنا ياضحك الاحـــــــباب نلقالك سبب ،،،، والزمن نوب يـــتوسع وفي سرعه يضوك
__DEFINE_LIKE_SHARE__