إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية

         :: ورشة صيانة بنتلي بالرياض (آخر رد :renaultshamel)       :: مواصفات سيارة تويوتا كامري 2023 (آخر رد :saddkn)       :: طرق عزل الاسطح بالخبر (آخر رد :رودى طه)       :: كيف تحمي منزلك من هجوم الحشرات (آخر رد :رودى طه)       :: برامج الرشاقة السعيدة (آخر رد :دارين الدوسري)       :: تبي متابعين تيك توك مجاناً؟ (آخر رد :ريم جاسم)       :: قهوجي جدة صبابين قهوه مباشرات ضيافه 0539307706 (آخر رد :ksa ads)       :: وانيت نقل عفش بالرياض 0539735360 ونيت توصيل اثاث مشاوير (آخر رد :ksa ads)       :: متجر Google Play: (آخر رد :محمد العوضي)       :: فوائد تحميل التطبيقات: (آخر رد :محمد العوضي)      

إضافة رد
 
LinkBack أدوات الموضوع انواع عرض الموضوع
  #1  
قديم 04-06-2010, 11:10 PM
عضو ماسي
بيانات محروم.كوم
 رقم العضوية : 503
 تاريخ التسجيل : Dec 2007
الجنس : female
علم الدوله :
 المشاركات : 2,100,610
عدد الـنقاط :3341
 تقييم المستوى : 2139

السلااام عليكم ورحمه الله وبركاته

اول شيء اتمنا اني وضعت هذا الموضوع في مكااانه


شبااب انا ابي كم قصيده واتمنا انكم ما تقصرووون معي يالغاالين

انا عندي كم قصيده مكتوبه ابيها مقطع صوت


الأوله:
(((((( قصيدة بالسفاري ))))))



وهمي يالي همني حيل واغرق=حالي وفرح العين مني سرقيا
وقفت تال الليل والخيط ما شق=والدمع من عين المولع غرقيا
اللي تأمل في حياتي وبرق=وشاف الامل في دنيتي ما برقيا
يلقا وشوم الحزن في مهجتي دق=وقليل من عمري هو الي عتقيا
ما بين علم الطافي نق في نق=وما بين علم بالزفير وشهقيا
وما بين سم في حشا الروح يشلق=وحطم خلايا بالوريد ومحقيا
وما بين حزن لاصق الروح والصق=ومن كثر ماهو لاصقن به سحقيا
اجتاحني حزني وغرب وشرق=وانا الاسير الي من العام شقيا
فرقا الونيس اللي فلق حالتي فلق=علمه هدم حالي وموجه صفقيا
بالشدة القصوى وباليوم الامحق=هو العضيد الي له الروح تقيا
عزاه يا قلب بك الهم طبق=وارهش عليك الحزن فوقه نعقيا
وسريت في ليلي مع الجيب الازرق=اللي زراق الليل معهن زرقيا
جيب زرق بالبيد معها تمزلق=اللي لمتاهات الفيافي عشقيا
عشق العشوق الي تعاشق وتعشق=تلقا الرضم من حدر بديه رشقيا
شقاق رشاق الفيافي ليا شق=يشبهن رشاش النياشن مطقيا
جيب على حلو الفيافي تمطق=مع الفجوج الي تعقد نطقيا
جيب سفاري للمساري تدلق=مشيه على غيره بدابها فرقيا
سميته الوافي وهو وافي حق=حقق وانا حققت فيه الحققيا
دايم على خوض الصعيبات يشفق=لا شاف صعبٍ قال ربي رزقيا
عزمه قوي ما عمر يومٍ تعلق=يا شاف حمر النفود فاع انطلقيا
يشبه لشيهان بالجو حلق=يا جاك مهو بشايفن له سمقيا
لا شم راس الطعس ارقب ودنق=والقمه نمره وانتهض وانصلقيا
يكسر عناد النفود حين يتزحلق=في سكته تسفي رمال الحمقيا
لا جا مع الضلعان وقام يتسلق=تقول هذا ما براسه علقيا
يفرح اذا شاف الوعض ويتشقق=قلبه حديد وقلب غيره مزقيا
لا مر طلعات الشباب يتعنفق=يقفى ولا يقفى شبيه الفشقيا
عذروبه انه دايم الدوم يسبق=يبدع جديد يقول منهو لحقيا
حب الوفي مني تملك وغلق=كامل وصوف الكنق فيه انطبقيا
من يركب البترول ما راح يزهق=ولا يعرف التهميز هو والزقيا
في خوة البترول تقسم وتنطق=خوة وفى خوة صويب الشلقيا
ارتسي على كبد المواتر وحرق=من بينهن يشدى لميع البرقيا
الجمس والتايوت والفرد الاخرق=كله مع البترول خاق وخقيا
كنق الصحاري دقدق خشومها دق=دقدق خشوم الي تريد السبقيا
خلاني الجى للخلا واتملق=لان الخلا من واقعي هو نفقيا
حاولت اقاوم لكن الهم حرق=كل الامل واخرس جميع النطقيا



.................................................. ................................

