إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية


قصص و روايات تهتم بالقصص المنقوله وقصص الاعضاء الطويلة والقصيرة

إضافة رد
 
LinkBack أدوات الموضوع انواع عرض الموضوع
  #1  
قديم 07-14-2008, 04:04 PM
الصورة الرمزية °•.شامسيهـ وصلاويهـ.•°
عضو جديد
بيانات °•.شامسيهـ وصلاويهـ.•°
 رقم العضوية : 32747
 تاريخ التسجيل : Jun 2008
 العمر : 27
الجنس : female
علم الدوله :
 مكان الإقامة : دآرٍ آلظـ‘ـبـ‘ـي
 المشاركات : 24
عدد الـنقاط :101
 تقييم المستوى : 0

حــياتي مـالها مـعنى حيـــاتيإنا شووق بحكيلم قصة حياتي وانتو احكموا من الظالم والمظلوم أول شي بعرفكم على الشخصيات في قصتي:
أول شي أهل بيتنا:أبويه ( أبو حمد) : ويا ليتني ما كنت بنته ولا يابني على ويه هالدنيا
امايه: توفت من يوم ما ولدتني ويا ليتني شفتها على الاقل صورتها وذكراها بتخفف همي.
اخويه حمد: مالي غيره اخويه الوحيد ويا ليتني ما كنت اخته عشان كل اخت ما تفقد ثقتها في اخوها.
اختي علياء : أختي الوحيده وأكبر عني بسنتين اللي لازم اشكي لها كل همومي واللي لازم تساعدني وتوقف معايه مبتعده عني في عالم ثاني عالم الضياع .

