|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناالإستراحه العامة المواضيع العامه التي لا تدرج ظمن اي قسم اخر من أمور الحياة |
| LinkBack | أدوات الموضوع | انواع عرض الموضوع |
#1
|
السلام عليكم ورحمة الله وبركاته صباح الخير للجميع أشكر كل من عزاني في جدتي ... مشكورين والله لكني فرحان وربي فرحاااااااااااااااان تدرون ليش؟... بخبركم قصة وفاة جدتي... لااااااااااااازم اخبركم لاااازم لااازم البدايه .. صلت يدوه الفجر وعقب الصلاه راحت تغسل إيدها وطبعا معاها بنت خالتي تعاونها ... ولما راحت تغسل ايدها وويها راحت واستندت ويلست وقالت اشهد ان لا إله إلا الله ... ونامت..... نامت نومه الطفل البريئ... على طول طلعت روحها وهي يالسه ومرتااااحه يقولوا وييها صار ابيض وحلو ... ..صار ويهها احلى بوااايد فرق شاسع للي بشوفها قبل ما تتوفى وبعد... وتقول اللي غسلتها ... عمري ما غسلت وحده نفس هاي ... بكل سهوله ويسر غسلتها ويدوه مبتسمه وفرحانه الله يرحمها ... لما كفنوها ... الكل قال ها فستان عرسها مب كفن... سبحان الله طبعا راحوا بصلوا عليها... كان زحححححححححححححمه المسيد زححححححححححمه من رياييييييل وحريييييييييييييم الحريم طبعا الطابق الفوقي والرياييل تحت كان المسيد زحمه لما شالوها بودوها المقبره ... ولا حسوا بثقلها... يقولوا اللي شلوها...( ما حسينا اصلا اننا شالين شي ولا حتى حسينا بثقل الخشب اللي شليناه ولما نمشي ما نقدر نمشي لازم نركض ... كأننا بنطير) وحليلها يدوه شكلها مشتاقه للجنه ولربها الله يرحمها قبل ما يدفنوها طلع من صوبها هوى تقول كأنها شاله مروحه عندها ... هوى بارد وحلو .. ومنعش ... سبحان الله من وين ها الهوى محد يدري... لما كانوا بيدفنوها حصلوا عصفورين داخل القبر ... وحيين طبعا لما حاشوا العصفورين ما رضوا يظهروا ..... سبحان الله ماشي أمل دفنوها مع العصفورين... وجدام قبرها خضره ومكان حلو حتى أمي لما شافتها من بعيد حست براحه نفسيه ... الله يرحمج يا يدوه الله يرحمج... توني ماسك الذهب مالها ... كانت كاشخه حليلها قبل ما تتوفى ... الله يرحمها... طبعا أبوي توفى شهر 11...2009 ... ما خبرتكم كيف توفى... جدام عيوني طلعت روحه وهو نايم على السرير مال مستشفى .... غمضت عيونه وصحت عليه بس كان مبتسم وويهه منور فديت ابوي الله يرحمه يارب.. واللي غسله يقول ابشروا ويه ابوكم منور مبيض والحمد لله على كل حال... الله يرحمك يا أبوي .... السموحه لو غثيتكم ولا شي بس من الفرحه توها امي خبرتني عن سالفة يدوه وانا على طول قلت لازم اخبركم... واشكر كل من عزاني بوفاة أبوي ويدووه... والسموحه منكم...^_^ __DEFINE_LIKE_SHARE__ |
05-19-2010, 07:00 AM | رقم المشاركة : [ 2 ] |
عضو ماسي | وعليكم السلام والرحمة صباح النور والسرور سبحاان الله هذا النور وهاذي الراحة أكيد من الإيمان وصحيح أن الأنسان يحزن على فقدان أنسان غالي عليه لكن يوم إيجوف كيف توفى وكيف كان في حياته يرتاح ويدعيله بالخير و الله يرحمهم ويغمد روحهم الجنة أن شالله والله يجعل قبرهم روضة من رياض الجنة ياارب والله يصبركم على فراقهم وأن شالله تكون آخر الأحزان والسموحة __DEFINE_LIKE_SHARE__ |
| |
05-19-2010, 07:50 AM | رقم المشاركة : [ 3 ] | |
عضو ماسي | وعليكم السلام ورحمة الله وبركاته..... والله مآأعرف شو أقول غير سبحآآن الله ,,^^ من حقك تفرح خيوو ...هذي بشآرة من الله ..الحمدلله رب العآآلمين ... والصرآآحه لمآ قريت القصه حتى الدمعه طاحت من عنوني من الفرررررح والله الله يرحمهم ويغمد روحهم الينة ,,^^ وإن شآء الله تكوون آآآآآآخر الأحزآآن ^^,, وإن شآء الله بعد مانموت كلنا ندخل الجنه ^^ إختك محوده __DEFINE_LIKE_SHARE__ | |
| ||
05-19-2010, 12:42 PM | رقم المشاركة : [ 4 ] | |
اُنثى رَضخت الحوآس لِـ نعومتهآ | الحمدلله ... ع الآقل هالشي بيريحكم ... وبيخف من مصآبكم ربي يرحمهم .. ويرحم كل موتى المسلمين .. ^^ .. __DEFINE_LIKE_SHARE__ | |
| ||
مواقع النشر (المفضلة) |
| |