مسيرة حياته في مطراد الوحش ....والتاريخ الشامخ,,,,,,,,,ذراع الذيب

محروم.كوم · #1 06-02-2010, 12:20 AM

ماشالله تبارك الله

السلام عليكم ورحمة الله وبركاته,,

مساكم\وصبحكم الله بالخير يالاجواد اعضاء ومشرفن وزوار منتديات مكشات,,

اسعد الله اوقاتكم متابعين هالخيمه الطيبه جيتكم اليوم بسيره ذاتيه عن رجل مخضرم,,

طاروح من الساحل الغربي (ابوماجد المعتزل) عاش جيلين وكان في عهد الجيل الاول,,

كان طالب واصبح اليوم معلم يعلم الجيل الثاني في مدارس الحجاز واحمد الله يوم دخلت,,

ذيك المدرسه وفي عز مقناص الطيور وشبكها كان المحاول والطرح يوميا وهالرجال ضاع وقته,,

بالفزعه وياليتكم تحضرون يوم لمحاولة لطير وحش وتشوفون المواتر الواحد لاعدها يغلط,

بالعد ولله درك يالمعتزل الطواريح مايستغنون عن فزعاته

وياليتكم تشوفونه يوم يظهر من بين,,

الجمع وهالمنظر دايم يستهويني والا يوم انه يجي مقبل وماينشاف الابمد النظر ماغير العجاج,,

وكنه فارس قوم وفوق ثلاث وعشرين سنه مدة مقناصه

وماراحت عبث وبأذن الله الطير لاحاوله,,

المعتزل ممهود ممهود وعلى قول شاعرنا

القرناس المهاجر فن المحاول عندنا شغل مدروس

وسبب تسمية ابو ماجد بالمعتزل فيه مره من السنين ترك المقناص لمدة سنه

بسبب ظروفه,,

ومن حب الطواريح له سموه بالمعتزل واصبح هو نداه وفي مشوار مطراده للوحوش رزقه الله بـ12 طير تام,,

والمثاليث والجبليات الشواهين والوكاره يقول والله ماذكر عددها ماشالله تبارك الله اذكرو الله ياربعنا ,,

وشهادتي بقنوص الحجاز مجروحه واليوم راح اذكر
لكم سيرة مختصره جدا عن المعتزل ومشوار مطراده للوحوش وتستحق مني هالسيره ان اكتب عنها بمكشات,,

وفي يوم من الايام القريبه اللي مضت نسولف انا و المعتزل

وقالي ياذيب قلت ياعونك قال ياذيب قلت ياعونك يابو ماجد,,

قال

ياذيب وصل لي تحيه للاخوان

.................................................. ..اللي لهم ياذيب حشمه وتقدير

تاصل لكن موطنه حيث ماكان

...........................................من قلب عاجز عن وصوف التعابير

مثل المطر لاهل من غر الامزان

............................................يغشى الديار الطيبه دون تقصير

ابشر بعزك ان شالله راح تصل... وهو موجها لاهل مكشات وجاء في بالي اني اوصلها لكم بسوالفه وقصصه وقلت اكتب عن سيرته في
المقناص وبداية ابو ماجد مع اول مقناص له وبلسانه يقول ......

كنت اسمع عن طرح الطيور وعن اخبارها وهذا الكلام قبل ثلاثه وعشرين سنه

واكثر واتفقنا انا وخالي

ابوتوفيق ان نقنص يوم من الايام المهم وولمنا الشبوك

شريناها بالصعوبه وكانت معنا سيارة خالي الثاني,,

ووقتها مامعنا من الزريق الاجوز حمام وكانت معرفتنا بالطيور ماهي باللي يعني لو حصلنا حقبي كان طرحناه

وكان عمري وقتها عشرين سنه وقنصنا ذاك اليوم يم جبال العد

وتسحق ويم برق صلا المعروفه وكنا ندوج,,

بالمنطقه وشفنا طيرمن بعيد موقع غرب برق صلا وقربناه وحنا والله مانعرف وش هو الطير المهم ونحذف,,

له الحمامه بالثقاله والله يالطير ماتونا هد ويلزم الحمامه

مالزمها ثواني الا وجيت جري احسب انه يعلق على طول ههههه كانت المحاوله محاولة مبتدئين والطير ماذبحها طار