***************
عايلة عمي (أبو محمد):
سعيد ( بو محمد) عمي : ابو ويهين عنده شخصيتين قدامنا انسان مرعب وقدام الناس الطيبه والبسمه ترتسم على ويهه.
فاطمه ( حرمة عمي): نفس شخصية عمي والمحرض الرئيسي لعمي.
محمد : ولد عمي متقلب الأحوال ما يعرف شو يريد من هالدنيا ولا مخلي بنات العرب في حالهن .
منصور: اصغر من محمد بسنه هاذا الانسان بالذات هو الوحيد اللي احس انه مرات قريب ومرات بعيد ليش ما اعرف السبب.
شمه: عندها شوية من الاحساس لكنها فترات يتغير حالها واشفق عليها لانها ضحية اختي علياء.
جارتنا (ام علي ): هالانسانه كانت تقريبا نفس امي وتشفق على حالي لكن سبحان الله الزمن غيرها عليه والسبب اختي .
ميثا : بنت ام علي الوحيده جامعيه مثقفه مؤدبه لكن عيال الحرام ما خلوها في حالها وتغيرت وأنقلب حالها الى وحده مريضه نفسيا .
هاذي الشخصيات المهمه في قصتي واللي لعبة دور رئيسي في ضياع حياتي.واللحين بحيلكم قصتي وبعض المواقف اللي صادفتها في حياتي واريد ردكم عليه وتقولولي الصرااحه مستقبلي ضاع ولا بعده رايكم يهمني.
الجزء الاول:ابوويه يزقر بصوت عاالي من صبااح الله خير.ابوويه : شووووق.
شوق : نعم ابوويه.ابويه: وصمخ ما تسمعين ازقر علييج من متى.
شوق: اسمحلي ما سمعتك كنت راقده.
ابويه: يعني ما سويتي الريوق لين اللحين.
شوق: ابويه تعرف كم الساعه اللحين؟!!!!
ابوي: هي اعرف الساعه 4 الفير.
شوق: انزين ابويه قلتها بروحك 4 الفير وانا شو يوعيني من اللحين وراي مدرسه الساعه ثمان والريوق متعوده اسويه الساعه 6 .
(ابويه في حاله مب طبيعيه قاام يضربني ويرفسني بريوله من صباح الله خير بدال ما يصبحبي ) يا ويلي عليج يلي ما تستحين بعدج ترادين ابوج لو اوعيج من الساعه 2 ما تكلمين فاهمه .
((وانا اصيح بصوت عالي )) اااااااي ااااااي ابويه حرااام عليك عورتني دخيلك سامحني
ابويه وهو يضربني : عيل شو فايدة هالمدارس الي تروحيلها رايحه راده مسويه درب عليهم ما علموج وبالوالدين إحسانا)
شوق: خلاص ابويه توبه ما بقول شي بس لا تضربني .
(( وقف ابوي عن ضربي بس فجاه حسيت ابصدمه ياتني يوم ردد هالكلام بصوت عالي وهو))سمعي من يوم ورايح طلعه من هالبيت ما شي مدرسه ما شي قعدي طبخيلي هني ابرك سمعتي والله وتخالفين كلامي وتروحين بتشوفين شي عمرج ما شفتيه
شووووق : اركض امسك ابويه من ريله :(دخيلك ابوي طلبتك والله ما ارقد ولا تغضيلي عين بس لا تحرمني من دراستي
ابويه وبصوت عالي (قلت ما شي سمعتيني ( ويدزني بريله عالارض )خاب ظني في ابويه ومن يومها عرفت انه ما عنده إحساس بالمره يحرمني من دراستي ليش ؟؟ بسبب ريوق ما خلص ولاني تكلمت الصدق ولا بعده ايقولي (( وبالوالدين احسانا )) وهو الغرشه ما تفارق ايده ليل نهار.ومن بعدها تميت اصيح في غرفتي كل يوم من اتذكر اني صرت ما ادرس حرام والله يحطملي مستقبلي وانا خلاص في اخر سنه واخلصليش يحرمني من حقوقي امنيتي الوحيده كانت اني ادخل الجامعه ،، انا كنت شاطره والكل يحبني وكنت متعوده اخذ المركز الاول وكل معلماتي كانن حاطات امل اني احصل نسبه حلوه وايد بس للاسف ابويه الي ضيع مستقبلي بيده وحطم حياتي ولا بعد ولا كأنه شي استوى مب الا عنده بس عند الكل في بيتنا محد حاس فيه ولا حد وقف معاايه عشان يقنعه ويغير راايه الكل لاهي في مصلحته وبس .بس كان عنديه امل في أخويه حمد ورحت اشكي له حاليه ...
شوووووووق :: اخوووويه حمد الحقني ( وانا اصيح وأزقره بصوت عالي وهو كان في غرفته ).حمد :: (وبصوت عالي ) ومتضايق خيرررر.
شووووق :: حمد دخيلك رووح لابوي كلمه قوله شي عني خله ايوافق
حمد :: على شوووووووو شو سويتي اللحين بعد لا يكون حد خطبج وكيف اصلا هو يعرفج يا ويلج اذ كنتي تعرفين الريال لذ بحج (وهو واقف يريد يضربنيه مستعد لاي لحظه اقوله ايووه ))شوووق :: لا لا موب جيه ابويه مب طاايع اني اكمل دراستي دخيلك كلمه عشاني.
حمد :: اوووف توني ارتحت ( وقعد ) بس جيه.
شوووق:: يوم سمعت رده فرحت .... يعني بتخبره بتقوله .
حمد:: رد بصوت عالي... لقعه بس عشان جذا يايه تحنين فوق راسي يالله يالله انقلعي يعل العين ما تشوفج انا قلت شي خطير استوى بس عشان الدراسه ،وخير يا طير صح كلامه شو فايدتها مصاريف عال فاضي بدال ما يستفيدون هم إنا بأخذها .
