الغالين
صدق ربينا ونحن نسمع النشيد الوطني وحفظنا وتعودنا عليه
اكيد شي محزن انه يتغير للاسف يعني
حتى في الفتره الاخيره الاذاعات المحليه كلها مش مقصره
يحطونه كل يوم الصبح ويا الاناشيد الوطنيه اللي تتغنى بحب الامارات
والله اني كنت احس باحساس ما ينوصف يوم اسير المدرسه واسمع النشيد الوطني في السياره
وبعد كانوا يحطون القسم مال الشرطه اللي يعاهدون فيه الوطن بالاخلاص والموت عشانه ولاجل ترابه
لكن يا احباب
ترييوا لحظه قبلا تزعلون وتتحرطمون بدون تفكير
يعني هي يت بس عالنشيد الوطني؟؟!!
والله ان كل شي قام يتغير ويتبدل كل يوم في البلاد ونحن ولا جنه موجودين
كل شي يو وشلوه ولا غيروه والمواطن لا حول ولا قوة واقف يتفرج لانه ما بيده حيله !
احس خلاص ما في شي اصيل خلوه في حاله ولا خلوه مثل ما هو
التعليم تغير صار كله اجنبي والكتروني ومختلط وناسين الجوهر اللي هو الدين والعروبه!
السياحه تغيرت صارت بدال الطبيعه والمتاحف عباره عن مراقص وديسكوهات عشان الاجانب!
البلاد كلها تغيرت
شو نقدر نسوي نحن كمواطنين؟؟ !!
ولا شي...
هذا هو الجواب وهي هي الحقيقه
والله امسات يوم اربيعتي قالت لي بسالفه تغيير النشيد الوطني
ضحكت وكنت مثل قطعة الثلج
قلت شو يعني خلهم يغيرونه يت على هاي بنصيح عليها؟؟!!
ما هو كل شي تغير
حتى المواطن نفسه صار ولا جنه مواطن والاجنبي خذ مكانه وصار له حق في كل شي!!
اربعتيه قالت لي ما توقعت ردة فعلج جيه تكون
قلت لها الغاليه
الوطنيه مش بس بهالكلمات والنشيد
صح زعلت عليه بس اذا راح وغيروه تراهم بيغرونه شرات كل شي
بس بتم قلوبنا فيها ريحة الوطن وتحن لايام الشيبة!!
لايام ابويه الله يرحمه ويرحم ترابه
الشيخ زايـــــــــــد
تهقون هالجيل اللي انحرم من شوفة زايد ومن نعمة وجوده وخيره علينا
بيكون شرات الاجيال القبليه؟؟
والله الدنبا كانت غير ايام الشيبه
ومستحيل حد او اي شي يرد ايامه الله يرحمه
![الصورة الرمزية .. فلاسـ[جميرا]ـي ..](http://vb.ma7room.com/avatars/u535.html?dateline=1222776153)
العرض العادي