وشال الحمامه وحس الطير بالثقاله وفكها,,

ووقع الطير بعيد عنها ولبسنا الحمامه الثانيه ونحذفها بالثقاله

وهد الطيربعد وقت ويمسك الحمامه قلنا نصبر شوي

وهنا بدينا نتعلم من الخطا الاول وكل دقه بتعليمه وماجيناه الين ذبحها وقلنا خلنا ندير على الطير وطار وشال,,

الحمامه وفكها بعد ماحس بالثقاله وكان مظفر ووقع الطير

بعيد الحين الزريق انتهى ومابقي الاالحمامه الاولى ,,

اللي ماذبحها الطير ونحذفها له مثقله ولاهد والمنطقه كانت خاليه ومابه قنوص يفزعون كانو الطواريح قله,,

واضرب بعيني غرب واشوف لي جيب بعيد متجه للساحل نزل خالي يبي يقعد للطير

يراقبها وانا ابي الحق,,

الجيب ابي منه الفزعه ومالله راد اني الحقه وحصلت القناص

مرزوق بن هويدي وطلبت منه الفزعه ,,

عزالله ماقصر ابوسعد فزع لنا واعطى الطير حمامه طلق وهد الطير ويعلق ونطرحه وطلع طيرنا قرناسه تامه كبيره ونبيعها بتسعه الاف وطلع نصيبي

ثلاث الاف ريال وجنان المقناص اشتعلت مواقيده ههه

ودخل الحجل في الرجل ههههه وشريت لي جيب نيسان شراع من عند واحد

من الجيران بالف وسبعمئه,,

وماخليت ديره وفريت الديار كلها وكانت ذيك السنين مابها اجهزة ارسال واجهزة

جوال كان الواحد يحصل,,

طير ولااحد يدري عنه ماله غير فزعة الله وفزعته

ولاطرح طير ماحد يدري عنه الاوقت الرجعه للعزبه,,

ويازين ذيك الايام زيناه كانت وسيعه واليوم اشوفها ضاقت والمشاريع في كل مكان لكن الله يرزقنا وياكم بالطير الطيب,,

شيهانتين فروخ رزقني الله بها في سنه وحده وفي اخر المقناص

هذي صورة الفرخ اللي طرحتها عام ثلاث وعشرين في 17 رمضان واعذرونا على رداءة الصوره,,

السالفه وهي اني يوم صليت صلاة العشاء والتراويح في يوم16 ونويت المقناص

من بكره وقلت خلني,,

ازور خالي اللي كان مريض واسري من عنده وحصلت

عنده اخوي ابوهاشم اللي قنع من,,

المقناص ذيك السنه ولزمت عليه انه يخاويني لكنه رفض خلاص قنع ماعاد يبي يكمل,,

المقناص ذيك السنه وقلت لولدي عبد الاله يالله شيل العزبه

وحطها بالسياره وبعد مامشينا,,

تذكر عبادي انه نسي شنطة البراقع وقلت عسا الله يجيب الطير

وامرحنا حول برق صلا,,

ويوم اصبح الصبح توجهت لبرق صلا مالنا غنى عنها بعد الله

وكنت ناوي اتجه جنوب ,,

ولكن لاحضت جيب متجه في نفس الاتجاه قلت خلني اتجه شمال ويوم اني اتجهت شمال,,

اتجه هو شمال نزلت من السياره وادربل والاراعي الجيب رجع جنوب استغربت منه قلت خلني,,

اروح من وادي عمق من الجهه الغربيه لصلا واتوكل على الله

والا هالفرخ اللي موقع على دربي

سبحان الله وكنه مرسول وادربل عليها واوثقها واقول ياعبادي خل عينك على الطير والبس,,

الحمامه واحذفها وماطلبتها ولبسة قمريه بثقاله واحذفها لها وهدت ولبسة الثانيه ورحت احاولها,,

وادرج الموتر يمها واديرها وراد الله وتفكها ماهي عالق

وحذفت الثانيه لها وهدت حاولت اتصل,,

على ابوهاشم ومافيه شبكه اتصال قلت في بالي لعله وعسى وقنص اليوم وماحصلت ارسال ابد,

ولبست القمريه الثالثه وجاتني الربكه وقمت احاولها وادرجها وفكتها لاحول ولاقوة الابالله

وعودت لها بسرعه واخذتها مره ثانيه واحذف الثالثه

وزاد الارتباك وخليتها تعلفها على راحتها,,

دقايق ولاصيحة الشيهانه اللي مابعدها من لسعة النايلون

عرفتها انها علقت واجيك مسرع,,

واضفها والله ياهالضفه ودتني عالم ثاني وراسلني واحد من خوياني بعد ماطرحتها وانهلت,,

