|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
يعطيكم العافيه يا شباب المكشات هذا يا طويلين العمر وانا أصيد قبل يومين بكورنيش الدمام وكل اللي طلع معي ابو نقطه وشعم أكبر وحده فيهم أكير من كف اليد بشوي المهم كان في حولي شباب لبنانيين يصيدون واشوف معهم شايب ماسك خيط ولفه على غرشه بايسن وحاط الطعم سمكه صغيره ويرميه يااادوب أبو 3 أمتار داخل البحر... وعلى هالحاله لمده ساعه تقريباً وانا أقول في سري:والله هالشايب في عمره ما راح يصيد بهالطريقة الغبية>>>>طلعت أنا الغبي في الأخير والله يا جماعه الخير شوي الا تشوف الشايب ينادي أخوياه ومافي دقايق الا نزلوا تحت عند الصخر وطلعوا ساحبين صيدهم معهم تتوقعون وش طلعوا !!! والله شوفه عيني ان هالشايب اللي مو عاجبني طلع هامور طوله حدود متر الا شوي مشالله تبارك الله كان ودي اصوره لكن ما حصلت فرصه المهم ان الطريقة عجبتني وابغا اتعلمها تكفون يالربع عطونا تفاصيل هالطريقه لان بالعربي زهقنا من ابو نقطه وغير كذا شغله ثانية لاهنتوا كيف طريقه شك السمك الصغير في الميدار لاني بعض المرات تطلع لي زمارير صغار وابغا احطها كطعم بس للأسف ما اعرف طريقة تثبيتها في الميدار طبعا المقصود بالزمرور هو هذ: (بس حجمه اصغر شوي) مقاسات الميادير المتوفره عندي(17-16-14-12-9) هل تنفع ولا لا بد اشتري مقاسات أكبر ؟ وهل الأفضل أصيد فيها كامله ولا أقطعها لجزئين وأصيد فيها؟ ولو يكون في شرح للطريقة كامله من ربطات ومسكات...الخ اكون لكم من الشاكرين ولكم مني كل التحيه
__DEFINE_LIKE_SHARE__
|
مواقع النشر (المفضلة) |
| |