«¦[ رحلة ألى حيث كآنت طفولتنآ ]¦»
 

السلام عليكم


اولاً شكراً لصاحبة الموضوع المبدعه على هذا الطرح الرائع وعلى طريقة الطرح الجميله والرائعه جداً سواءاً في التنسيق او في تقديم الموضوع بالشكل المثالي والجيد والمناسب للقراءه والتفاعل معه من قبل الجميع ^^

بالتأكيد يفرحني كثيراً بأن اكون اول الضيوف وبالتأكيد ايضاً اوجه الشكر للعضوه ( غرشوبة بوظبي ) على هذا الأختيار وبأذن الله سنكون عند حسن الظن





[ المحطه الاولى ]

اوصف طفولتك بجملة واحدة


طفولتي مثل تاجر يشتري ويبيع بالسوق .. لكني مهما بعت وخسرت ابقى بالأخير كسبان !!
.
.

[ المحطة الثانية ]

ما هو اجمل موقف او اجمل ذكرى تتذكرها من طفولتك ؟


اممممممممم .. يمكن يوم كنا نشوف كابتن ماجد انا واخواني وبعدها قلنا بنسوي حركة أخوان شوقي وكسرنا ايد اخوي الصغير وحنا انجرب عليه الحركه ههههه ( محد يضحك علينا )
.
.

[ المحطة الثالثة ]

ما هو أصعب أو أحزن موقف مر عليك في طفولتك ؟


فراق بيت خالتي لول .. كنت متعود كل صيف مااسير مع هلي اي مكان واسير بيت خالتي وعاده كل ماتقرب المدارس واهلي يمرون يشلوني اصيح ويكون يوم حزين بحياتي لدرجة اني مره كنت ابا ارقد بالحوش وسويتها بس بعدها مليت ودخلت داخل ههههه ( بعد محد يضحك ).
.

[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟


بطانية سرير لونها وردي عليها صورة ميكي ماوس لوول وربي هديه لاتنسى خصوصاً ان ذيك الايام كنت احبه وايد والبطانيه موجوده للذكرى للي يباها هههه
.
.

[ المحطة الخامسة ]

هل هناك انسان معين كرهته في طفولتك .. ولماذا ؟


امممم خال امي .. كان كل يوم ايي عندنا البيت ويضربنا ويعضنا من خدودنا لدرجة انه سوالنا فلم رعب ولدرجة ان حنا كنا نندس تحت السرير يوم يكون بالبيت ومن كثر ماكان يسوي فينا حركات كان يشوفنا تحت السرير بس اونه يسوي عمره ماشافنا ويطفي علينا الليت ويقطع الكهربا مال الغرفه ويشيل المفتاح ( شرير ) بس طبعاً كان يتمصخر ويانا يعني مش من باب الكره والحينه هو حبيب ألبي .
.

[ المحطة السادسة ]

ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟

بالنسبه للبابا عمره ماظربني ألين هاليوم وحتى الماما بس على طفولتي مره كنا انا واخوي بالبيت بروحنا والاهل كانو بعرس عاده انا كان عمري يمكن 9 سنين واخوي 10 سنين وشي واحد بالفريج اسمه نوافو المينون .. شافنا نلعب بالحوش ونط من فوق الباب وضربني انا وهذا طبعاً بعد ما اخوي خون فيني وركض عني وقفل باب الصاله ههههههه .. وربي موقف ما انساه طول عمري لووول بس سبب الطق مادري يمكن لان الريال مينون بس اليوم الثاني ولد خالتي كان ياي فريجنا وظربه لانه ظربني هههههه

.
.

[ المحطة السابعة ]

هل كنت غيور بطفولتك من اخوانك وتحس فيه تمييز بينك وبينهم ؟


اممممم غيور شويه .. مره ابوي شرا لأخوي الصغير سيكل قبل مايشتري لي ولاني اوني معصب سرقت سيكله وماخليته يسوقه واخر شي وانا اسوقه طحت وريولي تعورت وابوي قال ماشي سياكل بعد اليوم للكل ههههه.
.

[ المحطة الثآمنه ]

ما هي اكثر وافضل لعبة كنت تلعبها و أنت صغير ؟


سيقااااااااااااااااا .. كنت احب وايد كابتن ماجد في السيقا وبلعبة الفاميلي كنت وايد احب ماريو ( مال اول ) لوول.
.

[ المحطة التاسعة ]


هل ستربي اولادك بنفس الطريقة التي تربيت بها في طفولتك؟

اكيد لانه ابوي ربانا احسن تربيه وانا مابلاقي احد مثله بس اكيد مع تطور الزمن لازم الواحد يتغير شويه ومايعامل عياله شرات ماشوابنا كانوا يعاملونا ^^



شكراً على هالموضوع الغاوي وذكرتيني بطفولتي والايام الحلوه الله يذكرها بالخير

العضو ألي بعدي بالتأكيد هو صديقي وأخوي ظبياني صغيرون


والشكر وكل الشكر للمره الثانيه لغرشوبة بوظبي على هذا الموضوع المتميز

يـ،ـامرحبـ،ـاا تـ،ـرحيبـ،ـة الـ،ـ،ـبدو للعيـ،ــد تـ،ـباشـ،ـرو بـ،ـه حيـ،ـن شـ،ـافو هـ،ـلالـ،ـهـ،ـ
يامرحـ،ـباا مـ،ـليون وانـ،ـ زاد لابـ،ـ،ـاس والـ،ـزود لاهـ،ـل الـ،ـزود يسـ،ـتاهلونه
يامرحـ،ـبا عـ،ـد ماهلـ،ـ،ـت مـ،ـ،ـ،ــزون ..
واعـ،ـداد طـ،ـير فـ،ـي السمـ،ـا حـ،ـلق وحـ،ـام





تسلمين الشيخـ،ـهـ،،ـ ع الفكرهــ الغـ،ـ،ـااويـ،ـ،هـ

ربيه يعطيج الف عاافيـ،ـ،ـهـ،ـ

والله لايحٍـٍــٍـٍـٍـرمنااا منـ،ـ يـ،ـديـ،ـدج

نٍـٍـٍــٍـٍـٍـٍـٍـٍـرقب اليــــٍـٍـٍـٍـٍااايٍـٍــٍـٍ


شـ,מּ،ـوس دبيـ،ـ،ـے ڪـآنت هنيــہْ و ωـآرتـ هنآڪ . .~


•{ اَلْـωْـמּـوْבـةْ عَلَىْ اَلْقْصُوْرْ }•

يوو موضوع ,, روووعه ,,
واكيد مآآفي احلى من الطفوله ..
ليت ذيج الايام ترد ..
مانهتم لشي ..
لا هم لا حزن لا دموع ---> بيبي جونسون ههههه ..
كشخه الشآآعر اول مره اجوفه يضحك لوول ..
يالله نرقب ,, ظبيآآني ,,