التبريكات بعدها وهي فرخ شياهين تام,,

وهذي صورة فرخ الشياهين التامه الثانيه في نفس السنه في 5\11 شفتها في منطقه صناعيه(صورة عبدالله المعتزل)

في يوم من الايام طالبه هدد المهم علمت اخوي اللي اكبر مني ابوهاشم اسمه صالح وراح يبي يكشف المنطقه,,

ويعس عنها بعدة ايام وفي يوم خميس اتضح لابوهاشم

ان هالشيهانه تزبن في احد الشركات الصناعيه بجده,,

مستودعات كبيره وهالشيهانه معينه الخير بهالمنطقه وحاولها لكن المكان ضيق ولاقدر واتصل علي وجيته فازع

خارج من العمل وحامت داخل المنطقه الصناعيه وجينا

نبي نستأذن من حراس الامن للشركه وقالو هالطيره لها شهرين يحاولونها القنوص وماطروحها قلت لهم ابشرو ان راده الله اطرحها اليومين هذي
ولكم مني نص قيمتها ووافقو

الحراس وكان ذاك اليوم يوم خميس ويوم الجمعه اجتمعنا انا وابوشجاع الثعلبي وابوهاشم ودخلت للشركه والبقيه يتحرونها خارج المستودعات

وراده الله وحصلتها بالعمدان واعطيها قمري وسمان كلها مثقله

وابعدت عنها وهدة على الزريق والحوم كله حنادي ماهابت تعودت على هالمكان سبحان الله وراده الله انها تعلق شهرين حاولوها,,

الرياجيل ولكنها مكتوبه لنا وكانت في تاريخ 5\11\1423هـ,,.

,

,

,

(الطاروح صالح هاشم الحرازي ابوهاشم هالرجال له قصص وتاريخ في طرح الطيور وابداع بالمحاول وافعال اهالة الجميع ان شالله اذكرها لكم ......ذراع الذيب)

,

,

,

,

,

,

عبدالاله ولد المعتزل (عبادي)ومعاه نفس الطير في الصور
اللي قبل فرخ الصناعيه وماشالله علي عبادي في مره من المرات شاف طير في الحوم هو اللي اظهر الطير الين طرحوها والطير قرناسه جبليه
اذكرو الله يالربع وطرح الطير يعود فضله لله ثم لعبادي........ذراع الذيب

,

,

,

,

(صوره حديثه لعبادي ماشالله تبارك الله هذ الشبل من ذاك الاسد......ذراع الذيب)

,

,

,

,

,

وهالقرناسه الطيبه الوافيه طرحتها جنوب الطفيه ,,

كنت قانص عصريه شرق الاحواش اللي بجنوب الطفيه وكنت متوجه جنوب واخذت مسافه,,

وانا ماشي المهم قلت ابي اتمركز بهالمنطقه ووجهت

الجيب شمال ويوم اني وجهت شمال واشوف,,

على مد النظر طير وادربل عليه والا طير يعلف

وماتحققت من الطير لكن وقعه وقع طير واقربله,,

وادربل والا الوسره اللي مانكرها وازهب الزريق واتقدم له بعد مازهمت على اخواني طير حوران,,

محمد وعلى صالح ابوهاشم وماكانو على العامه المهم واحذف لها قطاه طلق

وتهد عليها وتلحقها,,

وتجمعو ربعنا وادرجها دقايق والاهي عالق ماشالله تبارك الله

واهد عليها عجلان طراد وكري,,

ماشفت مثله طراد ويحولها تحويل واضفها والاهي النادره مقاساتها 16عرض في 15ونص طول,,

,

,

,

وهذا الفرخ طرحته بعد القرناسه الوافيه وطرحت معه اثنين مثاليث شواهين في ذيك الايام,,

وقصة الفرخ على هالرابط,,

http://www.mekshat.com/vb/showthread.php?t=299389
,
,
,
,
وهذي قصة الحر التام اللي طرحته عام29 اللي سوابي الهوايل,,
سمعت بطير في مجيرمه يذكرونه ماطرح قلت ان شالله ابي اقنصها بكره مااصبح الصبح والا وانا فيها وكان معي خويي بسياره ثانيه واخذتها مقناص من شرق مجيرمه

وكان خويي قريب مني نفرش الارض قانصين واسبر بالدربيل يم قوز شايف زول طير ماني متأكد منه واقرب له ومباريه والاهو طير مادري وش هو واراسل

