شوفو الصدمه

دهـــ العووود ــــن · #1 07-02-2008, 02:11 PM

قصة بنت كانت تطالع واحد بعين قويه المهم الرجال طلع شاعر وما قصر فيها كم بيت عشان تتأدب لكن المفاجأه هي ؟؟؟؟

كل شبر بهالوسعيـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن

ما هـو أنـا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون

وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون

وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون

قلت سنّـة هالحيـاة وحـن ترانـا مؤمنيـن
الله اللـي مسيّرنّـا بيـن كافـ وبيـن نــون

وكل أبونا نختلف مع إننا مـن أصـل طيـن
سبحان يلي مصورنا ولله في خلقـه شـؤون

يعني حنا كل أبونـا عـاد إسمنـا بنادميـن
وليا قضى ربك أمر وقـال لـه كـن فيكـون

فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون

وفينا يلي مـا شكـى مـن علـةٍ كالآخريـن
صـمٌ و بكـمٌ و عمـيٌ فـهـم لا يفقـهـون

بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون

وتدري عاد يالكفيفة حنا تراى متشابهيـن
وإن ماانعمت أبصارنا قلوبنا هـم إللي يعتمـون

يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟ __DEFINE_LIKE_SHARE__

~~طـبـعـيـﮯ شيـوــخـيـﮯ~~ · 07-02-2008, 02:49 PM

تسلمين اختي ع الطرح الرائع

وربي يعطيج العافيه

دمتي و لا هنتي __DEFINE_LIKE_SHARE__

تونة تنتونة · 07-02-2008, 02:57 PM

صج صدددددمه والأخ داااااااااش عرض خخخ

يسلمووووووووووووو __DEFINE_LIKE_SHARE__

خلني اكــ ح ــــل عيوني · 07-02-2008, 02:57 PM

ف البدايه قريت القصيدة

قلت عنبوها البنت ماتستحي اطالع الريال لها الدرجه!!!!!!!!!!!

وعقب من سمعة انها كفيفهـ() كسرت خاطريـ

يسلموووو ع الطرح

ختيهـ (دهنـ عود) ولاهانج الرب __DEFINE_LIKE_SHARE__

بنوتة عيناوية · 07-02-2008, 09:33 PM

تسلمين على الطرح __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بنر مجاني قبل الزحمه قبل الزحمه قبل ليغلق الموضوع	محروم.كوم	منتدى أخبار المواقع والمنتديات العربية والأجنبية	0	04-27-2010 09:50 PM
مطر الشحمه.....	محروم.كوم	منتدى أخبار المواقع والمنتديات العربية والأجنبية	0	08-22-2009 06:30 PM
مطلوب امصجمه قطر	محروم.كوم	منتدى أخبار المواقع والمنتديات العربية والأجنبية	0	08-12-2009 03:30 AM
دخيلكم,,,الشيمه	بنت الغالي	هواتف , مسجات , وسائط , برامج , ثيمات , نغمات , بلوتوث	2	02-20-2009 12:29 AM
شوووووووووفو الصدمه	xamo0onax	الإستراحه العامة	16	12-07-2008 04:33 PM