((انصدمت من ردت فعل اخوي الوحيد الي كنت حاطه أملي الأخير فيه كنت أظنه بيكون لي عون من عقب أبويه )أخويه يتعاطى مخدرات وهمه الوحيد كيف يحصل فلوس وأبويه يشرب يا خسارة ما عندنا ريال ينشد فيهم الظهر ...بعد هالموقف رحت لاختي قلت في خاطريه يمكن انها تساعدني وتوقف معايه ولو لمره في حياتها... دخلت غرفتها من دون ما ادق الباب واسمع صوت ضحكها شال الغرفه تكلم من ؟من الريال اللي تكلمه ؟؟الله اعلم !!شوووووق : عليا (وعليا بعدها مب مستوعبه )
شووووق :: عليا(هنيه استوعبت الموضوع وقامت من مكانها وبندت التلفون )علياء: انتي كيف تدخلين غرفتيه من دون ما ادقين الباب.
شووووق:عليا إنا اسفه ما كان قصديه بس ماحد غريب إنا اختج يعني لو اعرف الي اعرفه مستحيل اخبر عليج .
عليا :: لا والله وشو الي يضمن هالشي ( يا الجاسوسة ) يمكن تروحين تخبرين احمدوه الدب .
شوق :: (وانا اصيح ) إنا جاسوسه يا عليا والله اني ما توقعتها منج إنا يايه اشكيلج همومي واخبرج انه أبويه حرمني من دراستي واخرتها تقولي لي جيه بغيتج عون طلعتي فرعون .
( وطبعا ظهرت اصيح صوب غرفتي الي دايما تكون الملجا الوحيد في وقت ضيقي وهي الي متحمله حالي كله حرام حراااااااااام والله حرااااااااام ما شي امل من الدراسه خلاص ضاعت وانا ضعت معاها )
وخطفت الايام علينا كلها تعاسة أنا الي انظف واطبخ في البيت بروحيه الاكل ما حد ياكل معاايه اصلا في حياتنا ما كلينا مع بعض وأتجمعنا بس الي يجمعنا سقف واحد ومن داخلة الله يعلم بالحال أبويه طبعا ما يشتغل متقاعد واخويه بعد عاطل ما عندة دراسة ولا خبرات وما حد يصرف علينا الا اختي تشتغل وما تقول شو شغلها ما ادري اكلنا حلال ولا حرام بعد هالشي ما اعرفه . وفي يوم من الايام دق جرس البيت وقمت افتح الباب الا وعمي ياااي صوبنا وعيونة غاديات حمر من الضيجه.
شو اللي صاير معاه ... بنشوف الحين.؟!!
دخل البيت وعلى طول دزني على صووب[/COLOR]... عمي: وينة .. وينة؟؟
شوق: بسم الله عمي عن من تسال شو اللي صااير ؟
عمي : احمدوه الي ما يستحي على ويهه يسرقني إنا !! ما عليه هين.
شوق: كيف سرقك شو السالفة حمد شو سوى ؟؟!!
عمي: أنتي اليهالوة ما لج دخل انقلعي من ويهي (ويركض صوب غرفة حمد وطبعا ما حصلة لانة موب موجود وطلع من الغرفه)عمي: أية انتي سمعي من ايي ابوج سيدة خبرية اني اريده ضروري اترياة في البيت تيلفون حتى ما عندة عشان اتصلة صدق فقارى أنتي وهلج(وطلع وهو يسكر الباب وراه بقوه).
حزت في خاطريه كلمة فقارى صدقة عمي ما غلط يا نحن مالنا احد يتاماوابونا عايش ويا ترى هل كل فقير جذا مصيره)********
في بيت عمي :
فاطمة: انزين شوي شوي خلنا انفكر شو نسوي .
عمي : شو بنسوي بعد خلاص شل الفلوس من على الدرج طبعا ما اقدر اشتكي علية شو الدليل اللي عندي علية آاااخ يا الحراامي اونة ياي ايسلم علية لا واستغل الفرصه يوم دخل الريال و سلمني المبلغ اللي كان عليه ويوم ظهرت اوادع الريال استغل الفرصه وسرقني لا والقهر المبلغ مب بسيط 100الف درهم هين والله لرااويك يا احمدووه.
فاطمة: حسبي عليه من ولد طالع على ابوه مستحيل نسكت له لازم انسوي شي.
ويدخل عليهم محمد وهو يغني:
محمد :: سحرني بالعيوون السود *** عيونن سود جتالة
عمي: أيوة وبعدين ..
محمد: وخدود شرى البراق شعالة .
ش يعلها تشعلبك نار انتة وياها.
محمد: خييييبه بسم الله علينا أبوية حرام عليك تدعي علينا هاي الصيدة اليديدة قول عسى الله يقدرني عليها واغريها بالكلام المعسووول .
عمي: عسل فعينك انت وياها فلــــوووســـي فلووووسي..
محمد: ول ول الشايب رايح فيها فلوس شو ؟؟!!!
(وخبرة عمي بالسالفة لين صار ابليس ايدور بين عمي وحرمتة وولدهم محمد ومن بعدها صارمحمد يكرهنا صرنا في نظرة حرامية سرقنا في يوم من الايام حلال ابوة)
أما عن أخويه حمد لعب بالفلوس وما ندري عنه وين يا غير سمعنا من عمي انه سافر وبقينا إنا وختيه وأبويه في البيت ..
(وفي يوم من الأيام اختي عليا ما ردت البيت الا في نصايف الليل الساعة2 وأبويه كان ينتظرها مب عشان خاايف عليها بس لانة يريد فلووس من عندها عشان يشرب ولا في حياتة اهتم وسئل متى ترجع وانا ما كنت اقدر ارقد الا اعرف انها ردت البيت واسمعها تدق بباب غرفتها مع انها ما تعطيني أي اهتمام المهم وصلت اختي وهي داخلة توها :
