شربت الحب من كاسك وطعم الورد بأنفاسك
 

وين البااااااااااااااارت ؟؟!!!

تسلموون ع المرور

وان شاء الله يا اليوم فليل والا باجر بحط لكم البارت اليديد

والسموحه

مسموحه


نترقب البارت

في بيت بو حمدان
بو حمدان : هود هود
ام حمدان : هدا
ودش امره البيت وشل حصوه وع طول ساروا الموتر او شويه او وصلوا الدختر
في العياده
ام حمدان : دكتور حصه اليوم من الصبح تلعب وما فيها شي بس ونحن رادين انتبهت انه ويها حمر وما ادري هالحبوب شو
الدكتور : ما عليش ما فيهاش الا العافيه ان شالله
بو حمدان : ان شالله
خذها الدختر وحطها ع الشبريهه عشان يفحص عليها
وعاد هيه في هالوقت انتبهت
حصه والدمعه في عيونها : ماماتي
ام حمدان : لبيه حبيبتي انا هنيه
حصه تدور امها وتشوف ويه الدختر غريب وتم تصيح 
ام حمدان تسير صوبها وتيود ايدها : حبيبي شو يعورج
حصوه تبا تنش من ع الشبريه وتيلس عند امها وهيه تصيح
الدختر : حبيبتي حصه ما تخافيش انا حديكي شوكلاته
حصه : ما ابا حلاوه ابا ماماتي
ام حمدان : حبيبي انا هنيه ما بسير خلي يشوف شويه بس وبنسير البيت
الدختر : معليش خليها حتعيط شويه وحتسكت لانه انا عايز اشوف الحبوب ديه ايه
ام حمدان : خذ راحتك دكتور
حصه : هئ هئ هئ
الدكتور يشلها ويعطيها امها : ما تخفيش يا ام حصه دي الحبوب من الجفاف بس لازم تحطيلها مرطب للجسم وان شالله حتصح
ام حمدان : ما تقصر دكتور
الدكتور : تسلمي يا اختي دا الواقب
ام حمدان تتصل في بو حمدان لانه ما دخل وياهم
بو حمدان : هلا بشري
ام حمدان : ما فيها الا العافيه بس من الجفاف طالعاتلها هالحبوب
بو حمدان : الحمد لله الحين خلصتو
ام حمدان : هيه الحين بنطلع بني صوب الموتر
بو حمدان : يالله ياينكم
وهم طالعين تلاقوا ويا بو حمدان
حصه : باباتي وتطالعه بنظرات البرئه
بو حمدان : عيوني
حصه تطالعه : شلني
بو حمدان : انتي كبيره الحين شقا نشلج والا مثل عفاري بيبي يشلونها
حصه تبوز : حمدان كله يشل عفاري انا ما يشلني وما يحبني
ام حمدان شلتها وتلوي عليها : حمدان مب شاطر
بو حمدان خذها من عند امها وحبها : حمدان يحبج وهوه يشل عفاري لانها صغيرونه انتي ما شالله كبيره صح
حصه تطالع امها : ماماتي انا كبيره صح
ام حمدان : هيه انتي كبيره
حصه تطالع ابوها وهوه شالنها ويمشي : باباتي نزلني انا كبيره
بو حمدان حبها ونزلها ويود يدها وصلوا الموتر وع طول ساروا البيت
في بيت بو عبد الله
مريم : سلامي بخبرج عاد شو تسوين هالكثر ؟
سلامه : ما تشوفيني اسحي كشتيه
مريم : طفرت وانا الا اترياج تراني برقد عنج
سلامه : برايج رقدي وانا بعد بخلص وبرقد
مريم : مالت عليج ثرج تبين الفكه
سلامه :هههههه لا فديتج بس تعبانه فيه نوم
مريوم : اوكي يالله تصبحين ع خير بس تعالي ما تسمعين صوت زعيج
سلامه نشت من مكانها : هيه والله شو هالصوت
