((تدخين بعض الفتيات هل هو موضه ام تحدي للشباب )) - .·:*'*:·.استراحات زايــد.·:*'*:·.

مطعون برمش العيون · 07-07-2008, 12:55 PM

السلام عليكم ورحمة الله وبركاته

الموضوع

تدخين البنات تمرد على العادات بين الفتاة والشاب ؟؟

او إنه منافسة لأفعال للشباب والرجال ؟؟

او إنه عادة جديدة دخيلة علينا وعلى مجتمعنا ؟؟

*
*

موضوع مهم اتمنى يشارك فيه الجميع ويبدون رأيهم بصراحة .......

بعد ان ظهرت في الأونه الأخير للأسف ظاهرة تدخين البنات سرا وجهرا والمراقب لهذه

الظاهرة يتسأل عن أسباب هذه الظاهرة الغربية ...

هل هي الحضارة أم التحضر كما يعتقد البعض...........!

ام هي ظاهرة تقليد ا الشعور بالتمرد على القيم والعادات أم أنها ظاهرة لإثبات الوجود...!

ففي عصر العولمة والإنفتاح الفضائي وتقنية المعلومات الإنترنتية هل أصبح تدخين

الفتيات عادة من العادات المفروضة ،, و اذا كانت الفتاة لا تهتم بصحتها و تتهاون في

مسالة الخطر الذي يحدق بحياتها ..........

فهل تتساهل في الخطر المحدق بانوثتها وعذوبتها ؟

لا اعتقد ان اي فتاة قد تتهاون في هذا الجانب الذي يمثل معنى وجودها في الحياة

ومعني جمالها ورونقها الجذاب .........

الســــــــؤال هنـــــــــا :

هل السبب في ذلك الحريه من الاهل ؟

ام الثقه القويه من اولياء الأمور ؟

ام التهاون في التربيه والانشغال في امور الدنيا ؟

ام نابع من الفتاة في تجربة هذه المرحلة ؟

ام ارتباط الفتاة بصديقات السؤ ؟

ام مشاكل عاطفية تمر بها الفتاة؟

اتمنى اشوف تفاعل في الموضوع وان ينال الموضوع على اعجابكم

**تومي** · 07-07-2008, 01:03 PM

اول شي تسلم اخويه على الموضوع

ثاني شي التدخين كله غلط سواءاً شباب او بنااات

والبنات يدخنون اونه لان نزلت الحين موضة المسترجلات ومع

هالموضه لازم تدخن عشان تثبت انها رجل مثل ماالرجال يوم يكون

مراهق ويقولون له لو انت ريال دخن وبعدين عشان تبين انها فري

وكول يعني سوالف مراهق وقلة تربية ورفيقات السوء يعني مثلا

انا اعرف وحده مب مواطنه تدخن وتعرفت لها على مواطنات ويدخنون معاها

والله يستر على بناتنا وبنات المسلمين

آqنه كاشخهـﮯ · 07-07-2008, 07:03 PM

كل الآسئله اللي طرحتهآ في نهآية الموضوع يكون
لهآ تآثير بهالظآهرآهـ ويآكثر الظوآهر اللي تنتشر بمجتمعنآ
في هالآيآم .. وآسآس المشكلآهـ هو آبتعآدهـآ عن دينهآ ..

لو كل بنت متمسكآهـ بدينهآ .. بتعلف الصح من آلغلط ..
وبتعلف انآهـ آلتدخين مآبفيدهآ بشي .. ولكن بخرب حيآتهآ ..

وكلن يعلف مصلحتآهـ .. ^^ ..
وربي يهدي آليميع ..

مشكووووريشن خويآآآهـ ..

لآخلآ ولآعدآآآم ..

MooDiyeh · 07-08-2008, 12:42 AM

أول شي يسلمو على الطرح
تدخين البنات و الشباب عموما ظاهرة سلبيه
لكن تدخين البنات خصوصاً ظاهرة دخيله على مجتمعنا المحافظ
للأسف قلة الوعي و ضعف الوازع الديني أحد الأسباب الرئيسية في تدخين البنات
و للأسف قامن البنات يستغلن ثقة أهلهن إستغلال فظيع لأمور مب زينه
أما بالنسبة لتدخين الشباب
فهاذي عادة سلبية
و الشباب يدخنون عشان يبينون للناس انهم " ريايل "
الله يصلح حال شباب و بنات المسلمين
و يهديهم للصراط المستقيم
تقبل مروري ^^

زهور 2007 · 07-08-2008, 12:50 AM

السلام عليكم ورحمة الله وبركااته..

