«®°·.¸.•°°·.¸¸.•°°·.¸.•°®»السلام عليكم ورحمة الله«®°·.¸.•°°·.¸¸.•°°·.¸.•°®»

إشحالكم أخواني وأخواتي الأعزاء أنا عضوة جديدة بالمنتدى كنت أدخل بس أقرأ مواضيعكم الرائعة فحبيت أخذ رأيكم بموضوع لاني احترم آرائكم ومهما كان ردكم بحترمه واتمنى أكون صديقة للجميع.

موضوعي وايد يعور القلب لأني والله والله محتارة كيف أتصرف وكيف أتخذ القرار فأتمنى أنكم تساعدوني ....
موضوعي بدأ من 2006 ومازال مستمر ليومنا هذا .... وهو أنني تعرفت على رجل في مكان عملي ولا أخفيكم القول أنه رجل محترم ورجل عاقل لأن عمره 40 سنة ومتزوج ،،، في أول أسبوع تعرفت عليه أعترف لي بحبه ،، أما في ثاني أسبوع قال أنه يريد أن يتزوجني وعلى هذا الأساس أنا أستمريت معاه لأني عرفت هدفه معاي وهو الزواج بالحلال المشكلة مو هني المشكلة أني كل ما أسألة وأقولة متى بتزورنا في البيت علشان تخطبني كان يقول قريب إن شاء الله ومرت الأيام والأيام حتى كملت سنة على هذا الحال يعني لين 2007 وعقب هل الفترة زارنا في البيت وخطبني رسمي من أهلي وتمت الخطوبة وبعد ذلك قال لأهلي أن الملجة في الشهر المقبل وتوالت الأشهر والأشهر ولم يأتي وكل ما أسألة شو المشكلة كان يقولي أنه عنده مشاكل عديدة منها : في البيت مع أسرته وعياله و منها في الدوام .... وأنا على هذا الحال وهذا الإنتظار لين يومكم هذا يعني مخطوبة ومو مخطوبة ،، تدرون أنه في خلال فترة الخطوبة تقدملي شخصين ويوم قلتله كان يعصب ويصارخ ويقولي مستحيل تكونين لغيري يعني وايد يعصب ويحرق دمه ....

أتمنى أنكم تفهموني وتنصحوني كيف أتصرف في هذه المشكلة لأني بالفعل وواااااااايد محتارة وووايد الأفكار ذبحتني ما أعرف أستمر معاه ولا أفركش مع العلم إني وووايد أحبه وهو وووايد يحبني وكل واحد فينا مخلص للثاني ....

أريدكم تقولولي رأيكم بصراحة هل هو يقص علي ولا هو جاد في هذا الموضوع ....

الله يخليكم أنصحوني ....

وعليكم السلام ورحمة الله وبركاته

بخير ربي يسلمج ويعافيج

دام انه بغاج في الحلال وتقدم لج خلاص ترييه


بس
عندي أسأله


استخرتي ربج مع هذا الريال ؟

ولو انتي صغيره فكرتي بفارق السن الي بينج وبينه ؟

فكرتي في حرمته وعياله؟

يمكن يوم الايام يتزوج عليج مثل ماتزوج على حرمته؟
سألتي عنه وعن دينه واخلاقه .؟.


اممم صح انه الحب اعمى ....
لكن الانسان يفكر في مستقبله


انا اقولج استخيري ربج

أهم شي

وماعندي اي كلام غيره

أشكرج أختي lonely وأختي M7M7 على تجاوبكم السريع مع موضوعي وأنا الحمد لله أستخرت ربي أكثر عن مره وأنا وايد أرتحت وبالنسبة لفارق السن فهو 15 سنة فقط وأعتقد هو سن مناسب لأنه أحنا الأثنين ناضجين وعاقلين ...

وعليكم السلام ورحمة الله وبركاته

يــا اختي رايي حاولي انج تفهمين منهـ شالهظروف ولين متى بتستمر واذا ماوافق يقولج الاسباب سأليهـ لي متى بتمين انتي ع هالحال { شبهـ مخطوبهـ }


ولا تضيعين مستقبلج عشان واحد ماتعرفين اذا هو يلعب وياج ولا جاد فكلامهـ وبفعلهـ وانتي مثل ماقلتي ان تقدموا لج 2

واذا ع اعترافه لج بالحب هاي يمكن اعجاب لا اكثر لان الحب ماايي بهالسرعه و بهالسهووله

و انتي بعد استخيري قبل لا تسوين اي شي

{ والسمووووح ــهـ }

والله أنا سألته عن ظروفه بس هو يقولي مشاكل البيت والعيال والدوام ،،، وبصراحة هو متشوق أكثر مني علشان نتزوج وهو اللي مستعجل أكثر عني ....
آآآآآآآآآآآآآآه ه ه ه ه ه والله قلبي عورني ما أعرف أخليه ولا أستمر معاه أخاف أستمر وأضيع عمري وأخاف أخليه وأكسر خاطره وأنا ما أحب أكسر الخواطر .....

اذا هو متشوق اكثر منج ليش يخليج كل هالفتره والله حرام الدنيا تمشي وانتي اتعرفين هالشي

واجهيه وقوليله قوي قلبج لفتره بس وقوليله لو ماخذيتني فأنا آسفه بجوف دنياي ومستقبلي واذا عصب قوليله تعال ولا تعيشني بهالعذاب

وهو مافكر فخاطرج عيشج فحيره ماتعرفين شنو آخرها

المفروض الوحده ما ترمس واحد غريب من الأصل سواء متزوج والا لا ..لأن هالشـــي حراااااام... وهذا وانتي تقولين بأنه متزوج فالاكيــد لازم بتكون عنده التزااامــات وووو فأنتي لازم تعرفيــن شو السبب اللي خلاه للحيــن ما يعطيج كلمة انتي تقولين صح انه حبج بس يمكن فكر انه بهالزواج بيهدم استقرار بيته فكيف تبنين سعــادتج على تعــاسة غيــرج(اللي هي زوجته طبعــا) ونصيحتي لج خلي حد من الاهل (الاب او الاخ أو ...) يدخــل وينهــي الموضوع وفي النهــاية كل شي قسمة ونصيـــب..
«®°·.¸.•°°·.¸¸.•°°·.¸.•°®»همســـــة أخيـــرة...«®°·.¸.•°°·.¸¸.•°°·.¸.•°®»
عليج بسوره البقره والدعاء في اوقات الاستجابه في الثلث الاخير من الليل وفي السجود وبين الاذان والاقامه وانتي صايمه ويوم تفطرين وبعد الحين ياي رمضان فرصه يخيتــو انج تدعين ربج..

والله والله والله أني كلمته حتى أني قطعت علاقتي فيه لمدة 3 أشهر ما كنت أكلمة لأني كنت متخذه موقف بس والله ما فاد ..