.. حامــــد زيــــد ..


ما بقى الا سود الايام تحرمك الرقاد
كيف الاوهام اتجرأ اتسريك مغبون
من متى تجزع من الدمع و تخاف البعاد؟
من متى تقفي بك ظنون و تجيبك ظنون؟
صرت تاخذ كذبتي صدق و مزاحي وكاد
لو بقول اني بخونك تحسب اني بخون
ما تعرف ان كل شاعر يهيم بكل واد؟
و انهم دايم يقولون ما لا يفعلون؟
ابك انا لو قلت ابنساك و انكرت الوداد
و الله اني لا انسيتك ولاهم يحزنون
من جزع من صفعة الشمس يطمع بالبراد
و من فقد وجهاته الخمس يلقى بك ركون
اعتبرها هفوة انسان او كبوة جواد
لو بتسمح فانت غالي و لو تجرح تمون
عد صداتك مروة و طعناتك ضماد
خلهن لاراحن طعون و لا ردن طعون
خنجرك يستاهل الطعن و متوني شداد
و منك يازين الخناجر و يا بخت المتون
ردلي حنية المزح باحساس الجماد
خلنا واحد يجي صلب و الثاني حنون
موت فيني و اندفن فيك بثياب الحداد
و ان حييت أموت لرضاك و احيا بك بهون
مره ارقد بالكفن و انت ترقد بالمهاد
و مرة ارقد بالمهد و انت ترقد بالكفون
لاتقول شجونك شجون و اعنادك عناد
البلا ان عنادك عناد و شجونك شجون
ربك اللي سخرك لي تقود و ما تقاد
و الله الخالق و لله في خلقه شؤون
ازرع ضلوعي من رضاك و ابشر بالحصاد
لعنبو من جيت ترضيه و ترد امحزون
بس تسوالك بلد ؟ قول تسوالك بلاد
انت كل العالم بكون و لحالك بكون
مابعد محبتك حب و مرادك مراد
غير كونك سيد حشاي تدري من تكون ؟
نعمتين اختصوا الخلق من جود الجواد
كافل الأرزاق من حيث مالا تعلمون
البنون و نعمة المال بعيون العباد
زينة الدنيا بلا شك في كل العيون
مثل زينة دنيتي بس عندي شي زاد
انت الاول ثم المال بعدين البنون
انتشي بك نشوة التيه لعناق الرشاد
و افزع الك فزعة القرم لشهاق الزبون
و احصنك تحصين الأرزاق عن درب الفساد
و اعشقك عشق المظاليم لفراق السجون
لو تزيد الشوق جمرة تحولني رماد
لو يزيد العشق شعرة بوصل للجنون
كيف تشفع للجهل وانت قلب بلا سواد
كيف يسهرك الملل وانت ماغيرك جفون
خل هقواتك كبيرة و نظراتك بعاد
كانك انت بكبرك تهون من اللي ما يهون ؟
ازعلك و ارهن حياتي تحت رحمة زناد
اتهبى لا و الله الا انت و الموت تهبون
عاد اذا لارضاك هرجي و لا اللي قلت فاد
انا لله و انا اليه راجعون
و انت باكر بتعرف على ناس جداد
و الكلام يجيك من كل شكل و كل لون
لا تحسب ان كل كلمة بتسمعها وكاد
و لا تصدق هرج شاعر و تخدعك الظنون
دايم اعرف كل شاعر يهيم بكل واد
و ان هم دايم يقولون ما لا يفعلون
حتى انا اللي قلت اعشقك و لا اطيق البعاد
يمكن اطلع لاعشقتك .. و لا هم يحزنون



والسمووحهـ ..

http://www.6rbtop.com/library/resour...n/17601_hi.ram

..............

صح لسانج الغاليه ع الكلمات الغاااويه


ويعطيـــ الـــ العااافيه ـــف ـــج


و لا تحرميني من جديدك

يسلموو ع المرور الطيب . ,,

تسلميين اختي ع الطرح
يعطيج العافية و ننتظر يديدج

تقبل مرووري


M!sS 3so0o0la

يسلموو ع المرور الطيب .,,

يسلمووووووووووووووو ع الطرح الـــ غ ـــاوي







صـــــــــح لسااانــــج




لا تحرمينـــا من يديدج الـــ غ ـــاوي







تقبل مروووووري







اخوووكــم \ راعـــ الــحــب ـــي

يسلموو ع المرور الطيب .,,

ابدااااااااااااااااااااااااااااااااااااااااااااااا اااااااااااااع



يسلمو