أبويه : وهو يطالعها ومعصب ... عليووووة عليا وهي خايفة: نعم أبويه ..أبويه : من وين ياية في هالووقت وليش متاخرة ؟!!
عليا وهي ترتجف :: هاا ابوويه تريد فلوس بعطيك عندي
( الا وفجاه يسكت أبويه ويغير اسلوبه وبهدوء : هيه اريد فلوس كم عندج ؟
عليا وهي مرتااحه :الي تريده .
:أبويه : كل الي عندج هاتي الشنطه .
عطت عليا أبويه كل الفلوس لانها تعرف انها بتردها دبل الليله الثانيه لان ختيه عليا كانت في قمه من الجمال ما تتصورونها كيف بسس خسارة ضيعت عمرها وغرتها الدنياا ا بس احيانا تكسر خااطريه اقول يمكن هي اضطرت تسوي جذا من الشي الي شافته من الحياه الي ما عيبتها وقالت احسن ابدلها .
اما أبويه مثل ما شفتوا الله يسامحه هو اصلا شاك في الوضع بس ما همته بنته همه الوحيد الفلوس اكثر ويا خوفي من الايام اليايه ..
(عم الهدؤء في البيت والكل رقد ما عدى إنا الوحيده الي ما غضت عيني ذيج الليله لين اصبح الصبح افكر يا ترى إنا شو مستقبلي في هالحياه احس بانه المستقبل ضاع
وتمر الايااام وي دق جرس بيتنا وقمت افتح الباب الا وولد عمي منصور ياي صوبنا وهاذي كانت اول مره ايشوفني واشوفه منصور : السلام عليكم .
شوق : وعليكم السلام والرحمه.
منصور ومستغرب: هاذا مب بيت عمي ولا إنا غلطان .
شوووق وبعد مستغربه: من انته ومن تريد وكيف اتقول عمي عمك من
منصور : عمي بو حمد
(في هاذي اللحظه سرحت في عالم ثاني بعيد وهو واقف قدامي ويطالعني سبحان اللله لهدرجه صارت الدنيا قاسيه حتى الي يقربولنا ما نعرفهم ولا ايعرفونا نحن صح كنا نشوف عمي وحرمته في وقت المشاكل لكن عمرنا ماشفنا اعيالهم الا شما لانها بنت وربيعة ختيه عليا بس سبحان الله كان منصور ما شاء الله عليه عيني عليه بارده كان وايد حلو وخصوصا لما شفته فيها اول مره هاي لابس كندوره بيضا وسفره حمراء وانا ما خبي عليكم فهالحظه واول مره ايصيبني افحياتي هالشي تمنيت لو اني واقفه العمر كله قدامه بس اشوفه قدامي حسيت انه شي تغير في دنياي وبعد لحظات اسمع صوت منصور.منصور : حوووه حوووووووووو انتي (ويأشر بأيده يمين ويسار عويهي)
في هاللحظه استوعبت اااااااااه كيف شووووووو قلت لي انت يعني ولد عمي ابو محمد
منصور وباستغراب: كيف يعني انتي بنت عمي الحين .
شوووق: هيه إنا شوق بنت عمك حمد جرب .
ومنصور يدخل وهو يضحك : سبحااااااان اللله الصدف فهالحياه عمي حمد وعنده بنات حلوات عجيبات
شوق: (وانا احس عمري يوم قال جذا اريد اطير من الفرح انه في حد قالي حلوة) كيف شوة تقول ؟؟
منصور: لا لا ااااااااه ما شي بس اتغشمر متعيب
(كان ما حد فالبيت رحت اييب له القهوه وهو قاعد ايطالع التلفزيون وانا اطالعه من باب المطبخ التحضيري وهو يطالع ويردد عند اغنية عيضه
(والله تهبل بزينك تذبح العالم بعينك كن ورد الكون خدك والقمر ساكن جبينك)
وانا في خاطريه صدق الي قالها ( المهم) ويبتله القهوة ما عرفت اقعد ولا اروح وفي نفس الحالة هو غريب وما قد شفتة ولو انه ولد عميه . منصور: بسم الله شو فيج واقفة يلسي.
شووق وتضحك: تريد الصدق اقعد ولا اروح محتارة لانك انسان غريب ما قد شفتة بحياتي كيف ايلس معااك وانا ما اعرفك .
منصور ووبسمة حلوة: لا والله محتارة يلسي يلسي بتملين منيه كل يوم بتشوفينية عندج اصبحبج وامسيبج .
(وانا في خاطريه من قال هالكلام والله فرحت هالوية معقولة يصبحبي ويمسيبي والله وبتضحكليه الدنيا كان بحصل حد ايسليني من هالمللمنصور: اقووووووووول بس ماعينيه شي واحد فيج .شووق وبخوف: شو هو؟؟
منصور يضحك: يوم ارمس معااج تروحين عالم ثاني
شوق ومن دون قصد : لا تلومنيه
منصور مب مستوعب الي يسمعه : كيف
شووووق ومرتبكة : آآة ما شي بس قلت ما انلام والله ولد عميه واول مرة اشوفة .
منصور وهويضحك وفاهمنها : شوق عن الحركات انتي اتحسين نفس الاحساس الي احسبة الحين نفسي صح
شوق وبكبرياء وتستهبل: أي احساس تقصد إنا طلعنا اقراب ونحن ما ندري .
منصور وبتغلي: شووووووووووووووق
وهني ما قدرت اتحمل شوق : عونة ولد عمي
منصور وبفرح: والله مب قادر اصدق انج بنت عميه يعني معقولة عندي بنت عم وبهاالحلاه ومخلنها الين الحين
وانا من سمعت هالكلام طبعا ما قدرت
اتحمل ركضت صوب غرفتية وخليتة ويا ليتني ما خليتة لاني حسيت ذيج الدقايق الي عندة خطفن برق مسرعات علية دقن بقلبي وراحن وراح ولد عمي الي من راح بديت اكتب الاشعار فيه واول قصيدة كتبتها فيه في سجل ذكرياتي قصيدة الرميثي:
يـــوم شفتة والتفت صوبي فـــــز قــــلبي وقـــال هاونة ادلـــــعن بالحب محـــبوبي حبيبي منصور ماني بناستنة هــو دوايــه وكل مطلوبـــي ومنيتي وبــــالروح مفـــــدتنة)************************************** *******الجزء الثاني :مرت أيام وأسابيع وصورة منصور ما راحت من بالي بس للأسف ماشي فايده انا في حياتي ما طلعت من البيت االا يوم كنت أروح المدرسة وطبعا خلاااص اللحين لا مدرسه ولا شي كنت حااسه انه في شي بيصير في هالايام وهاذي الاسابيع الي مرن عليه نار على قلبي ليش ما ادري ؟
يا ترى هل هو الحب ؟؟معقوله كانوا صادقين يوم قالوا انه الحب من أول نظرة؟؟.. (المهم،،، )انا تجرأت وطلعت من البيت رحت صوب بيت قوم عمي تعذرت باني أريد اسلم عليهم وانأ اللي في خاطري انتوا عارفينه كنت ادور حياتي الي ما سمعت له أي خبر من عقب ما راح عني .(دقيت الباب الا وحرمت عميه تظهر صراحه كنت اخاف منها وايد لانه ويها ما يبشر بالخير طبعا هي كانت تكرهنا انأ وهليه ).شووق : السلام عليكم
فاطمه : وعليكم ( حتى من دون ما تكمل) قالتها من دون نفس.
شوووق : اشحالج عمتيه .
فاطمه : عمت عينج أنتي وهلج وراج ،، خير إن شالله شو اللي يايبنج.
(حسيت كأن البيبان اتسكرت في ويهي من سمعت هالكلام وما تحملت صحت)
شوق(وانا اصيح بحزن) : وليش هالرد حرام عليج الي اتسوينه فيه .
فاطمه : لاوالله اونج بريئه ما تدرين .
(وفجاه يظهر منصور يربع ويقول لامه)منصور وبعصبيه : امايه بس لا تكملين ما يحتاي .
[COLOR="red"](انأ انصدمت حسيت السالفة مب طبيعيه منصور اكيد سامع شي )فاطمة : ليش ما تباني اقولها خلني اقولها مسوية عمرها مب عارفة شي هالنصابة ولا خبرنيه هي متى دقت باب بيتنا ويت تسلم بس أكيد شي في خاطرها.
((بصراحه صدقت حرمت عمي ولاول مرة بس يا ليتها قالتها بطيبة خاطر عشان ولدها ما ياخذ موقف منيه ، ومنصور يلس أيطالعني ويشوف الدموع تارسة ويهي وفجأة ومن دون مقدمات حن قلبه عليه ومسكني من ايديه وسحبني من قدام أمة يمكن حس اني كنت يايه عشاانه مب عشان شي ثاني )).
فاطمة: منصوووووووور منصور قلتلك تعال .
ومنصور امطنشنها وماسكنيه من ايديه وانأ موب حاسة ولا مستوعبة الموقف الي صار يا ترى اللي استوى صح ولا لا. بيتنا كان مب بعيد كان قريب وفجأة اسمع صوت منصور فديت صووته يتردد في ذنيه .منصور : شووووق( وانا ما رديت).منصور: حيااااااااتي .
شوق: لبية .
منصور: انأ ما اريدج تاخذين ابخاطرج من الكلام اللي سمعتيه من أمايه وانا صدقيني اكثر عنج حاس بالعذاب يوم ما شفتج لاني كلمت امااايه عالموضوع وطبعا ما وافقت .
(وما حسيت بعمريه إلا قطعت كلامة وبحزن وصياح )
شوق: وليش انا شو سويتبها ؟.منصور(ويطالعني بألم وهو حاس فيه ): ما ادري ليش تكرهكم جذا وقالت اني اذا سرت صوبكم لا هي امي ولا انا ولدها وبتزعل عليه طول عمرها.
(في هاللحظه قلت كلام ومن دون ما أحس من خيبة الامل وكنا واصلين جدام البيت ومنصور انصدم من كلامي ).
شوق: لا منصور اتبع كلام أمك انا ما حبيتك ولا بحبك ولا بحب احد في الدنيا انسى انك شفتنيه وانا في يوم تلاقينا روح رووووووووح عني ما أريد احد في هالدنيا روح دخيلك رووووح .
منصور: لا والله تعتقدين الحين عقب اللي استوى قبل شوويه انه اماايه بتغير كلامها لا بالعكس الا بتزيد عن الكلام اللي قالته انا متوقع هالشي منها وانتي آخرتها تقولين جية حسافة والله ما توقعتج بتنسحبين بهالسهوله .
شوق(الدموع مالية ويها وبعصبية): ليش تريدنيه اقولك اترك اهلك وتعال عندي انا ،، ليش من اكون انا عشان تتركهم بسبتيه شوف انته من وانا من ، انا مجرد بنت فقيرة ما لي حد غير ابو واخو واخت ولا واحد عارف عنيه شي شو اريد وشو ما اريد
اما انته انسان غني لك شخصيتك عند هلك ومكانتك وفوق كل هذا 100 بنت تتمناك جمال ومال خبرنيه انت شي واحد اعيبك فيه .
منصور(ويقاطعني): شوق شوق بس خلاص لا تكملين..
شوق: لا خلنيه أكمل خلني اقول الي عمري ما قلتة لحد قول انتة اصلا الوحيد الي لقيتة في حياتي يسمعنيه واشكيله هميه ويا ليتك فهمتنيه روح يا منصور روووح بس تأكد ان القلب عندك .
(ورحت داخل البيت وودعت الزين وركضت لغرفتيه مع دفتر سجل ذكريااتي حبي الوحيد وتكرت وكتبت أغنية العراقي :
