غالي وتبخل علـي وتطّـول الصـدّه .. الله يسامـح غـلاك ويلعـن الحاجـه
 

~{





السلام عليكم ورحمة الله ..

هذي قصيده للشاعر الكبير محمد بن فطيس المري ..




بعنـوان " يلعن الحاجة "




غيبتك لو هـي دقيقـه تعتبـر مـدّه
الوقت دونك سجن وغيابـك اسياجـه
لا تعتذر لي ترى ماعـاد فـي شـدّه
اعيد حكي ٍ يكـود الصـدر مخراجـه
دامه يوصـف بجـود ابيـك وبجـدّه
وشلون تبخل على المجروح بعلاجـه؟
ووشلون قـاوااك قلبـك رده وصـدّه
مع انه بيّن عليه الضعـف والحاجـه
ياقـو قلبـك بــرد ايميـنـك وردّه
بخلت بمصافحـه وارهيـت بحراجـه
لو ماسقى غيم عينه جرهـدي خـدّه
تراه يبكـي وقلبـه يلحـق اخلاجـه
ولو شفته يمازحك تـراه مـن جـدّه
الضحك عن درب ضيق الصدر ماعاجه
غير الغلا والوله عليـك وش حـدّه؟
يـادرب ليلـه ويامسـراه وسراجـه
كنّه يعرفـك قبـل يلقـاك مـن مـدّه
مع ان مابينـك ومـا بينـه امواجـه
هواك بـدو ٍ نـووا للقلـب بالشـدّه
ورياض قلبي لشوف البـدو محتاجـه
والوصل..بحر ٍ متى انت بتسمح ابمدّه
السيف صبري وبحرك شح بامواجـه
قصيدي اللـي قريتـه واللـي اعـدّه
قديـم لا يزعلـك معنـاه واخـراجـه
وفراغ قلبي غلاك ارهى علـى سـدّه
ليتك تشوف الغلا وابراجـه وعاجـه
اقوى رياح العـذل مـا تقـدر تهـدّه
والا الجفا لـو تنفـس هـدم ابراجـه
تغانـم الوصـل لـن البعـد لابــدّه
ياتيك في يوم ثـم ياخـذك بادراجـه
اللي لي انـك تليـن وتتـرك الشـدّه
واللي لك اني ما سولف بـك لهراجـه
ولاني بزعلان واللـي نرتجـي مـدّه
يا باب قلبـي ويـا قفلـه ومزلاجـه
زعلة تغلي ومـن تزعلـه مـن قـدّه
ما دام كـل ٍ يبـي دربـك ومنهاجـه
غالي وتبخل علـي وتطّـول الصـدّه
الله يسامـح غـلاك ويلعـن الحاجـه




وسلامتكم واتمنى ان تنال اعجابكم ..




}~

تسلملين الغالية ع هالكلمات الرائعة فذمتي مبدعة يعطيج الف عاااااااااافية

ولا تحرمينا من هالابداع الراقي

ربي يوفقج دوووووووووووووووووووووووووووووووووووم

صح لساانـــج

وما شاء الله ع الابدااع الغااويه

ان شاء الله الى الامام دوووووم

اشكررررررررررررررفننننج ع القصيده الغاااااويه وصح السانج الشااعرة

والله يعطيج العافيه ونتظر منج زوود

كلمات فى قمة روعة

وتقبل مرورى

سلمتي الغالية عالطرح
وصح لسانج


تحيااااااااااااااتي ^_^

صح لسان شاعرها .. ولا هنتي فديتج عـ القصيده ^_^

تسلموووووووووووووون يالشيوخ عالمرور الطيب ..

ولاخلآ ولآعدم يآربي ..