خويي يافلان تشوف اللي اشوفه قال ايه اشوفه بس مادري وش هو واقرب له وادربل وهي سراويله مغطيه كفوفه وكان الطير يلتفت يمي ويكفخ الطيروالا الكفخه اللي مانكرها

كفخت الحرواصيح على خوي ابك يافلان طير والطير سرح يم الجنوب مروح يرف بجنحانه ويسبح واقز الموتر وراه ابي اتعداه واعطيه القطاه ومسرع يالله يالله تناولت القطاه يوم ان جيت جانب الطير وانظر قدامي

ابي اتدارك واحذفله والبليه اللي اشوفها عشره امتار عني وانا مسرع وهي كول وخشب مكومه قدامي واقول سترك يارب مع صدمتي لها حذفت القطاه ويريد الله ان يحول الطير

على القطاه وازهم على خوي خلك مع الطير خلك مع الطيرتراه اخذ القطا الطير لاتتركه موتري طاح وموتري معاد ادري عنه وش صار فيه ماتحرك ثواني والاخوي مقبل علي

وجاني وانشده عن الطير ويقولي ماعليك الطير تركته موقع يعلف القطاه لاحول ولاقوة الابالله ليه يافلان تتركه قال مابيروح اطلع قلت صبر طيوري اباخذها وانا على اعصابي

ومشينا يوم جينا في مكانه وصار اللي مابيه يصير دور ودور والطير ماهو فيه حسبي الله ونعم الوكيل ويقابلنا واحد من ربعنا واركب معه ودورنا في المنطقه وخوي يبحث في جهه ثانيه والاطير مقبل علينا وشافه خويي اللي يسوق طيرك يافلان قلت ماهو طيري والطير مجهم ونتركه في حال سبيله من زين الطير اللي ضيعناه ويزهم علينا خوي اللي

ضيع الطير اول مره قال ابشرك يالمعتزل الطير عندي وجيناه وشافنا من بعيد وجانا قلت هاه يافلان وين الطير قال هنا قريب وتضرب فيوزي تركه مره ثانيه يقول الطير يعلف في القطاه يوم جينا عنده والاالطير ماهوب فيه لاحول ولاقوة الابالله وندور عليه وسبحان الله يقطع علينا ونحذفله ويهد عليها ويروحبها واقف بالموتر واسبره الين وقع والعالم والقنوص تسمع في اللي يصير وتبي تجي امة لااله الا الله ماهي عارفه الموقع وان احمد الله انهم مايدرون وين موقعنا المهم وقزيت الحر وراد الله انه يعلق

ونهد الوكريه طيرة خويي وارتفع الحر وارتفعت معه وتحوله وجاك البلا الثاني نزلنا نبي نمسك الحر كان تفكه الوكريه حسبي الله عليها ويزهم علي خوي رده وين

مكانك وين مكانك وقبل زهمت عليه مارد معاه شيهانه ماشالله عليه جيده وانا ابي اعلمه بالموقع بس اني متخوف من القنوص اللي يبون يزاحمونا واتذكر سالفه صارت لنا انا ورده في نفس المكان ولمحت له بمكان ثاني وفهمها ماشالله عليه وكل القنوص توجهو للمكان اللي لمحت فيه هههههههه ماقعد واحد وكانو عندنا قنوص وتعرفون قنوص مجيرمه واجد المهم تطرد الوكريه الحر وتطرحه ويطلع واحد من القنوص على الجهاز ويقول مبروك مبروك وباقي مامسكنا الحر وتجيك المواتر طايره من سببها

اربشت الطيور وانفك الحر مع جيت رده ويجيك ويفك باب السواق ويعطي الوكريه سمانه ويهد الشيهانه ماشالله تبارك الله وتطرحه واخيرا امسكنا الحر اللي شيب بروسنا

والحر المجهم اللي صادفنا طرحوه الثعالبه فرخ تام بيع 17000

,
,
,

وهذي صورة التام اللي طرحته ,,
,
,
,
,

وجاني على فرحته اخوي فهد الخفاق فرزقه الله بالقرناس الطيب,,
,
,
,
,

وهذي صورت القرناس الطيب,,
,
,
,
,

(ماشالله تبارك الله عليك يالمعتزل انت مثل الحرار النادره كل ماكبرت زانت وزانت افعالها......ذراع الذيب
واعذرونا ياربعنا على التقصير وماهي الاسيره مختصره,,
وانتظرونا مع قصص وحكايات جديده مع طواريحنا,,
ولاتنسونا من دعواتكم الطيبه,,
__DEFINE_LIKE_SHARE__