ولبسن شيل بيض وطلعن من الحجره وشافن سلطان وحمادي يترابعون ويزاعجون
مريم : حمادي يالحمار مب قايليك ما تزاعج
سلامه : غربلات عدوكم اميه وينها عنكم
سلطان : ماماتي راقده وعفاري تصيح تباج
سلامه : فديتها والله
مريوم : والله ولهت على حصوه
حمادي : حصوه دلوعه
مريوم : يالله صا سيروا حجره سلامي وياويلكم ان خربتوا شي
سلامه : لا هم شاطرين ما يسون شي
سلطان : سلامي
سلامه : ها حبيبي ؟
سلطان ونظره البرائه : انا حليب جوكلت
سلامه : ان شالله حبيبي بس مب الحين لانه الحين يرقدون وباجر يوم بتنش بنسير ويا عبود وبنشتري يديد لانه خلص اوكي
سلطان : حمادي بيسير ويانا
سلامه تطالع مريوم : هيه حبيبي بيي ويانا
حمادي وسلطان ردوا يناقزون ويلعبون
مريوم : ان زاعجتوا ما بنوديكم
سلطان وحمادي دشو حجره سلامه وتموا يلعبون ع الشبريه وما خربوا شي
سلامه : مريوم سيريلهم انا بسير ايب عفروه وبايج
مريوم : اوكي فديتج وسارت الحجره
سلامه دشت شويه شويه الحجره وشلت عفروه كانت تنود من كثر ما صاحت وسارت الحجره
في الحجره
م ريوم : سلامي احس انه قلبيه مقبوض
سلامه : خير ان شالله صلي ع النبي
مريوم : اللهم صلي على سيدنا محمد
وانتبهت انه تلفونها يرن وكان المتصل حمدان
مريوم : حمدان متصل وشلت التلفون
حمدان : الو
مريوم : يا هلا وسمعت صوته مب طبيعي
حمدان : مريوم انتوا واعين والا بترقدون ؟
مريوم حست انه في شي : لا واعين خير الغالي عسا ما شر
حمدان : مريوم انا رمست اميه وقالت هالساعه المباركه بس
مريوم : حمدان ارمس بس شو ؟
حمدان : انتبهنا انه حصوه ويها محمر وتعبانه او قالتلي اميه رد لهم وهيه وابويه ودوها الدختر
مريم : انزين وشو قالولهم ؟
حمدان : ما ادري
مريم : انزين يالله سكر انا بتصل اشوفهم
حمدان صبري انا بتصل وبشبك الخط
مريم : يالله
حمدان اتصل البيت وشبك الخط
بو حمدان : الو مرحبا
حمدان : هلا ابويه
مريم : السلام عليكم ورحمه الله وبركاته ابويه
بو حمدان : انتوا من وين طلعتوا
حمدان : ابويه حصوه شحالها ؟
بو حمدان : حصوه ما شي حالها الحين سايره ترقد
مريوم : ابويه شو قالولكم في الدختر ؟
بو حمدان : ما قالولنا شي
مريم : ابويه وشويه وبتصيح : حصوه شو بلاها
بو حمدان : ما فيها الا العافيه قالوا عندها جفاف
مريم خذت نفس : الحمد لله
حمدان : الحمد لله
بو حمدان : انزين ياعيال الحين انا بترخص ابا ارقد انا ما اسهر شراتكم
حمدان : تصبح ع خير الغالي
مريم : تصبح ع خير ابويه
بو حمدان \: وانتوا من هله
وسكروا عن بعض
سلامه تطالع مريوم : خير شو بلاها حصوه
مريم : ما فيها الا العافيه مستولها جفاف ها من قل الكريم
سلامه : هههههه ما عليه ياهل انتوا انتبهولها وحطولها
مريوم : ثرها هيه تهيد ولا تخلينا نحط لها امره من تخلص سبوح ربعت حتى شعرها ما تخلينا نشفه عن الما اونها تتروع من صوت السشوار
