تحمست على أني أسالكم مرة ثانيه عن مشكلة ثانية

محروم.كوم · #1 05-25-2010, 06:30 PM

مساكم - صبحكم الله بالخير يالربع بعد سؤالي للمرة الأولى ولقيت تفاعلكم بالردود المقنعة في إصلاح الأعطال أو إيجاد سبب للمشكله تحمست على أني أسالكم مرة ثانيه عن مشكلة ثانية في الجيب (باترول ربع سلق 97) والمشكله هي عندي عدادات الطبلون ماتشتغل وهي عداد السرعة وضغط الهواء وعداد البنزين أما باقي الطبلون شغال 100/100 مثل الحرارة والأنوار والمؤشرات وعلامات التنبيه كلها تشتغل على أحسن وجه وأنا شريت الموتر على هذا الحال وعلشان أسهل لكم الوصول لسبب المشكله - الإصلاحات اللي سويتها التشييك على الفيوزات سليمه والتواصيل سليمه ويوم وديت الموتر لكذا كهربائي لأجل التشييك فقط ولإيجاد المشكلة كلن قام يتفلسف وتخبرون عاد ورش هالأيام اللي ينطرد من ملحمه ولا من مقاولات ولا من خضار وفواكه ولا من ملابس ولا من عطور تلقاه معلم بالصناعيه على العموم وفي الأخير إتفقوا على إن العلة في الطبلون ولازم يتغير وبعد هالإتفاق نصحني واحد بفني إلكترونيات يمدحونه بالصناعيه ورحت لفني الإلكترونيات وشيك عليه و قال لي القلب الخاص بعداد السرعة محروق ولازم تغيره ورحت وأخذت طبلون كامل من التشليح نظيف وشغال ويوم ركبته انحرق ويوم رجعت للفني قال لي المشكله عندك بالظفيرة تأكد منها وهي السبب..... وأنا الآن لي شهرين متعقد من هالطبلون ولو أنه ولدي ماراجعت به مستشفيات كثر ماراجعت بهالطبلون الورش. وسامحونا على الإطاله وأتمنى ممن يعرف حل للمشكله هذي يفيدني ودمتم. __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري