][ نعم مغرور ويحقلي وعلى كيفي لو اتكبّــــــــــــر][

كشيخة بطرانهـ · #1 01-08-2008, 07:49 PM

مســآآآآء الخيرات

نعم مغرور ويحقلي وعلى كيفي لو اتكبّــــــــــــر

أنا شاعر أنا فنان وسيم والكل يطالعـــــــــــــــني

أبعرف ليش تنقهرين إذا أمشي وأتمخطــــــــــــر

مدام إني وانا أمشي عيون الناس تتبعــــــــــــــني

لكل شاعر ترى اسلوب وانا ما بينهم الاخطـــــــر

وأصلاً اسأليهم مافي حد للحين ينافســـــــــــــــني

رغم أنف الشعر شاعر وأدري صرت أنا الاشطر

والله صار هو عادي إذا انه فلان قلّـــــــــــــــدني

انا بسم الله ما شا الله قصيدي من البـــــــحر أغزر

ولا قدّم ولا أخر إذا أي حد يمدحـــــــــــــــــــــني

أنا ع المدح متعود وانا أستاهل الأكثــــــــــــــــــر

أنا نفسي وانا طارق أحب طارق ويذوبـــــــــــني

أنا من روعة أشعاري ينادوني باسم عنتــــــــــــر

وكل ها الناس يتمنون لو توقيع بس مــــــــــــــني

أنا كلي ثقة عميا ومن زود الثقة أغــــــــــــــــــتر

أنا الأفضل على الساحة ولا في حد يعارضــــني

وعلى فكرة بقولج شي أنا مثقف ومتحضــــــــــر

وأرمس إنجليزي توب وفرنسي شوي ها يعـــني

ترى كل شاعر اتمنى يكون طارق ولا يقــــــــدر

وأحمد شوقي لو عايش أظن انه بيحســــــــــدني

واذا غنّالي أي مطرب ترى يتباهى بي ويفــــخر

وأي مطرب ترى يحلم ياخذ أي شعر مـــــــــني

علامج ليش زعلانة كلامي حيل بــــــــج أثّر؟؟

يا زينج يوم تنتفخين شكلج والله يعجبــــــــــــني

خلاص يعني كرهتيني صرت الحين متكبّــــــر

أنا أمزح يا بنت الناس وسمعي ها الحكي مــني

أنا اتخيلت كل هذا وشفت أشياء بعد أكثــــــــــر

بعد ما قد عرفت إنه فؤادج موت عاشقـــــــــني

وشفت الدنيا كلها ورد أصفر أزرق وأحمــــــر

ولا في حد في الدنيا أكثر منج ذوّبـــــــــــــــني

أنا اتخيلت أنا الأفضل أنا الأخطر أنا الأشـــطر

لأني كبير في عينج وهذا الشي فرّحــــــــــــني

وانا شعري ترى بالنسبة للباقيين متكسّــــــــــر

وأسوأهم بعد استاذ وهذا الشي يشرّفـــــــــــني

أنا والله وشهادة حق كشاعر بينهم الاصغــــــر

وكلهم في نظر عيني كبار أكبر كثير مـــــــني

أنا مجنون إذا فكّرت أحط راسي براس أنـــور

ترى مو بس يغلبني إلا يغلب ويهزمـــــــــــني

أنا شاعر ع قد حالي ولا اقدم ولا اخّـــــــــــــر

وأحفظ للمشيري كثير لأنه صدق يعجبـــــــني

وحتى المطربين اليوم أنا والله بهم أفخـــــــــر

وأصلاً صرت أتمنى من أشعاري حد يغـــنّي

واذا قيّمت أنا نفسي بقول الصدق ولا أنـــــكر

أنا في آخر الطابور وكل الناس تسبقـــــــــني

أنا في شي واحد بس يحقلي فيه لو أفخـــــــــر

وهذا الشي هو إنت يا شعري وذوقي وفـــــني __DEFINE_LIKE_SHARE__

الهاجسة · 01-08-2008, 10:10 PM

تسلمين ختيه عالقصيده الذوووووق

ولا عدمنا يديدج يالغاليه

تقبلي مروري

ـــــــــــــــــــ __DEFINE_LIKE_SHARE__

22الهاجس22 · 01-08-2008, 10:52 PM

تسلمين خيتو عالطرح الغاوي

يعطيج العافيه وربي لاهانج

والسموحه عالقصور __DEFINE_LIKE_SHARE__

εïз~اَلِمَيّث}● · 01-08-2008, 11:12 PM

السلام عليكم ورحمة الله وبركاته

[ صح منطوق الشاعر ]

كلمات رااائعه

تسلمين الغاليه ع الطرح المتميز

وربي لايحرمنى من يديدج

والسموحه ع القصور البادر منيه

اختكم

الميث

[ تم نقل الموضوع للقسم المناسب ]

__DEFINE_LIKE_SHARE__

.: الـشـامـخ :. · 01-09-2008, 01:49 AM

السلام عليكم

صح السان من قالها وتسليمن على النقل

تقبلي مروري

@@@ أخوج @@@ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طفل مغرور واتعلم كيف يعاندني » .. ~ мsŋ\|pιc	G I R L	المسنجر وملحقاته , توبيكات , ماسنجر بلس , msn	24	03-11-2009 12:23 PM
لا تكن مغرور فــ تنـــدم	noteyaah	المواضيع المكرره	4	01-12-2009 02:07 AM
-{ فــز قبل ( النـدم ) والفوت يا مغرور !! ..~	Ҳ яєєм єℓ мăĦą Ҳ	تصاميم الاعضاء	28	11-07-2008 03:34 PM
هل انت مغرور؟	عيناوي حبتين	الإستراحه العامة	12	07-08-2008 12:06 PM
مغرور يا صاحبي ........	‏غرور اماراتيهـ	الشعر المنقول	4	05-28-2008 07:51 PM