التربيه والعشر دراهم - الصفحة 2

м!sS Gα|αҳcy · 09-07-2008, 11:02 PM

المشاركة الأصلية كتبت بواسطة النعيمي

وعليج السلام ورحمة الله وبركاتة

يالله مس جلكسي اخيراً مابغيتي اتنزلين لنا ولا موضوع لووووووول

طال عمرج انا ماعندي خلاف ، نحن ايام الهوية الوطنية دفعنا تقريبا 150 درهم تقريبا للفرد الواحد ع سبة انظهر الهوية
وكنت اتخبر عن الناس اللي مايرومون يدفعون ، يعني تخيلي انا اعرف ناس بنت تشتغل والبيت فيه 6 افراد
مايشتغلون وهي تصرف على البيت ، من وين لها المسكينة .. الا من رحم ربي واللي يستلمون من الشوونة
راتب شهري بدون استحقاق للرسوم ..

وبالنسبة للعشر دراهم ماعتقد محتاينها بس عشرة على عشرة تسوي خخخخخخخ
واظني العشر دراهم اللي ادفعونهم تكون لصالح بعض الأسر المتعففة عن دفع رسوم ابناءها فالمدارس ..
او ابناء الفقراء والمحتايين فالدولة .. مثل معاشات الطلبة في بعض الكليات والجامعات عدنا فالدولة يتم تخصيص
راتب شهري لكل طالب مسجل في صندوق الطلبة ، وطبعا كله من بيزات الطلبة الآخرييين اللي يدفعون ...
0
0

السموحه منج هذا اللي عندي من ملاحظات بحسب مافهمت من الطرح
وتسلمين ونباج متواجده ان شالله فالقسم وتطرحين مواضيع

اخوج / النعيمي

هع هع
شو اسوي ما عارف اوصل الفكره اللي فبالي لحد هع
فعشان جيه مخليه النقاش لاصحابه
اخويه النعيمي انت فهمتني غلط
انا هب قصدي جيه اذا ع الفقير وغيره
اساسا العشر بهالزمن والله ما تسوي اي شي
وانا ما عندي اي خلاف عليها
بس ليش الطالب واذا الفلوس كلها خاري البلاد
لو نحن بلاد فقر والله ما بعترض ولا بقول شي
لكن شو انسوي بعد هالحال

واذا ع الهويه والله الكل دفع وما اعترضت ع هالشي لان البطاقات الصحيه
من زمان انسويها بفلوس فعشان جيه انا احسها شرات البطاقه الصحيه هع

مسموح بالحل اخويه
والله يسلمك ويسمنك ويسمرك __DEFINE_LIKE_SHARE__

м!sS Gα|αҳcy · 09-07-2008, 11:09 PM

المشاركة الأصلية كتبت بواسطة غزيل الدار

مرحباا

اختي فمدرستها ماطلبو منهم شي!

خل الطلبة يطالبون المدرسة يعلقون التعميم الي يقول انه الطلبة يدفعون بيزات الورق!

ويسونها ثورة وحركة عناد ، ،

بس الصراحة ،، صحيح انه العشرة مبلغ معقول عند الاغلبية ،، بس ترا شي ينرفز يوم المدرسة تبا وهالجهة تبا

وهالجهة بعد تبا ،،،

اصلا بهالفترة الناس بتحس بقيمة البيزات ، لانه ع الطالعة والنازلة يدفعون وقريبا بيسون رسوم ع الكحة لؤؤؤل

رمضان كريم

زين والله
هع هع صدقج والله
تسلمين والله ع التجاوب ويايه
واترقبج دوم بكل المواضيع __DEFINE_LIKE_SHARE__

مغازلجي مسجون · 09-08-2008, 04:42 PM

رد غرور طفله ماعجبني عن الوافدين مع احترامي الشديد لها بس ...

ليش التفرقه بين الوافد ( زلمه ) والمواطن ( الإماراتي )

كلنا من طينه وحده

بلاهم الوافدين يحليلهم عايشين على قد حالهم

والمشلكه إللي البعض يجهلها إنا نحنا يوم نسافر بلادهم

نحنا نعتبر وافدين وهم يعتبرون مواطنين في بلادهم المهم ماعلينا مب ها موضوعنا ..

