أزمة مسلسلـ نور ..!!!
 

السلام عليكم والرحمه

بفتح لكم موضوع عن مهند و نور واتمنى انكم تشاركوني بارائكم يعلني ماخلا منها السالفه ومافيها


المسلسل التركي الي سلب جميع قلوب المراهقين وبالذات نحن العرب والي يعرض الجمال التركي وطبعا مدبلج باللغه السوريه الي كلها طااااااااخاااااااات لووووووووول ..امزح العمل السوري ماعليه كلام..طبعا كلنا شفنا وعشنا احداث مهند وحبيبته نور وعشقناهم وصرنا نتابعهم بينون وكل حلقه من هالمسلسل يصير شي ويشدنا اكثر له...المسلسل الي شفت احداثه بالافلام الهنديه لووووووووووول ..رحت فيها من عاشقات مهند
..طبعا كلنا نعرف ان المسلسل بينعاد من اوله في الشوتايم ((ام بي سي بلس))والله وكيلكم ان الفلم كامل ومو مقطوعه منه ولا لقطه وطبعا منهد ونور طالعين في لقطات وصخه ..بكل جراءه ولا افلام مكسيكيه وحياتكم
الصراحه كفو عليها قناة ((ام بي سي 4))وهي تقطع في اللقطات وطبعا قطعت نص وربع المسلسل التركي اللي ابطاله ضاهرين فيه بكل وقاحه ..وضهرة هذي رولا ابو اسعد في حوار صحفي((مدبلجة صوت نور)) وقالت ان المسلسل تقريبا 200 حلقه وطبعا مع التقطيع صار تقريبا في حدود 150حلقه ..نصيحتي لكم ..الي يحس انه عنده مراهقين لايشترك في خدمة بلس ...حافظو علينا لوووووووووول .. والله ماعندنا سالفه نحن نتابع مسلسل 200حلقه جننا ضامنين العمر وبنشوفه كامل ((انضحك علينا))ع قولتهم والله انتابعه ونحن فاجيين ثمنا وماعندنا خبر عن الافلام التركيه واعمالها الوقحه ..وكلنا خذناهم قدوه في الحب لوووووووووووول بذمتكم شو الفايده منه
صح هو حلو وانا معاكم ع قولة يدي يوم ارمسه عن الافلام يقول((افلام قبل احلا والحين الافلام كلها حبني واحبك ))لووووووووووووووووووول الله يطولي بعمره ....



انتضر ردودكم وباب النقد مفتوح
اختكم
حشآكلـ مشآكلـ

هههههههههههههههه الحمدالله ما اشوفه ألا في ام بي سي 4 .. يعني نشوف الزين اما الوصاخه في الشوتايم والبلس ... بس اندمجنا في المسلسل صغير كان وألا كبير ... وعشنا وياهم ... بس شو نسوي ... لو كنا ندري بهالوقاحه جان ما شفنا حلقه وحده ... يالله راح الكثير وبغى القليل ... وبنفتك من صدعة الراس ...

خيتووو هذاااا مسلسل عادي حاله حال الغيـــر من المسلسلاااتـــ

بس اللي صج يخلي الواآآآآحـــد يعصبـــ تاثيره على عقول الناس


ويـــــن وصلهم والله ثم والله اني يوم شفت الاخبار بدبـــي


وشفتــــ الحشره اللي مسوينها بدبـــي على مهنـــــد صج يلستــ


اقــــول قصم قصمــآآآتـــ شر البليه مايضحـــــك


اختي بهاليوميــــن بنزل مقـــآآآل لوآآآحـــد والله ونعـــم الرجال

غيرته على امـــه محمد جدااا باينه بالمقــآآآلـــــ ومقنع


تسلمين خيتوووو

اممـ أنا أشوف ان البعض مكبرين الموضوع ..

هو مسلسل حاله من حال المسلسلات الثانيه ..

و اذا عن اللقطات الوصخه الي فيه .. فهذا مب شي يديد ..

ليش نسينا الأفلام الأجنبية والمسلسلات المكسيكيه ..!!

و حتى لو تكلمنا عن اللبس فـ أنا أشوف ان حتى فـ المسلسلات الخليجية حاليا مب مقصرين ..!!

الي يجذب فيه ان القصه حلوة وفيه تنوع فـ الأحداث ..

والي يبا يتابع بيتابع والي ما يبغي محد بيجبره ..

^.^

تسلم أخوويه ع الموضوع ..

ويعطيك ألف عافيه ..

انا ما بتكلم وايد بس بقول شي الي عايبنه المسلسل كيفه خله يطالع و الي مب عايبنه مب ملزوم انه يطالعه و نحن مب ملزومين انسوي اضرابات ضد و لا مع الي يبا يشوف يشوف والي ما يبا لا يشوف

يا ناس يا عالم
هذا مجرد مسلسل !!!
اللي يبا يشوفه يشوف واللي مايبا لا يشوف
وايد كبروا الموضوع ...
اذا العرب ما عندهم عقول
تطلقوا و انتحروا عشان هالمسلسل
نحن مب مسؤولين عن اللي ناقصين عقل
حتى إمام الحرم أفتى بأنه المسلسل " حرام "
شمعنى مسلسل نور اللي حرام
و غيره من المسلسلات و الأفلام لا ...؟
ام بي سي 4 ما قصروا .. قطعوا المقاطع اللي فيها طفاسه
لكن العتب على أصحاب العقول الناقصه
لو فيهم ذرّة إيمان جان ما صار اللي صار
العتب مب ع مهند ولا نور
العتب على اللي ما فيهم إيمان لدرجه انهم يتطلقون عسب مسلسل
على فكرة نفس الشوشرة استوت ويا مسلسل " نمر بن عدوان "
و وايد ريايل ف السعوديه تمنوا تكون "وضحه" زوجتهم
يعني المجتمع عندنا يعاني من خلل
الرجل الخليجي مب دايما رومانسي
و كل حرمه تتمنى زوج برومنسيه مهند هاذي كل المشكله
السموحه ع الإطاله
تحياتي