الثانيه:

(((((( هذه قصيدة للامير خالد السديري في مدح النيسان )))))




لاوالله اللي قعد عماش=وجيوب نيسان خلنه

ينخا خوي النشاما شلاش=يشري له الزيت ويحنه

اللاند روفر تنك وخياش=انظار الاجواد عافنة
قرنبع والعيون غراش=الي سرى مايقدنه
ليته يبيعه ولو ببلاش=ويقعد مع الربع بالعنه
احذرك تركب الانترناش=اللى يطبل تقل شنه
من صحبته راكبه ينداش=ومن داخن الزيت يعمنه
والاالتيوتاركوبه لاش=والي مشى صارله حنه
يمشي وكنه بوسط قراش=مكروه مايخلي الونه
ركابه اللي بغير فراش=اصابع الفقر عافنه
الي مشى صابه الهشهاش=ياالله لك الحمد والمنه
والفلفو الجيب بارد جاش=ذنوب راعيه يرمنه
موتر ردي كنه الخفاش=تبطي عيونك يراعنه
مايوالمك والنطاش نطاش=والليل ماهن بيسرنه
وجيوب نيسان خوش قماش=ان ابعد المي يردنه
اسبق من العين بالارماش=بالقيظ في لاهب الكنه
يفرح بهااللي يبي المطراش=الي اوحش القاع يطونه
يصخرن بالهوى الاوحاش=ماطاله الشوف طالنه
اللي عليهن ماينهاش=طريدهن يخلفن ظنه
مشى بنا والكبود عطاش=ماناشت الهجن ناشنه
زارن حماد جنوب خباش=كواسر الطير ماجنه
مضامي ماوطاها اللاش=نباته الريم يرعنه
خليطهن والقطا منحاش=جوازين كنهن هنه
من شاف هاك المها ماعاش=ذبوه مرحوم للجنه
مادوجن في طريب وجاش=مجاهل الرمل داجنه
يوم الصواريخ والرشاش=مراكب الميج يرمنه
اتواجه الهوش بالهواش=يامخلف الدين والسنه
ننبها ماعليها قشاش=مابعّّداليوم يدننه

اصايل مابهن اكداش=ما ذبه الطير ذبنه



.................................................. .............



الثالثه:



((((((مرثية السفاري ))))))




يادمعة هليتها تحت الاغصان=أبكي على فرقا عشير غدا لي


شهرين مرن صاحبي ما بعد بان=من يوم قفّل ما لقيته قبالي

ياشين حالي صرت وحدي وزهقان=تحت الشجر واقف وأرثي لحالي
في الليل وحشه ما يجيني ولا انسان=وعز الظهر يصلى على القلب صالي
يارفقة قضيتها طول الازمان=مع صاحب يرخص علي كل غالي
لا من ذكرت اللي مضى والذي كان=يزيد فيني الهم ويحتاس بالي
مشوارنا نقطعه في حب واحسان=كم قد مشينا من دروب طوالي
وكم قد رقينا من طعوس وكثبان=في سرعتي من شافني قال رالي
وكم مرة يوم المعاشيب تزدان=اجلس معه الين وقت الزوالي
والله من وداي نزلته وشعبان=ماهمني في الدرب طامن وعالي
عقب المحبه باعني بارخص اثمان=باع الرفاقه والأمل والدلالي
اول يجي يمي شفوق وولهان=لي غاب عني ما يدوّر بدالي


يطرب الى من شاف موتره نيسان=ويمشي معه دايم وكنه ظلالي
ياهل العقول المنصفه سايقي خان=كنت احسب انه لي رفيق موالي
ما يدري انه لي رفيق بيابان=يحرص على ممشاي اول وتالي

وان كان قلبه قاسي ما بعد لان=فالله يصبرني على ماجرالي





..................................................





أخيراً اتمنا انكم استمتعتوا بالقصاائد واتمنا انكم تلبووون الطلب ولا عليكم امر



واذا حصل أي قصيده عن king الصحاري (الباترول) أسدحوه هنا




سلاااااااااااااااااااااااااااااااااااااااااااااااا ااااام



اتمنا انكم ما تنسوونن




ملاحظه:


هذي قصيده لاكن ميهب كامله انا ابي قصيده صوتيه كامله ولا عليكم امر
__DEFINE_LIKE_SHARE__
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:06 AM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML