بصراحه الموضوع طررر وعيبني هالموضوع
يعني وايد ناس فبالي اسكرهم ع كل شي سوه ويايه
واخاف انسى حد منهم وكل انسان مر بحياتي له بصمه
و حتى لو بصمه خربت عليه دنياي بس هالشي يعلم الواحد
وهم بعد الهم شكر

اول انسان اريد اشكره واللي ما بخلص لو شكرته من اليوم لين باجر ولا بقدر اوفي حقها
هاي اغلى انسانه بحياتي وبتظل اغلى انسانه هي (( الوالده ))
ع كل اللي سوته ويايه وكل اللي علمتني اياه من اخلاق وادب ودين وعباده
و حافظت عليه لين كبرت ورفعت راسها والله يحفظها ويخليها النا
لولا وجودها بدنياي ما بعرف ششو اسوي لانها امي وصديقتي و دنيتي كلها
وهي اللي يابتنا ع هالدنيا

وثاني شي (( الوالد))
يتعب ويشتغل كله عشانا واكيد الشكر ما بيخلص له
وخاصه عشنا عيشه والحمد لله ملايين من الناس يريدونها والله يحفظه

وثالث شي اخواني كلهم
من كثر ما اتضارب وياهم لكن بعد لكل واحد شي بدنيتي
اللي يعطيني نصيحه االلي يساعدني اللي يسولف ويايه
كل واحد ايسوي شي و مشكورين لانهم عبوا حياتي كلها
وما النا غير بعض

خلصت من البيت الواحد يبدأ من البيت والحين بظهر خاري البيت وبشكر كم من واحد
عشان ما اطول بالهذربه هع

وصلت لصديقتي البصدوقه صديقة الطفوله لين الحين والله لا يحرمنا من بعض
هاي الانسانه لو اشكرها بكلمه شكرا بيكون قليل بحقها الها دور كبير بحياتي
من الدراسه و الحياه من سوالف ونصايح
ويايه في وقت الضيق وويايه فوقت الفرح بصراحه انسانه وافيه

بس احس وايد كتبت مع ان عندي واااااااااايد ناس اريد اكتبهم بس اكتفيت بهالشي


تسلمين والله ع الطرح الغاوي
ونترقب منج كل يديد

أحم أحم ...~

السلام عليكم كل عام وأنتو بخير ورمضاان كريم وعيد الحب وكريسمس وعيد الام وعيد المعلم والمعلمه
هع هع هع هع <--------- هذا كله تعيد فيهن وتفرح فيهن هههههه


أول شي أشكر رااعيه الموضوووووع وزيرووووووه ع المجهود الطيب ويعطيج العافيه وان شااء الله تتنصبين بأكثر من أشرفيتج .....~


والصراااحه الموضوع ماعليه كلااااااااام ومااااااعليه رمسه الصراحه هع هع يس سمحوولي تراني شويه ربشه هع هع




امممم ولو قلت أشكر ~ الوالد و الوالده ~ الله يرحمهم ويغمدهم روحهم الجنه اممممم والله هب عارف شوو أقوول والله



المهم والاهم ألي فالمنتدى الكــــــل من بداايه حرف ( أ آلـــــــين حرف ي ) سوااء بالانجلـيزي أو بالعربي أنتوو خواني واهلــي وأحب أشكركم من طيب أصلكم والله والصراحه يوم دشيت المنتدى حسيت انه حد بيوقف وياايه وصج وقفتوو عندي ويعطكم العافيه ..~


والثموحه منكم


وأرد وأقولج مره ثاانيه تسلمين وزيروووه ع المجهود الطيب ويعطيج العافيه
ونترقب الكــــــــــل اليديد من صوووووبج^^

السلام عليكم والرحمة

تسلمين أختي وزيرة ع الموضوع الرائع وبصراحة فكرة الموضوع حلوة والله يعطيج العافية

وحلو أن الواحد يقدم كلمة شكر للناس اللي إيحبهم وإيعزهم في حياته

ومثل ما قلتي يمكن هالكلمات ما توصلهم بس على الأقل هذا شي بسيط من رد الجميل

وفي وااااااايد ناس في حياتي يستحقون أني أشكرهم على كل شي قدموه لي

وبحاول أذكر أهم الناس عشان ما أطول عليكم

أول شي " الوالد والوالده "

أعز وأغلى ناس في حياتي كلها وما أتخيل حياتي بدونهم

وأحب أشكرهم على كل شي قدمولي إياه من يوم أنا صغيرة لين الحين

و أدري أني تعبتهم ويايه واااااااايد ومهما سويت بظل مقصرة تجاهم

ومهما أشكرهم ما بوفيهم حقهم

والله ايقدرني وأرد لو شي بسيط من فضلهم عليي

والله يحفظهم ويطول في عمرهم أن شالله

ثاني شي " أخواني وخواتي "

