இஇ يـــــــــــــــــــــــــــا عذابــــــــــــــــــــــــــــــــــــي இஇ - الصفحة 7 - .·:*'*:·.استراحات زايــد.·:*'*:·.

βiηт ƒeηdi · 07-27-2008, 01:52 AM

انا الحمد الله بخير يسرج حااالي

مممم....

يمكن توقعاتج اتكووون صح..

و انشالله فالج طيب البرت الياي بخيلة طويييل..

غالي و الطلب رخيص

βiηт ƒeηdi · 07-27-2008, 01:55 AM

و البارت الياي بينزل تااريخ 29 / 7 /2008

عشاان يكون طويل

والسموووحة اذا طولت عليكم

الظاهري · 07-27-2008, 02:51 AM

خذي رااااحتج اختي بس يكوون طوويل وااايد

βiηт ƒeηdi · 07-28-2008, 04:27 AM

تـــــــــاامرووون امـــــر

انا باخر في تنزيل البارت عشان يكون طوييل

اتمنى انه يعيبكم

كونو في انتظااااري...

قـلب دبـي · 07-28-2008, 10:06 PM

روووووووووووووووووعة

نتريا البارت على احر من الجمر

βiηт ƒeηdi · 07-29-2008, 06:12 PM

وسارت صوب المغاسل عسب تتغسل وبعدها فكرت تمر حق الخالة ظبية تطمن عليها..
سارة انصدمت يوم دشت الخيمة كان ودها تظهر بس وين بعد ما شافها الكل..
كان حارب منسدح على ريول خالته اللي كانت قاعدة تقرا قرآن..

حارب اللي اعتدل أول ما شاف سارة وابتسم ابتسامة استهزاء..
حست سارة ببتسامة حارب بس سوت له طاف..
ظبية: حياج يما سارة.. اقربي
سارة وهي مرتبكة من نظرات حارب اللي ما شل عينه من فوقها" يعلك عيونك تنشل": سوري خالوه بس أنا ما كنت أد..
ويقاطعها حارب: خلاص انزييييين الحين بتقعد تحشرنا كنت وما كنت
سارة اللي انقهرت منه بس ردت عليه خالته: بلاك حروب عالبنية؟
سارة: هي والله يا خالوه دومه حاط علي
حارب وهو يبتسم بخبث وينزل راسه
ظبية: لا يا حروب ترى ما أرضى على سارة الغالية
حارب: أفااااا الحين ساروه الغالية.. وأنا؟
سارة وبكل دلع: انت ما شي أنا الغالية وبس سمعت
حارب اللي حس بشي غريب تجاه سارة: احلفي انتي بس
ظبية: بس انت وياها.... شفيكم يما كله تتخانقون...
سارة: كله منه خالوه.. دومه يلعوز فيني
حارب: ههههههههه يهالو
ظبية: خلاص حارب، وبعدين انت شو مقعدنك للحين، قم يلا الحين بأذن سير توظأ وخلي الباجين ينشون
حارب والود وده ما يظهر بس شو يسوي: إن شاء الله خالوه.. ويبوسها فوق راسها وقبل لا يظهر جرب من سارة وهمس: لهالدرجة مشتاقين حقنا.... حشى تونا يالله بصباح الخير...
سارة وهي ماتت من المستحى : جب انزين
حارب مات من قالته جب وبكل دلع
ظبية: حروب انت للحين هني شو؟
حارب وهو يربع برع وعيونه على سارة: ظاهر ظاهر..
.................................................. ....
الساعة 8’11 الكل كان ناش..
كانن الحريم فارشين لهن برع الخيمة عسب الجو كان رووعة..
ومجابلتنهم خيمة الرياييل والشباب اللي كانوا ميتين على البنات
<<<<<<<<<<الله يعين بس

