ولابدها تصبح تواريـخ وأذكـار...وتبقى لدسمين الشوارب وظيفـة

محروم.كوم · #1 03-02-2010, 06:22 AM

بسم الله الرحمن الرحيم
السلام عليكم ورحمة الله وبركاته

قصيده شيخة عنزه
لـــشـــاعـــر
مقحم النجدي الصقـري
يقول

ياالله يامطلـوب ياوالـي الأقـدار
أنت الذي مـدات جـودك لطيفـه
أطلبك يامعبود عاون هـل الكـار
وتحـل شطـاتٍ عليهـم كليـفـه
أللي مجالسهم بهـا بـن وبهـار
ونجرٍ يصـوت للنشامـى رجيفـه
يامزنةٍ غرا مـن الوسـم مبـدار

اللـي جذبنـا مـن بعيـدٍ رفيفـه
تومر على كل المفالـي بالأمطـار
وتصبح بها ديران قومي مريفـه
غب المطر فاحت بها ريح الأزهار
تخالـف النـوار مثـل القطيفـه
ترعى بها قطعاننا سـر وجهـار
ترعى زماليق الفيـاض النظيفـه
في ضفـة الله ثـم جبـرٍ وجبـار
خيالـةٍ يـوم المـلاقـا عنيـفـه
ترعى بها وضحى من الذود معطار
غبوقـة الخطـار عجـلٍ عطيفـه
ويبني عليها بنية اللبـن بجـدار
عقب الضعف راحت ردومٍ منيفـه
ماهي حكايا مسردٍ عقـب مانـار
اللي هرب وأطراف رمحه نظيفـه
ان سوهجوا عنها قليلين الأبصار
من دونها نروي السيوف الرهيفة
والصبر مفتاح الفرج عند الأذكـار
ومن لا صبر تصبح حواله كسيفه
خطو الولد مثل البليهي إلـى ثـار
زودٍ على حمله نقل حمـل اليفـه
وخطو الولد يبنش على موتة النار
مع العرب يشبه لخطـو الهديفـه
وإلى بخصته ماسوى ربع دينـار
صفر على عـودٍ تضبـه كتيفـه
وخطو الولد مثل النداوي إلى طار
صيده سمين ولا يصيد الضعيفـه
إلا ومع ذلـك لـك الله لنـا كـار
عن جارنا ماقط نخفـي الطريفـه
ونرفا خماله رفية العـش بالغـار
ونودع له النفس القوية ضعيفـه
ولا نبدي الخافي إلى صار ماصار
يفلج قصير البيت لو بـان حيفـه
والجار لابده مقفـي عـن الجـار
وكـل بجيرانـه يعـد الوصيفـه
جارٍ على جاره بختـري ونـوار
وجارٍ على جاره صفـاةٍ محيفـه
نكرم سبال الضيف حـق وتعبـار
لامن ولـد الاش شـح برغيفـه
ولابدها تصبح تواريـخ وأذكـار
وتبقى لدسمين الشوارب وظيفـة
_____________
--------------
الـــشـــاعـــر
مقحم النجدي الصقـري
__DEFINE_LIKE_SHARE__