رايح وما قلت وين نشوفك والله مو هين علينا نعوفك
نفــــترق يعـــني انتهــينــا عيــونـــنــا تبــكـي علينـــا
هــية هـــــاي النـــــهايـــة انـــتة مــو ويــــااااااايـــة
فالـــبدايــة انــا خــــأيـــف انــــــك تــــفـــارقـــــــني
تريـــد تعــرف انــي احـبك أيدك لما مسكتني تموتني
ويـــــــــن ويـــــن انروح أنـــا وقلـــــب مجـــروح
تريد تعــرف أني أنــروح أنـــا وقـــــلب مجـــروح
هـــيـة هـــاي النـــهايـــة أنـــتة مـــو ويـــاااااايـــة
رايح وما قلت وين أنشوفك والله مو هين علينا نعوفك
الله يعـــلم من يــوم رحـــت وش بعدك يصبرني
لا روحي تصبر عالبعد ولا دمعتي تفارقني
من حقها تبكي العين مثلك الاقي وين
كانت هاذي اخر مره أشوف فيها منصور بعدها لا شفته ولا شافنيه
وين راح ما ادري سبحان الله كيف الدنيا تقرب وكيف تبعد كان عندي امل فيه كان املي الوحيد فهالدنيا من عرفته ما قطعت الامل فيه يا حساافه....ومرت شهور وانا والهم والخلوة اصحاب وذكريات الغالي ما تفارقنيه ومن فترة لفترة كانت جارتنا أم علي تمرني اذا كنت محتاية شي مسكينة هالحرمة الفقيرة بروحها وكانت تهتم فيه .
ام علي : السلام عليج يا بنيتي .
شوق : وعليكم السلام خالوه جربي.
ام علي : شو حالج يا بنتيه وشو مسويه ابدنياج .
شوق وبحزن: الحمدد لله ماشي الحال .
ام علي : خير يا بنيتي شو فيج اشوفج تعبانه ويهج مب على حالته مب شرات اول .
(وانأ أصيح واحضنها لأنها الانسانه الي ارتحالها واشكيها حالي وتعرفني زين)شووق : خالوووووووة ااااااانا تعبانه تعباااانه ومضايقه .
ام علي : بسم الله عليج خبريني شو ياج.
شوق : ما شي بس احس الدنيا واقفه ابعيني ما شي ايفرحني ما شي ايغيب الهم عني ما حد يسئل عني الكل ما يحبني محد يرتاحلي (وهني سكت ).
ام علي: كملي غيبي الهم منج ليش سكتي .
(هنيه تذكرت منصوور وما قدرت أوقف من الصياح)شوق والعبرة تخنقني: أنا انا مالي مستقبل مستقبلي ضايع دليني عليه يا خالتي إذ عندج حل حقيه دراستي وانحرمت منها وحبي الوحيد احرموني منه (وطبعا طلعت هاي من دون قصد ) .
ام علي : حبج الوحيد كيف ما فهمت من ؟؟
شوق : قمت من حظنها هااااا لا ما شي انتي ما فهمتيلي انا اقصد امايه الله يرحمها وهنيه تذكرت امايه وزاد الصياااح
(بس ام علي ما كانت غبيه لهالدرجه عشان ما تفهملي هي فهمت بس سكتت ما حبت تزعجنيه لانها تعرفنيه زين اخبرها على كل شي وبيي يوم وبقولها لانها بحسبة امايه الله يرحمها).
ام علي : الله يرحمها بس انا وين رحت ؟ ولا انا مقصره معاااج؟
شوق : لا خالتيه انتي فيج الخير والبركة .
ام علي : عيل يالله تعيبيني قومي غسلي ويهج وخلي عنج هالسوالف وان شالله بييج ولد الحلال اللي يغيب همج .
( وهنيه تذكرت منصور وزاد صياحي ورحت اغسل ويهي وانا بخاطري الحب اللي حبيته بعد عني كيف بييني )
ام علي : عيل بنيتي ارخصيلي انا ورايه شغل بس قلت اشوفج واطمن عليج واذا تبين شي امره لا ترددين وتعالي صوبي تراني مب من بعدي
شوق : ان شالله خالوه مع السلامه.
( ومن راحت خالتي ام علي يلست في الصالة اتابع التلفزيون الا وشوي ويدق جرس الباب وسرت افتح الا بريال ذكرتني ملامحه بالغالي كان وايد يشبهه وانا أتساءل في خاطري من هاذا ؟ ومبطله عيوني فيه ..
محمد : حوووه (وانا بعدني سرحانه فيه ) حوووه هي انتي شو فيج تقول مب شايفه حد في حياتج؟
شوق : ترد بعصبية وهي مستوعبه ااااه شوو تقول ما شفت حد بحياتي إلا شفت وأحسن عن ويهك مية مره وبعدين من انته وشو بغيت؟
محمد: لا والله من انأ ولا من انتي ؟ وبعدين من هو هاذا اللي شايفتنه احسن عن ويهي لا يكون حبيب القلب ؟
( وهني انقلب ويهي ما عرفت شو ارد لانه صح كلامه وانا طالعته من دون قصد وبعصبيه )
محمد : ردي شو فيج سكتي وين رااح لسانج ؟
شوق : ما سكت بعدني الا متعيبه بوااحد ياي بيت عرب الله وبعده يصارخ.
محمد : انا مب ياي اطلب منج الاذن هاذا بيت عميه
( وهني وقف قلبي يوم قال هالكلمه ) غصبا عنج ادخله قولي حق عمرج الغريبه وتصارخ في العرب ( بعدها ضحكت بصوت عالي قدامه )
محمد : اشفيج بطلتي حلجج .
شوق : سبحان الله يالدنيا عيال عم وما يتعارفون ولا بعد كل يوم ولد عمي ياينيه يديد يا اخي انتو وين كل هالسنين الي خطفت كلها .