بصــرااحه انا اشوووف انه رجاال الاكثر شي يدخنووون..بس الحين الحريم و بناات صغااار بي عمر 18 او 19 سنة...يدخنووون...ما اعرف ليش..؟؟احس انه موووضه ..علشاان لفت الانتبه فقط...لانه نحنا كلنااا نعرف انه تدخين مب زين للصحه..و مضــر جدأ...و اصلاا حرااام شي الى يكون مضررر لى صحتنااا...بس وين..و هالكلاام ابدا ما يدخل رأس..الى يقول..انا مهمووم و حزين..فا اخدن علشاان انسي..كلهاا كلاام فاارغ...الله يهدي الجميع..

مشكور اخوي ع الموضوع الحسااس..لاهنت...

ربي يعطيك صحه و العاافيه

ابكي زمان بكاني · 07-08-2008, 01:25 AM

تسلم غناتي ع الموضوع الغاوي

فعلا ظاهره دخيله ع مجتمعنا.. صرنا نشوف الحريم يفرضن وجودهن في الغلط اكثر منه .في الصح؟!

اساسا.. التدخين ما يعتبر شي مميز او جيد سواء للرجل او اللنساء..في كل حالاته له مضار كثيره..سواء بالعلن او بالخفاء.. محد يقدر ينكر تصاعد عدد المدخنين في كل مراحل العمر بين الجنسين.. و يكاد يقارب ربع العد مصابين بالسرطان او تلف في الكبد و غيرها من الأمراض..

اكييد الي ذكرتهم لهم تأثيرهم ع المدخن.. بس ان تنسى المرأه بانها انثى رقيقة .. بعيده عن مظاهر القوه او السيطره او غيرها من المظاهر الي من الممكن ان ينخدع فيها اي انسان لما يشوف مدخن!!

تبقى صورة انثى مشوهه!! التوعيه من الأهل من المدرسه و من كثير من الجهات موجوده .. وبالذات مع بداية ظهور الظاهره..

لكنها مرحله تمر فيها البنات مثل ما يمرون فيها الرجال .. لكنها تتحول الى عاده صعبه الهجر او السيطره مع مرور الوقت..

السموحه .. يبقى مجرد رأي ^_^

تحياتي

سِـيد الـعذاره · 07-08-2008, 01:34 AM

سبحااان اللله كنت ابغي انزل موضوع عن تدخين البنات بس سبقتني ..

انا اشوف انا الاهل ما لهم خص بالسالفه اهما ربوا بنتهم باحسن مما يكون ولا كن البنت يمكن تكون مسترجله وتقول ( انا ولد لازم ادخن (اونه شرات الشباب ) اوكي اذا اليوم دخنتي وصرتي شرااات الشباب ماراح تعرفين ان الاضرار بباجر راااح تكون اكبر من كلمه رجل عالصحه ..

البنات صاير كل سي عااادي عندهم بس لازن تكون شي توعيه للبنت والولد لازم يكون الاهل والمدرسه والمجتمع لهم دووور فيي توعيه البنات والشباب

والله جان سالتها ليش تدخنين راااح تقول اونه عصبت وخذيت وحده عشان ارتاااح ... منو قال ان السجاره تريح ؟؟؟؟؟؟؟؟؟؟؟؟؟؟؟؟

ياليت هالسؤال يجاوبون عليه الشباب عشان البنات يعرفون ( السجاره تريح ولا ظ؟؟؟؟؟؟)

يسلمو عالموضوع

عاشقه +-+- · 07-08-2008, 11:59 AM

لكن شي بنات يدخنن بدون محد يعرف حتى الاهل
بس يمكن تكون موضه او مجرد فضول
شي بنات يبون يجربون بس فقط لا غير

السموحه ع القصووووووووووور

مقلووووعه · 07-08-2008, 04:37 PM

سلمت يمناك ع الطرح القيم

والي يدخنن هب متربيات ومضيعاتنه المذهب
وقبل مايكون الغلط منهن الغلط على هلهن وعلى تربيتهم ))~