بسم الله الرحمن الرحيم

السلام عليكم جميعاً

لغز عندي قديم واتوقع انكم راح تذبحونه بسرعه بس من باب تحريك الفكر وتستاهلونه بصراحه

تفضلوووو ....





وش العجوز اللـي ظلمهـا زمنّـا=قمنا نتخاطفها من يميـن ليسـار

جبنـا لهـا بنـت ولـد واتزنّـا=ومدري غدرناها او الوقت غـدار
الله عطاهـا قـدر عالـي وحنّـا=مهما كبرنا عندها نرجع اصغـار
متمـيـزه وأفعالـهـا ميـزنّـا=ونسمع بها دايم بنشرات الاخبـار
جاها الغـزو والظلـم منّـا ومنّـا=وحنا رضينا بظلمهم سر وجهـار
كنّـا ولا كنّـا لهـا يـوم كـنّـا=وعِفت مشاعرها بقت ترفض العار
لغزً كتبتـه مـن عبقهـا تحنـى=ولغزي قصير بقامته وأنتم اكبـار

وسلامتكم ,,