قصيــده آقل مـآيُقـآل عنهـآ رررائعـــــــــــــه....

محروم.كوم · #1 04-13-2010, 04:10 AM

أخواني الأعزاء في هذا المنتدى الشامخ

السلام عليكم ورحمة الله وبركاته

قصيــده آقل مـآيُقـآل عنهـآ
رآئعــه
قرأتهـآ فآعجبتني
وجلبتهـآ لـ تقرأوهـآ فــآمل ان تعجبكم

(( مديت لك يمناي يوم انـت محتـاج
وثنّيتها يوم انت في غايـة الضيـق ))
ومشيت لك بإخلاص مع كـل منهـاج
وسعيت لك فـي كـل مافيـه توفيـق

(( ما اغضيت عنك وفيك ماكنت هراج
طبعي ومن طبع الرجال المطاليـق ))
ويوم انها صارت سهـالات وافـراج
وتفتحـت قـدمـك دروبٍ مغالـيـق

مريتنـي كنـه علـى راسـك التـاج
مـن الكبـر ماتلتـفـت فالمخالـيـق
لو ان في وجهك حيا جابـك احـراج
ولو فيـك شيمـه مانسيـت المواثيـق

(( والا فأنا ما اندم على فلـة حجـاج
عاداتنا نفزع اليا انلاثـت الريـق ))
لو دم جوفي للخوي طب وعـلاج
غدا لدمي مـن عروقـي تدافيـق

رداك هـذا مايسبـب لـي ازعــاج
مادامني ما اخطيت لاازعل ولااضيـق
دنياك غـرت مثلـك افـواج وافـواج
تهافتـوا ورى المصالـح مشافـيـق

ياما بنـوا فيهـا عمـارات وابـراج
وشاخوا على ناس ٍ وراهـم مطافيـق
ويوم اعتلوا تخلخل الوضع ثـم مـاج
وهوت بهم مـن عاليـات الشواهيـق

شف وينهـم ماكـن منهـم حـد ٍ داج
ومصيرهـم مااظـن يحتـاج تعليـق
دنياك غب ٍ تصطفـق فيـه الأمـواج
ماتنومـن لـو جـا ثمرهـا مدانيـق

(( والعلم ماينفـع سفيـه ٍ اليـا بـاج
لينـه يواجـه مايفـج المعالـيـق ))
(( والهم لاجاله على الـروح ميـلاج
يلوفهـا لـوف الهـوى للزماليـق ))

والسيـل مايخلـف مسيلـه ولـو راج
لازم يجيلـه مـع مسيلـه تصافـيـق
(( اقولها يوم الحشـا هـاج واهتـاج
وان هاج هاجت من مهيجه طواريق ))

(( ما ادخل بدرب الا ولي منه مخراج
ولا استصعبت فتحت لي به مناتيق ))
والله جعـل للنـاس خليـان وافجـاج
وانـا غرامـي خاليـات الفناتـيـق

مع خوّت اللـي لاقفـل كـل مـزلاج
وقفاتهم يصحـى بهـا العقـل ويفيـق
لاذعذع النسناس مـن عقـب وهـاج
وبرقه غدالـه فـي مزونـه تشاعيـق

وكثرت علوم السيـل مـع كـل دواج

وذكرت خباريهـا بهـاك المصافيـق
عقب الشهر ماينفـع العيـن همـلاج
لين انهـا ترقـا المشاريـف وتويـق

على فياض ٍ تنعـش الـروح بإبهـاج
يصحى بها الحاير ويسلا بها الضيـق
ريحة زهر عشبه مع الروض لافـاج
يسوى عطر شقـر البنـات الغرانيـق

وقلط صفـرا ً قبـل لا النـور ينبـاج
علـى هشيـم ٍ فيـه نـاره تساريـق
ينعشك ريحـة غالـي الهيـل لاهـاج
وفنجالها يقعد خـوى الـراس لاذيـق

ومعنا اشقر ٍ لاخيّش الخـرب مـالاج
يكسر عليه مع الهوى عقـب تحليـق
واليا انخرط كنه مـن الجـو ميـراج
يودع ثنادي الخـرب عقبـه تفاريـق

(( هاذي هي السجه ولا غيرها احتاج
ومتى نبشـر بالمطـر والتوافيـق ))
__DEFINE_LIKE_SHARE__