صوب الرياييل كانوا الشواب قاعدين يرمسون الشباب عن سوالف زمان أول..
أبو سهيل: الله يرحم ذيج الأيام والله أنها كانت غير
أبو علي: آاااااه صدقك والله، للحين وأنا اذكرها
حارب: هي والله
سهيل: طاعوا هذا أنتوا الحين بسوي عمره فهيم... انت شدراك بحياة أول؟
حارب: أونك الحين بتقول أن ما تذكر من حياة أول شي؟
سهيل: من كبري يعني عسب اذكر... أنا أمس شو ماكل ما اذكر
أبو علي : وين أيام قبل ووين الحين؟ خلوها على الله بس
علي: اقول عمي انت كيف تعرفت على خالوه أم سهيل؟ تراني سمعت رمسة وأبا أتأكد..
سهيل: واااااااااااااابويي الشيخ غدى احمر... لا لا ما يصير جذه علي بلا فشلت الريال..
أبو سهيل : ههههههههههه انت ما تيوز
ثاني: عمي.. لا تغير السالفة قول نبي نعرف السالفة
رفع أبو سهيل راسه يطالع صوب أم سهيل اللي استحت يوم طاحت عينه في عينها وشكلها حست أنهم يرمسون عنها..
أبو سهيل: الله يسلمكم كنت أنا هذاك اليوم طالع البحر كنت توني 19 سنة.. طرشني أبويا اييب شي وأرد البحر.. وأنا داش البيت حصلت وحدة في الحوش .. عاد أنا قلت يمكن هذي عمتكم سهيلة.. وجربت منها عسب أتأكد ويوم صدت تقولون غزاااااال واقف يمي.. تيبست مكاني هب عارف شو أسوي.... ومن هذاك اليوم وأنا الليل ما أرقده.. وعلى طول رسمت أمي وأبويا عسب يخطبونها لي.. وبعد شهر تقريبا استوى العرس..
ثاني وهو منصدم : يعني لما عرست كان عمرك 19؟
أبو علي: ههههههههه بلاك مستغرب يعني.. الواحد من يصير ريال خلاص ماله غير الحرمة
سهيل: عيل أمايا جم عمرها كان؟
علي: على ما أعتقد 10
الكل: ههههههههههههههههههههه
أبو سهيل: عيل أنتوا أشوا تتحرون.. يوم أقولكم زمان أول غير
سهيل: خلاص عيل أنا من باجر أبي أعرس
حارب: الله يعييييييييين
أحمد: شنو شنو لا يبا محد يعرس قبلي
سهيل: شووووو ما أدري منو الأكبر أنا ولا أنت؟
أحمد: ما يخصني.. أنا صارلي سنة من خطبت
سهيل: ونحن شو يخصنا .. مشكلتكم
وقعدوا يتهاوشووون والكل قاعد يضحك عليهم
حارب: لا الحبايب خشعتهم سوالف الشواب
حامد: صدقهم انزين.. ترى حتى أنا مليت من العزوبية شكلي بعرس وياهم

ثاني: وأنا تخلوني عزابي بروحي شو..
..
حامد: خلاص عيل انظم حقنا خخخخخخخخخخخخخ
حارب وهو يقوم عنهم: لا بالله كدينا خير
وظهر حارب برع وقعد يتمشى بروحة.. وشوي يرن موبايله..
حارب: هلا
سعاد: هلا فيك حبيبي.. شحالك؟
حارب: تمام
سعاد: حبيبي وينك البارحة عيزت وأنا أدق بس محد يرد
حارب: ما ادري شكله كان مفضي
سعاد: انزين متى بترد تولهت عليك.. ابي أشوفك
حارب: والله شكلنا بعد يومين إن شاء الله
سعاد: هاليومين عندي جنهم سنتين
حارب: هالكثر أنا غالي؟
سعاد: وأكثر بعد
حارب: تحبيني؟
سعاد: وأنت للحين تسأل.. أنا ما أحبك وبس أنا أمووووووووووووووت عليك.. تعرف شو يعني أموت عليك؟ لو تطلب روحي عطيتك.. أصلا انت روحي وقلبي وكلي
حارب: بل بل بل هالكثر أنا غالي وما أدري؟
حارب دايما يحب يتفلسف على سعاد مع أنها تعيد هالرمسة في كل مكالمة وطبعا حارب صار روتين ممل عنده..
.................................................. ............
ثاني كان ظاهر من الخيمة عسب يلعب ويا شهد وشمة..
ثاني: شهودة وين شموه؟
شهد: أند كالوه ميثون..(عند خالوه ميسون)
ثاني وشكله ما فهم شي: شو؟
وشوي تجرب منهم ميسون وهي شايلة شمة بس ما كانت منتبهه حق ثاني..وانصدمت لما شافته.. هي كانت دايما تتغشى بس الحين خلاص فضيحة ما تروم بس ما شافها..
ثاني وهو مبحلق قي القمر اللي ياي صوبه: شحالج أختيه.
ميسون وبكل رقة: يسرك الحال
ثاني: أكيد شمة خبلت فيج
ميسون : لا والله فديتها وايد حبوبة
ثاني " انتي اللي حبوبة وتجننييييين" ...
شهد: ينااااااااااااا نبي نلأب(يلا نبي نلعب)
ثاني ولا انتبه حق شهد: شرايج تيين وياي؟
ميسون: نعم؟

ثاني وانتبه حق الكلام اللي يقوله: أقصد ويانا.. هي تيين ويانا أنا وشهد وشمة
شمة: هي خالوه تآلي ويانا
ميسون: خلاص عشان خاطر عيون شمة بيي
ثاني" وااااااااااااااااااااي فديت شموه مالج أنا".....
وروحوا يلعبون ويا بعض بعد ما استأذنت ميسون من أمها..
.................................................. ..............
بعد يومين الكل رد بيته .. بعد ما قضوا وقت رائع ما رح ينسونه أبدا
سارة اللي وايد تعمقت علاقتها مع شيما وميسون وعليا
سهيل اللي بدى يميل لشيما
ثاني اللي حط ميسون في باله
أحمد وحصة اللي قرروا يعرسون بأقرب وقت ممكن بعد ما حست حصة أخيرا أنها مستعدة للزواج، والتوفيق بين دراستها.. يعني عادي بتتزوج وبنفس الوقت بتكمل دراستها
وأخيرا حامد اللي يموت في سارة اللي ما تعرف شي عن مشاعره صوبها
أما حارب ... للحين ما سكن حد قلبه<<<<<<<<<بس لين متى. ؟؟. الله وأعلم
..................................................