سالفه 10 دراهم هيه فعلاً البلاد مب محتاجتنها

الله أعلم شو يبغون يسوون فيها نحن ما ندري بس فعلاً

مثل ماقال النعيمي 10 على 10 تسوي شيء أمكن المبالغ

إللي يجمعونها بسوون فيها صيانه حق المدارس ...الخ

بس خير ياطير على أيامنا كانوا ياخذون منا

بيزات ع الطالعه والنازله عبالهم نغرف لهم من البحر

إلا هيه 10 دراهم تفداهم وما أظن نحنا الإماراتيين والحمد الله

عايشين بنعمه خاصه بعد زياده الرواتب وإللي صارت رواتبهم خياليه

10 دراهم اللكل يقدر يدفعها حتى إللي ياخذون الشؤون الإجتماعيه

الحمد الله عيال بلادنا عايشين بخير ونعمه ( بصفه عامه )

والسمووحه ع المغثه وسوري إذا خلط لج الحابل بنابل

مجرد وجهه نظر لايغيرمن الود قضيه
__DEFINE_LIKE_SHARE__

ظبياني عكس القانون · 09-08-2008, 08:07 PM

نحن هب مختلفين على 10 رووبيــأأت ولا 20 .,

القهر ان كل يوم نسمع ., فلااانـ { حفظه الله ورعاه } بنــأأ مدرسه في المكان الافلااني .,

ومدارسنــأأ بدووون كراااسي ولا طاولااااتـ ., على الاقل الترمييم مابيااخذ نص البنياان .,
نحن مانتكلم ونمنع فعل الخير بالعكس شي حلوو ونفخر بهـ ., بس على الاقل ماينسووون بلدهم وعياال ديرتهم .,

والله كريم

اخوج / حمدان __DEFINE_LIKE_SHARE__

ابكي زمان بكاني · 09-10-2008, 12:38 AM

\\

//

يسلموو الغلا ع الموضوع

كونا من دولة الحمدلله كل ابنائها ميسورين الحال و الفلوس ما تكسرنا و الحمدلله .. بس بعد فينا من هم مواطنين اكثر عنا ..بس مشكلتهم ما عندهم واسطه يطلعون جوازات.. مولودين قبلنا و لهم حق في البلاد ..بس ما عندهم الي يخليهم يكونون حالهم حال غيرهم ويوفرون لعيالهم الفلوس و الي يبونه و يحتاجونه..

وعن كون المدرسة طالبه 10 دراااهم؟!

حتى لو كانت صيانه او اوراق امتحانات..! الدوله هب مقصره و كل يوم وكاتبين في الجرايد عن صياناتهم و غيرها ..

وين سارت فلوس الدوله الي تنعطى لهم بالملايين عشان يوفرون مكان مناسب لعيالنا و مدرسين يعلمون اعيالنا ..

اعتقد حتى لو كنا قدارين ع توفير مثل هذا المبلغ.. ما يحق لأحد ان يطلب من اعيالنا اي مبلغ و الدولة توفر اضعاف مضاعفه من مبالغ توصل للمليار بس عشان يسهلون لنا دراستنا؟؟!!

والسموحه.. مجرد رأي ^ ^

تحياتي

//

\\
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من السنن المنسية (الدعاء بين الظهر والعصر يوم الأربعاء)	محروم.كوم	منتدى أخبار المواقع والمنتديات العربية والأجنبية	0	05-24-2010 12:10 PM
الخيمة جميلة والعشر الأواخر ثمنها كثير	محروم.كوم	منتدى أخبار المواقع والمنتديات العربية والأجنبية	0	09-09-2009 04:00 PM
بمشاركة نخبة علمائية تهيؤ شبابي لليالي القدر والعشر الأواخر	محروم.كوم	منتدى أخبار المواقع والمنتديات العربية والأجنبية	0	09-06-2009 06:40 PM
الأسواق المالية: "سيتي" تقلّص سعر سهم "الدار" من 10 دراهم إلى 8.6 دراهم	محروم.كوم	منتدى أخبار المواقع والمنتديات العربية والأجنبية	0	05-26-2009 11:10 PM
ابا بحث في التربيه الاسلاميه..	зиǿǾǿич	البحوث والتقارير	1	05-06-2009 08:43 PM