محمد ( ومستغرب ): لا والله يعني بنت عميه انتي اللحين صرتي؟ روحي روووحي راجعي السجل اكيد فيه شي غلط !!
شوق : وشو الغلط عاد فيه ؟
محمد : وحده من هالاشكال تقربليه لا مستحيل !
شوق : وترد برد احسن منه (مشكور ما قصرت ولد العم ايي منك اكثر تفضل )
وهني بدل ما يرد عليه برد هادي بالعكس وانا كنت اتمنى اسمع منه رد احلى محمد : بعدي عن طريجي امبونيه ما اتريا شورج عشان ادخل.
شوق : بعد هم مشكور .
محمد : ااايه لا تمثلين اونج طيبه يا ام ويهين اول ما دخلت لسانها هالطول واللحين اسمع كيف!!
شوق : ايوه طولت لساني لاني ما اعرفك ولما عرفتك غيرت اسلوبي.
محمد: بس بس عن طولت اللسان وين ابوج ولا اخووج ؟؟
شوق : أبويه ما ادريبه طالع واخويه طبعا اكيد تدريبه مسافر.
محمد: ايوووه اكيد بيسافر الحراامي من مال غيره خقاق والله لرااويه شي ما شافه بس خله ايي البلاد.
شووق : انزين اقول ما عندك اسلوب احسن عن هالاسلوب ؟!
محمد ( وبعصبيه ) : ويمد يده عليه لا والله شو رايج بنت العم اتين تعلميني الاسلوب ولا اقول انا اللي بعلمج اياااه
( طبعا مد يده عليه وصفعنيه)شوق :اااخ مقبوله ايي منك اكثر ما تنلام تدري انه ما ورايه حد يرد حقي ويدافع عنيه وعن كرامتي اضرب بعد اضرب بس ما تنلام شوف اهلك اول بدااايه هم لك عون عتصرفااتك هااي .
( وطبع هني ركضت بسرعه على غرفتيه لانيه ادريبه من كلاميه هاذا بيعصب اكثر وهو يررربع وراايه ودخلت غرفتيه وسكرت علي الباب كانت ذيج الليلة كابوس مرت عليه ما رضى يروح الا لما ياخذ حقه منيه ليش قلت جذا بس انا كنت متعمده على الاقل ارد عزتي و كرامتي شووي)
محمد : بطلي الباب والا تراني بكسره بطلي .
شوق وبخوف : وانته شوتريد منيه يااخي رووح عنيه .
محمد : عيل يوم انج تعرفين عمرج زين يا الفقيره ليش رازة بويهج وتكلمين عليه وانتي تعرفين انه مالج حد يدافع عنج؟
شوق : ادري اني فقيره ومحرومه ومسكينه ومالي احد ينشد فيه الظهر بس شوو خصك انته رووح عنيه .
محمد : وانا وين رحت ما ينشد الظهر فينا انا وعمج يا ويلي عليج ليش ما اضربج بطلي الباب لا تخليني افقد اعصابي اكثر .
شوق وبيأس تعق عمرها عالباب وتيلس : انتو يا حسره عميه ما اشوفه غير بالمشاكل وانته اول مره اشووفك وكل هاذا يصيرلي من اول مره ليتنيه ما شفتك ليتنيه ما عرفتك .
__DEFINE_LIKE_SHARE__
رد مع اقتباس
قديم 07-14-2008, 06:17 PM   رقم المشاركة : [ 2 ]
عضو ماسي