بعد يومين الكل رد بيته .. بعد ما قضوا وقت رائع ما رح ينسونه أبدا
سارة اللي وايد تعمقت علاقتها مع شيما وميسون وعليا
سهيل اللي بدى يميل لشيما
ثاني اللي حط ميسون في باله
أحمد وحصة اللي قرروا يعرسون بأقرب وقت ممكن بعد ما حست حصة أخيرا أنها مستعدة للزواج، والتوفيق بين دراستها.. يعني عادي بتتزوج وبنفس الوقت بتكمل دراستها

وأخيرا حامد اللي يموت في سارة اللي ما تعرف شي عن مشاعره صوبها
أما حارب ... للحين ما سكن حد قلبه<<<<<<<<<بس لين متى. ؟؟. الله وأعلم
.................................................. ....
.................................................. ....
بعد شهر من الأحداث السابقة..

بدت الدوامات والكل انشغل..بدواماته
سارة وحصة وربعهن في الجامعة
حارب وسهيل بدوا يشتغلون في احدى الشركات اللي كانت هدية من أبو علي وكتبها باسمهم ..
.................................................. ..............

شو تتوقعوون يصير بين :
سهيل و شيما
وحارب و سارة

و ثاني و ميسون
و حصة و احمد

وحامد وين مصيره

؟؟؟؟؟؟؟؟؟؟؟؟؟؟؟؟؟؟؟؟؟؟

وشو رايكم في البارت؟

رحلت عن بلادي شدي حيلج في التوقعات

الظاهري هذي المرة ابا شوف توقعاتك

قلب دبي يشرفني انج اتكونين من متابعين قصتي
ابا اشوف توقعاتج

وبس.......

قـلب دبـي · 07-29-2008, 11:19 PM

سهيل و شيما بيتزوجون
وحارب و سارة بيحبون بعض وبيتزوجون

و ثاني و ميسون بيتزوجون
و حصة و احمد بيتزوجون

وحامد وين مصيره ؟؟؟؟؟

دخيلج بسرعة نتريا البارت لاني بالدوام قمت افكر بالقصة

رحلت عن بلادي · 07-29-2008, 11:23 PM

شحاااالج سيلاانيهــ وانتحر ؟؟
بصرااااحهــ هالمره مش محطيهــ التوقعاااات ..
اكيد تبين تعرفين السبب ؟؟
لان انتييي قلتيي بنزل بااارت طويييل و هالبااارت قصير ..

متى ى ى البااارت الياااي ؟؟

الظاهري · 07-30-2008, 01:23 AM

شو تتوقعوون يصير بين :
اتوقع اممممممممممممممممممممممممم

سهيل و شيما >>>> بيتزوجون ان شالله
وحارب و سارة>>>>اممممم ساره بتعرف عن سعاد الي يرمسهاا حارب
و ثاني و ميسون>>>>علاقه حب ما بينهم
و حصة و احمد>>>>>بتزوجون ان شالله
وحامد وين مصيره>>>> حاامد امممم يمكن يرمس ع ساره ان يباهااا

وشو رايكم في البارت؟

راايي ف القصه حلوووووووووه بس ماافيهاا اكشنااات واايد
يعطييج العااافيه

ونترياا التكمله

انا بغييب 4 ايااام وان شالله احصل البارت طوويل

والسمووحه منكم

βiηт ƒeηdi · 07-30-2008, 01:38 AM

اقتباس:

المشاركة الأصلية كتبت بواسطة قـلب دبـي

سهيل و شيما بيتزوجون
وحارب و سارة بيحبون بعض وبيتزوجون

و ثاني و ميسون بيتزوجون
و حصة و احمد بيتزوجون

وحامد وين مصيره ؟؟؟؟؟

دخيلج بسرعة نتريا البارت لاني بالدوام قمت افكر بالقصة

امممممم يمكن تو قعاتج صح خليج تابعي قصتي عشان اتعرفين كل يديد

ههههه و اذا عن الدوام لا اداومين الين ما اخلص الصة خخخخخخخخخخخخ

و البارت الياي جريب

و انا واايد مستانسة اننج اتابعين قصتي