السلام عليكم ورحمة الله وبركاته

شخباركم ..!! شعلومكم ..!!

هاهو شهر رمضان يطرق علينا الأبواب , يحثنا أن نتهيأ له ونستعد لقدومه , فهمو شهر الرحمة والغفران وموسم الخيرات تضاعف فيه الأجور وتفتح فيه أبواب الجنان وتوصد أبواب النيران وتصفد فيه الشياطين ..

عام بعد عام .. رمضان يليه رمضان ..

وكل منا يستقبل هذا الشهر الفضيل بطريقته الخاصة .. ومن الغير المشكوك فيه اننا أعددنا لنا جدول أعمال هالشهر

فكرنا .. وخططنا .. وربما كتبنا على الورق

جميعنا نترقب هذا الشهر بحب و شوق وشغف شديد

ولكن .. !!

1- هل أنت / أنتي مستعد لاستقبال هذا الشهر روحانيا ونفسيا او ان حاسين بقدومه ..!!

2- مم يتكون الجدول الذي وضعته / وضعتيه ولو كان مجرد مخطط في الذاكرة ..!!

3- رمضان القادم ان شاء الله بكون افضل من الماضي .. شرايكم ..!! وليش بكون أحلى وأفضل من وجهة نظركم ..!!

4- وأخيرا .. لرمضان فوائد كثيرة تعود علينا غير مضاعفة الاجر .. تختلف من شخص لشخص .. من الناس الي تحبه بسبب صلة الرحم المستمرة في هالشهر .. او بسبب الجو الايماني والراحة والطمأنينة الي فيه .. انتوا ليش تحبونه ( حب رمضان فطري ) لكن شنو سبب حبكم وانجذابكم ..!!


نسأل الله أن يبلغنا إياه ويوفقنا لصيامه وقيامه والطاعة فيه , ويوفقنا فيه لليلة القدر ثم يتقبله منا ويعتقنا من النار .. اللهم آمين

وعليكم السلام ورحمة الله وبركاته

مشكور على هذا الموضوع فالبدايه

ثاني شي انا بجاوب عالاسئله اللي جذبتني ؟!

1- هل أنت / أنتي مستعد لاستقبال هذا الشهر روحانيا ونفسيا او ان حاسين بقدومه ..!!

من ناحية مستعده روحانيا اكيد مستعده وحاسه بفرحه قدومه بس مب شرات كل رمضان للاسف

2- مم يتكون الجدول الذي وضعته / وضعتيه ولو كان مجرد مخطط في الذاكرة ..!!

يتكون من كل خير ^_^ ماشي باب للشر فيه ^_^

ان شاء الله طبعا بنظمه بين الجامعه والبيت بحيث اني ما اقصر فواجباتي المنزليه والدراسيه والرمضانيه ^_^

اقصد من حيث بلاوي الجامعه وشغل البيت والطاعه ^_^


3- رمضان القادم ان شاء الله بكون افضل من الماضي .. شرايكم ..!! وليش بكون أحلى وأفضل من وجهة نظركم ..!!

الصراحه اسمحلي بس ما اتوقع ابد انه افضل

هالشهر الفضيل نترياه بفارغ الصبر بس مع كل ها ما اعتقد انه بيكون افضل

لانه فهالرمضان وبصراحه فيه انسان غالي وايد على حياتنا غايب وما راح يرد

وهذا اول رمضان من عرفناه لليوم نقضيه بدونه اكيد بنحس فغيابه وبنشتاق له

بس هاي حكمه الرب والله يرحمه ويغمد روحه الحنه


4- وأخيرا .. لرمضان فوائد كثيرة تعود علينا غير مضاعفة الاجر .. تختلف من شخص لشخص .. من الناس الي تحبه بسبب صلة الرحم المستمرة في هالشهر .. او بسبب الجو الايماني والراحة والطمأنينة الي فيه .. انتوا ليش تحبونه ( حب رمضان فطري ) لكن شنو سبب حبكم وانجذابكم ..!!


الصراحه بسبب الراحه الوطمانينه والجو الايماني

ولانه حتى المشكلجي يبعد عن المشاكل فهالشهر الفضيل

وتحس انه الناس كلهم على قلب واحد والكل يبى يسوي الخير

عشان ينال الاجر


ومشكور مره ثانيه عالموضوع الطيب

1- هل أنت / أنتي مستعد لاستقبال هذا الشهر روحانيا ونفسيا او ان حاسين بقدومه ..!!
اكيد نحن مستعدين وفرحانين بعد


2- مم يتكون الجدول الذي وضعته / وضعتيه ولو كان مجرد مخطط في الذاكرة ..!!
اودر المسلسلات وترى مردهن ينعادن .......واختم القرآن كالعادة


3- رمضان القادم ان شاء الله بكون افضل من الماضي .. شرايكم ..!! وليش بكون أحلى وأفضل من وجهة نظركم ..!!
انشاءالله يكون افضل ،،، لأني بكون اول مره ارمض ويا اعضاء محروم


4- وأخيرا .. لرمضان فوائد كثيرة تعود علينا غير مضاعفة الاجر .. تختلف من شخص لشخص .. من الناس الي تحبه بسبب صلة الرحم المستمرة في هالشهر .. او بسبب الجو الايماني والراحة والطمأنينة الي فيه .. انتوا ليش تحبونه ( حب رمضان فطري ) لكن شنو سبب حبكم وانجذابكم ..!!
والله يمعت العايلة عالفطور تكفي وتوفي




ومشكور اخوي عالطرح الحلو

تسلمون ع المروركم وردكم الجميل