الصورة الرمزية هيام القلب

بيانات هيام القلب
تـاريخ التسجيـل : Jan 2008
رقــم العضويـــة : 9027
الـــــدولـــــــــــة : أرض الله الواسعة .. !
المشاركـــــــات : 2,952 [+]
عدد الـــنقــــــاط : 2148

بيانات إضافية
 بينات الاتصال بالعضو
 اخر مواضيع العضو

افتراضي

حلاااااااااااااااااااام


كملي القصهـ !


لا تبيطين^^
__DEFINE_LIKE_SHARE__

من مواضيعي
0 أرحوكم ساعدوني لابتوبي ما يتجرج !
0 الرحمن الرحيم يفتح باب الرحمة ويدعو عباده بالإقبال إليه .. ؟
0 سجل حضورك اليومي بالصلاة علي سيدنا محمد صلي الله عليه وسلم
0 يكفي .يعور.وخر عني.كسرت ظهري
0 نــبي نـــموت ببعــــضنا قــبل موتــتـنا

  رد مع اقتباس
قديم 07-15-2008, 03:58 PM   رقم المشاركة : [ 3 ]
عضو جديد

الصورة الرمزية °•.شامسيهـ وصلاويهـ.•°

بيانات °•.شامسيهـ وصلاويهـ.•°
تـاريخ التسجيـل : Jun 2008
رقــم العضويـــة : 32747
الـــــدولـــــــــــة : دآرٍ آلظـ‘ـبـ‘ـي
المشاركـــــــات : 24 [+]
عدد الـــنقــــــاط : 101
الجنس : female
علم الدوله :
الحالـــة : °•.شامسيهـ وصلاويهـ.•° غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي

cutty tweety


سوري ما حصلت التكمله

و انشا الله بدورها

تسلمين ع المرور الطيب

تحياتي
__DEFINE_LIKE_SHARE__

من مواضيعي
0 قصة زواج سائق تاكسي من فتاة إماراتيه
0 مسلم اسكت كافر بكلمــــــه وااحدة
0 قصهـ شارع الحب
0 حياتي ما لها معنى حياتي

  رد مع اقتباس
قديم 07-15-2008, 08:46 PM   رقم المشاركة : [ 4 ]
عضو جديد

الصورة الرمزية alsh7iah

بيانات alsh7iah
تـاريخ التسجيـل : Jan 2008
رقــم العضويـــة : 3510
الـــــدولـــــــــــة : مالكـم خص ..
المشاركـــــــات : 239 [+]
عدد الـــنقــــــاط : 903
الجنس : female
علم الدوله :
الحالـــة : alsh7iah غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي

حلاااااااااااااااااااام



كملي القصهـ !
__DEFINE_LIKE_SHARE__

من مواضيعي
0 االسسسلأآم عليكم .. حبيت اخذ رايكم .؟
0 شيخ بطيبه و وصوفه مالكني ..
0 طريقه عمل منتدى مجاني vb
0 الجــــنـــــه من الداخــــــــل ..!!
0 مـآيصنعـه المــلــل ..


 


[align=center][flash1=http://www.uaemusics.com/uploood/images/yeypgz22ovx3c71pk56d.swf]width=398 height=172[/flash1]
سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك[/align]

[align=center]....وارحلو }
عني الحبايب.. واقبلو فيني العزى ومابقى احدن معايهـ اضوي بقربه الشموع ..ّّّّّ~[/align]

  رد مع اقتباس
قديم 07-15-2008, 09:27 PM   رقم المشاركة : [ 5 ]
عضو جديد

الصورة الرمزية بدوية متحضرة

بيانات بدوية متحضرة
تـاريخ التسجيـل : Jun 2008
رقــم العضويـــة : 33959
الـــــدولـــــــــــة : ©؛°¨°؛©اّماّراّتيهـ و راّسّي فاّلسمّا فوّق مرفوعّ©؛°¨°؛©
المشاركـــــــات : 200 [+]
عدد الـــنقــــــاط : 100
الجنس : female
علم الدوله :
الحالـــة : بدوية متحضرة غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
افتراضي

تسلمين الغااااليهـ ع القصة الغااااوية


ونتريااا التكملهـ
__DEFINE_LIKE_SHARE__

من مواضيعي
0 دعاء هز السماء

  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
هذي حياتي بوعوف مدونات ويوميات الاعضاء Blog 0 10-24-2009 03:19 AM
حلم حياتي حبوب الوسمي شعر و خواطر 11 09-24-2009 04:33 PM
تصميمي من دمر حياتي محروم على بالي المواضيع المكرره 0 07-01-2009 11:17 AM
صور جياتي 32 الزعيم سيارات و دراجات 13 07-01-2008 02:16 PM


الساعة الآن 02:14 PM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML