السلام عليكم و رحمة

بسم الله الرحمن الرحيم والصلاة والسلام على اشرف خلق الله سيدنا محمد وعلى آله وصحبه أجميعن ... اما بعد



شو رايكم يا جماعة الخير في ذهاب البنت للسينما ... ظاهرة سلبية ام إيجابية ... ويلا نبدأ نتكلم في الموضوع بسم الله



البنت لما تسير السينما تدخل من الباب قبل ماتقطع تذكره يمكن تسمع رمسه من هذا و تسمع رقم من هذا يعني مثل مايقولون All Eyes On her


المهم تدخل السينما في مكان مظلم اللهم نور خفيف من الشاشه كرسيها وين يكون لو ماشي مكان لازم اتمر من بين كذا ناس قاعدين عسب توصل لكرسيها .. تمر من بين الناس وعادي تدعم خلق الله ولو دعمت ولد يا سلام ... بتكون أحلى دعمه من حقه الولد يستانس وين يحصل له بنيه تدعمه



وبعدين ست الحسن والدلال تبي تقعد وتهمس في خاطرها يا ترى من الي بيكون عندي ان شاء الله واحد مأدب و مايتحرش ان شاء الله و ان شاء الله ..........




يبدء الفلم و الكل ساكت .. افلام فيها شوي مصاخه مثل منقول .. ابي اعرف شو بيكون موقف البنت راح تطالع ولا راح تنزل
راسها المهم شو راح تسوي ؟؟!!!





يخلص الفلم و الزحمه تبدء في الطلعه .. اوكي تصبر لين ماتخف .. ماعليه خفت الزحمه .....
بس بذكرج انه في ناس يتريون طلعتج

شو السبب الي يخليج تروحين السينما ... اريد سبب مقنع وشيء يدخل العقل لا تقولين الملل .. وقت الفراغ .. ربيعتي تروح ... عصر التكنولجيا والأنترنت ... فلم يديد ... الخ

يمكن وحده تقول والله انا يسير السينما بس مع امي

اذا بتقولين مع امج ...... !!

امج على نياتها ولا عندها خبر بسوالف البلوتوث او موظة الترقيم اليديده
.....................

اسير في أيام مافيها زحمه .... !!

غيرج بيقول هالكلام بعد

............

انا واثقه من نفسي .... !!

امحق ثقه ^_^ ..

...........


اسير مع زوجي (ريلي) .. !!

كلام حلو و يدخل المخ لأنه الريل يعرف يتصرف و عنده غيره



والله في شباب هالايام عادي عندهم اللي يودي اخته وحرمته
وين راح المنقود والمستحى .. كيف انت ترضى على حرمتك واختك
يشوفون عورة الغير وانت اتشوف وياهم عوره فلان وعلان
وين الغيرة على العرض ......


و الله وانا متاكد 100% انه بعضكم بيقرون الموضوع وبيقولون عني متخلف
انا مايهمني شو تقول الناس عني لاكن فكرو في كلامي الي قلته شويه و خلاف
بتعرفون منو المتخلف :m_z3lan:


بنتظار ردودكم

تسلم اخوي عل مرور الطيب

اشكرك اخوي ولد المزاريع على جرأتك في طرح الموضوع

أنا من وجهة نظري انه السينما ما تصلح للبنت,, ليش يعني اتروح السنما وتعرض نفسها لمواقف لا تحسد عليها والله

هالأيام الشباب ما يصدقون يلمحون الأسود إلا بدوا يطفرونها ويسون حركاتهم البايخه ,, ولو كانت البنت حشيم الا

ما يسمعونها كم تعليق منهم وعاده هم ما يصدقون يبونها من الله (( مش الكل طبعا بس الأغلبيه العظمى ))

وبعدين هيه كيف بتشوف الفلم ليكون بتم حاطه الغشوة على ويها وبطالع ؟؟

انا من رايي اذا في خاطرها اتشوف فلم تشتري الفلم اللي تبى اتشوفه واتشوفه في

بيتهم ,, وتبند الليتات (( علشان اتعيش الجو على اصوله ))

هههههههه صدقج و الله تشتري فلم و تبند الليتات و تعيش الفلم على اصوله

تسلمين ختيه على مرورج الطيب

انا بصرااحهـ موو مع البنت الي ترووح السينمااا

يعني ماا ادري الحين شووفت الفلم ماا تحلى الا بسينمااا ولاشووو

يعني واللهـ البنت استر لهاا بيتهاا من رووحت السينمااا


يسلمو ع الطرح

السلام عليكم

اشكرك على الموضوع الطيـب

امم اذا عصر الانترنت .. تروم تدخل النت

وتشوف الفلم ولا تروم تشتريه مـن السوق

مب لازم تسيــر السينمـا

وانا ضـد هـالشـي

والسمـوحـة ~

اممم انا ما اروح وايد السنما
ولا بقول اني ما اروح

انا اذا كان بخاطري فيلم اسير بس مع اخواني

يعني جيش معايه محد يتجرأ يقول اي كلمه

وصح كلام صحيح اميه بالميه

بس بقول الصدج انا اروح اغير جو ارتاح شوي من الروتين اليومي عند النت وغيره

بس انا ضد اكيد اتروح البنت السينما لكن انا اروح هع
احرم ع غيري وبروحي اسير
تسلم والله ع الطرح

ونترقب منك كل يديد

السلام عليكم ورحمة الله وبركاته

عساكم كلكم بخير...
أشكرك على الموضوع الرائع وانا معاك بالكلام اللي قلته والغريب ان في بنات يسيرون بروحهم (يعني بنية بروحها بدون ربيعتها) وتحسها عادي مستانسة!!!!(الله يهديهم إن شاء الله)

بس خاطري وحلمي أسير سينما ما أشوفها إلا بالافلام....

والسموحة منكم

أختكم /اللؤلؤة