سلامه : ههههههههه فديت روحها والله
في هالوقت سلطان وحمادي : نحنا نبا نرقد
مريوم : ارقدوا هنه وعقب نحن بنحطكم تحت
وحليلهم رقدوا عاد هم رقدوا ونشت لهم عفاري
عفاري فاجه عيونها : الامي انا لا ساريت الالعاب يعني ما سارت الالعاب
سلامه : ان شالله عقب بنسير
مريم : عفروه انتي شو موعنج الحين ؟
عفاري مبوزه : انتي لا حبيني انا بس احب سلامي وماماتي وباباتي وابادي واتون وحدنا انتي لا احبج
مريم : انا بعد ما احبج
عفاري تطالع سلامه : هيه ليش اتم عندنا انا ما اباها بس ابا حدنا
سلامه تيبها صوبها وتلوي عليها : لا هيه تحبج
عفاري : هيه لا حبني هيه قالت انا ما اباها هئ هئ هئ
سلامه : غربلات عدوج يا مريوم
مريم سارت صوب عفاري عشان تشلها
عقاري : ما اباج بتضربيني
مريوم : حبيبي انتي انا ما بضربج انا احبج لانه لو تمت تغايضها بتفج حلجها وما بتصكه من الصياح لول
سلامه تعطي مريوم عفروه : عفاري انتي شاطره وهيه تحبج
عفاري صاخه
مريوم : فديت عفاري الحلوه
عفاري بعد صاكته ولا تقول شي
مريم حبتها : انا احبج انتي ما تحبيني ؟
عفاري ترفع راسها :: انا احبج
مريوم لوت عليها : عفاري الحين فليل لازم يرقدون
عفاري : انا بلقد عندج اوكي
سلامه : وانا ما تبيني ؟
في هالوقت كانوا عبد الله وحمدان مارين عند حجره سلامه وسمعوا صوت عفروه
حمدان : بخبرك سير هاتها
عبد الله : وين ايبها واختك داخل
حمدان : انا بسير لهن
عبد الله : ويا راسك وين بتسير لهن
حمدان : ما عليه ان شالله قريب بتكون سلامي حرمتيه (قواه ويه )
عبد الله : ان شالله بس بعدها ما ستوت
وساروا باثنينتم حجره عبد الله واتصل عبد الله لسلامه
عبد الله : سلامي انتن واعيات
سلامه : هيه عفروه توها ناشه والحين اونها بترقد ويا مريوم
عبد الله : قوليلها اني بايها وبشلها عنكن
سلامه تطالع عفاري وميوده السماعه : عفاري بتسيرين ترقدين عند عبادي
عفاري : حدنا وين ؟
عبد الله سمعها : تعال يا ريال تتخبر عنك
حمدان : فديت روحها
عبد الله : هيه هيه حمدان هنيه عندي
سلامه : هيه عنده بتسيرين ولا لا ؟
عفاري : امممممممممم هيه بسيل
عبد الله : اوكي الحين ياينكم طلعيها برع
سلامه : ان شالله بس عبود
عبد الله : آمري ؟
سلامه : هاتلنا غرشه ماي وياك
عبد الله : من عيوني
وسكروا عن بعض
عبد الله سار وياب غرشه ماي او وداها لهم وخذ عفروه وساروا حجرته

شو بيستوي في حجره عبد الله وعند سلامه شو بييتوي ؟؟

انتضروا الجزء القادم

في انتضار آرائكم

البارت صغير والله ما فهمت غير شوي هع


يعني ما قدرت اتوقع ولا اتخيل هع


تسلمين ونتريا البارت الياي

تسلمين ع المرور
وان شاء اله بحطلكم قريب البات الياي

ان شا الله

ما وراي شغله اترياج

ان شاء الله اليوم والا باجر بحط التكمله ذ

والسموحه

مسموحه يالغلا

بس لا تبطين