ايام من الماضي

محروم.كوم · #1 05-22-2010, 11:20 PM

السلام عليكم ورحمة الله وبركاته ..

قبل فتره طويله شفت موضوع مشابه لهالموضوع عن بعض الاشياء اللي تتعلق بالماضي من اجهزه وألعاب وبرامج تلفزيونيه

اليوم نسترجع الماضي بس مع بعض الحلويات اللي عمره اكثر من 20 سنه بيتذكرها اكيد

نبدأ بهذي كانت اكثر شي تنباع بالمدارس

اذكر الورعان ياكلونها مع اني جربتها مره وحرمت اكلها مره ثانيه فيها طعم مرر

شفتها مع ولد عمي وضربت بابوي مشاوير من حاره في حاره عشان يجيبها لي قطع قلبي ولد عمي الحقير فديت ابوي والله ما انساها له جعل يومي قبل يومه فديت رجوله < طيب خلاص درينا انك متأثر

[IMG]http://www.*********/upfiles9/P8m77996.jpg[/IMG]

ريكو وبعدها انتجوا واحد ثاني اسمه ريكا او ريكه كان لونه ازرق بس مو مثل ريكوو

ويفر بالموز بس ما اذكر اني كنت احبه

بسكوت ميزان

الا اقول وش اخبار الاورنجينا ما عاد شفناه

هذا اذكر كنا نسميه بسكوت مثلث الحين مغيرين القرطاس على ما اظن بس كذا ولا كذا ما كنت اكله كنت بس اطالع فيه مو لاني ما احبه ما اكله بس اللي معي ما يعطوني < طفولته حزينه

اثاري اسمه ابو ولد والله توني ادري

لا تعليق

علك قلانديزر يجي معه ملصقات تحطها على سطح مستوي ثم تقول بحكها بآآله حاده حتى تنتقل الصوره للمكان المقصود < متعوب على الشرح

كان فيه مثله علك بس الرسومات اللي عليه سيارات اذا احد يذكرها

طعم التوفي الاصلي كانت طريه مو مثل التوفي اللي الحين كل يوم تقشع الرصاص اللي بضروسي

فش فاش

سن توب ومشتقاته اذكر كان فيه سن فن بس مدري ماعاد شفته او ان الذاكره خانتني وما كان فيه شي بهذا الاسم

الحين صاروا يعطون ملاعق صغيره امووت واعرف اول كيف كنا ناكله اكيد بالاصبع على زين الايدين كل يوم واحنا في المستشفى اسهال وتطريش

[IMG]http://img103.******.com/2009/09/05/54093172.bmp[/IMG]

وفي الختام حسن كراني معلق في الاخبار يعطينا حالة الطقس والاحوال الجويه ادري ماله علاقة بالحلويات بس هو رمز من رموز الماضي

+
كفكفوا دموعكم لان الماضي قد رحل بحلوه ومره

__DEFINE_LIKE_SHARE__