هههههههههههه

شوفي اذا اطول عني بعشرين متر برايه ما عندي خلاف

بالعكس حلاته

ايعيبني الطول عالرياييل احس هيبه ههههههه



لكن اقصر عني؟؟؟ ما ظنتيه

اصلن مستحيل يكون اقصر عنيه لانه انا كتكوته مب من طولي يعني ههههههه




بكرشه وع الله لا يقول

اكره شي عندي الكرشه

اكيد الاخلاق تهم والمخبر قبل المظهر لكن بعد لازم يكون في قبول ورضا من الطرفين



على فكره الموضوع مهم مش بسيط

اذكر مره قريت قصه عن وحده ايام الصحابه

سارت عند الرسول عليه الصلاه والسلام تبا تتطلق من ريلها

فسالها عن السبب

فقالت بما معناه اني ما احس بنشوه مثل باقي الحريم يوم اشوفه وسط الرياييل ولا افرح فيه

لانه كان يبين وايد قصير وسط الرياييل

فوافق الرسول -ص- انها تتطلق!

يعني هالشي مهم


لازم كل واحد من الطرفين يكون مقتنع بالطرف الثاني عشان يعصمه من انه ينظر لغيره

مش شرط يعني تكون الحرمه ملكه جمال والريال اوسم رجل في العالم

اهم شي كل ما ناظرها او ناظرته شاف شي يسره وهي بعد نفس الشي



وفي النهايه بعد ترا الشكل والجمال ما يدوم هو شي موجود وممكن يفنى

مش بس عشان الوقت وتقدم العمر مرات ممكن يروح اسرع عن جيه

ناس وايد تصير لهم حوادث باسم الله عليكم او من مرض معين يفقدون من شكلهم وايد


يعني لو حد ماخذ حد عشان شكله وفجاه راح الشكل.. اذا ما كان مقتنع بشخصه ما بيتم شي

يخليه يتمسك فيه..


عشان جيه اهم شي الروح والشخصيه ثم الشكل ولا يمنع يكون في الشكل ما يحبب كل واحد في الاخر



الله يحلي مخبركم ومظهركم وايامكم امين

=)