|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
أيها الإخوة والأخوات الاعزاء ..... يوم أمس الجمعة 16-5-1431 هـ كان يوم عادي حتى صلاة العصر حيث كان الجو مغبر ومغيم وكدر عندنا في منطقة مطار القصيم , تلقيت في هاك الوقت مكالمة من الاخ الحبيب أبو عبد الله ( أحمد الشبعان ) من الرس يقول إلحق يابو فارس تبي المطر والسيل تعل لم وادي النسا قبل لا تغيب الشمس والله ما دريت عن نفسي إلا قد تعديت البدائع متوجه إلى الرس وكلمت أبو عبد الله قال رح للمكان الفلان ( على الخريطة ) وأنا بأخلص لي شغلة وجايك إن شاء الله , تعديت الرس على طريق الجنوب وقبل الموقع اللي قال لي كنت أفكر أرجع لأنه لا يوجد ما يوحي إن قدامي أي مظاهر للمطر أو السيل لكن ثقتي بأبو عبد الله كانت أكبر وكملت لين لقيت الخير قدامي ولله الحمد وكما وصف لي وأكثر خذت لكم كم صورة وكم مقطع , ونزلت العزبة في هاك المحل الزين وزبطت القهوة والشاهي وشوي إلا وأبو عبد الله هو وولد أخوه الذيب ( فراس ) واصلين , قال وش رايك الناس متجمعة هناك عند الكبري الوادي يمشي وش رايك نروح لمهم قلت يارجال عين خير عندهم خير وعندنا خير خل نتقهوى ونستانس ونصلي وعقبها نروح للي تبي والله وهذا اللي صار تقهوينا وضربتنا ذيك السحابة اللي يالله حملنا عزبتنا منها ورحنا على ضفاف الوادي حول الكبري ونزل أبو عبد الله العزبة وشب الضو وتقهوينا وأستانسنا وتعيشنا وعيننا من الله كل خير .... صراحة فعلاً كنت محظوظ بأبو عبد الله وبفراس وبالسيل ولله الحمد كان يوماً لا ينسى .... تفرقنا من هناك ووادي النسا لا يزال يمشي مشيٍ متوسط والخير العميم قادم بإذن الله أترككم مع الصور والمقاطع وأتمنى لكم حسن المشاهدة .... موقع الأحداث في هذا التقرير يتبع ..... يتبع |
مواقع النشر (المفضلة) |
| |