أحب أشكرهم على كل شي صح أنهم ايغايضوني شوي ب

س بعد مالي غنى عنهم وعن وجودهم في حياتي

وأحب أشكر أخوي الكبير شكر خاص ومن كل قلبي لأنه مب مقصر ويايه في شي وحاطني فوق راسه

والله يحفظهم لي ولا يحرمني من وجودهم بقربي

والله يوفقهم في حياتهم ويسعدهم أن شالله

ثالث شي " صديقاتي "

أحب أشكر كل وحده فيهم لأنهم صديقاتي والحمدلله ما حسيت في يوم من الأيام بندم لأني صادقتهم

وأحب أشكرهم على وقفتهم ويايه في كل شي في الفرح والحزن وعلى نصايحهم وكلامهم الطيب

وكل وحده فيهم لها مكانه خاصة في قلبي وكلهم عزيزات وغاليات عليي

والله لا يحرمني من صداقتهم يارب

والله يوفقهم في حياتهم ويسعدهم أن شالله

رابع شي " دكتورتي الأجنيبة توني "

هاي الأنسانه أحب أشكرها شكر خاص ومن كل قلبي

على طيبتها وقلبها الكبير وعلى اهتمامها اللي بلا حدود

وعلى رعايتها لي يوم كنت صغيرة صح أني كنت ما أسمع الكلام ولا أخذ الدواء وكنت أمعورة راسها

بس بعد كانت أتحبني وايد ولين اليوم كل ما أجوفها أحسها أتعاملني نفس الأطفال

الله يسعدها و إيخليلها عيالها أن شالله

خامس شي " شكر خاص للجميع "

أحب أشكر كل أنسان كان له دور في حياتي سواءن كان هالدور صغير أو كبير

و كل شخص ترك بصمة حلوة في قلبي وكل شخص ساعدني وشجعني

وكل شخص قدملي نصيحة أو توجيه

أكيد ما بقدر أذكرهم كلهم بس الله يعلم بمكانتهم عندي

والله يقدرني وارد فضلهم عليي

والله يوفقهم أن شالله

والسموحة ع الأطالة

رديتيني ورا بكلامج هذا انا انسان مقطوع من شريه يغير عندي ام واخوان وبس لا من صوب ابويه ولا من صوب امي ...

مشكوره على هالموضوع وما اروم اقول شي زياد ه عن الي قتله ...

والسموحه منكم ...

يسلمو عالموضوع الحلو

.
.
•
•
•
.


{ وزيره الحب *

السلام عليكم ورحمه الله وبركاته ,,

اول شي حابه اشكــرج ع الطرح الحلو وتوصيل كلمه شكر من القلب للقلب ,,
وماشاءالله عليج ,, ابدعتي بطرحج وكلماتج ,, دبلوماسيه الطرح ,,


اول شكـر من القلب للقلب ,, للوالده ربيه يطول بعمره ويخليها لنا ذخر ان شا ءالله
وعسى ربيه لايرحمها منا ,,
هيه اكثر انسانه تسمعني وتحس فيني ,, بس كلمه شكراً ,, ما انسها
ما اعرف ليش فيه هذا الطبع حتى لو ساعدت حد اقوله شكراُ لول ,, كلمه شكـراُ اقولها للكل ,,
أحب اشكر كل انسان ,, يسوي ليه حايه ولا بليه حايه ,,

ثاني شكر لاغلى ابو بالعالم كله عسى ربيه يعطي طول العمر ان شا ءالله
واشكره من كل قلبي ع الي يسويه لنا ,,

ثالث شكر اسبشل ,,
لاخوية فديته ,, الي ما قصر معايه باي شي ,, صح اني علانه منه بس احبه من داخلي ,,
ايام وبيخوز الزعل ,, ,,



رابع شكــرٌ لخواتي فديتهن واخواني الغالين
والي ماليه غنى عنهم بعد ما غديت اصغر وحده بالبيت لـو و ل ,,


خامس شكر لكل صديقاتي الغاليات ربيه لا يرحمني منهن ,,
وعسى صداقتنا اتم للابد ,,, 4 Ever

سادس شكر ,,

لكل من يحب فـرفوشة ويعزها ,,,



والشكر الاولى والاخير لج يالغاليه
وزيره الحب ع الطرح الحلو والي يخلي الواحد يعبر ما فيه داخل
بس للاسف اني ما اعرف اعبر بالصوره المطلوبه ,,




والسموحه = )







.
.
•
•
•
.