|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته انتبهوا بعض أماكن كاميرات ساهر في المنطقة الشرقية —————————————————— ياشــباب هاذي للخبر والطرق السريعه اذا في شي جديد سوف نبلغكم هاذي مو كلها بس الي صادوها الشقرديه للحين شباب الرياض تسجلت عليهم مخالفات وصلت الآن 17000 وهم مايدرون لأخذ الحذر والحيطه واحذرو حتى لما تلفون يمين لازم توقفون ثانيتين بعدين تلفون والقوف يكون قبل خط المشااه كاميرات ساهر بالخبر وما حولها المكتشفة لحد الان أولا الكاميرات عند الاشارات المخالفة للي يقطع الاشارة + اللي كفره الامامي يدعس خط المشاة + اللي يلف يمين لازم يوقف ثانيتين ثم يلف + اللي بيلف يمين يمسك سرا باليمين موب يخطم ونفس الكلام مخالفة للي بيعربج وبيعرض موتره قدام الشعب عشان يديور حتى لو ما دعس خط المشاة 1- اشارة شارع الظهران تقاطع !!!! (اشارة ماك وكنتاكي) 2- اشارة شارع الظهران تقاطع الملك عبدالعزيز 3- اشارة شارع الظهران تقاطع الكورنيش (اشارة شرطة الخبر) 4- اشارة المريديان بالكورنيش 5- اشارتي شارع الملك عبدالعزيز 10 + 16 6- اشارة الببسي مع الملك عبدالعزيز 7- اشارة شارع مكة (التوكيلات) 8- اشارة كوبري الاسكان اللي تروح يمين سوق الغنم ويسار الفوازية والاسكان انتبهوا يعني محد كان يتوقع انهم يحطون عند هالاشارة 9- اشارة شارع الخبر (معرض السبيعي للسيارات) هذي تقريبا اللي للان مركبة عليها الكاميرات وأي شي جديد بنعطيكم والان مع الكاميرات الموزعة بالطرقات والسرعة المحددة 1- طريق الخبر الدمام السريع (الكباري) أكثر من كاميرا متوزعة والسرعة القصوى 100 وقد أعذر من انذر 2- طريق الخبر الدمام السريع اللي يمر بالدوحة والدانة والكلية التقنية وقصر الخليج أكثر من كاميرا متوزعة والسرعة القصوى 110 3- من بعد زحمة الراشد مرورا بكوبري القاعدة والجامعة ومخرج الدمام يسار وذاك الطريق سيدا لين الجبيل يمين والحسا والرياض سيدا فيه كاميرتين متوزعة والسرعة هنا 100 ركزوووووووووا 4- طريق الجبيل اللي يروحون الديوانية السرعة برضو 100 5- طريق العزيزية السرعة برضو 100 الله يحفـظ الجميييع .. منقول __DEFINE_LIKE_SHARE__ |
مواقع النشر (المفضلة) |
| |