السلام عليكم ورحمة الله وبركاتة

اخواني الأعزاء كثر الحديث عن المظلات والخيام وكلا يحذو بحذوة

الي يصنعلك حقت لمريكان ولوربيين ويقولك فكرة والي يسويلك بولستر مش حالك

والي يربط مظلتك بالسيارة وانا شخصيا مأأمن اربط بسيارتي شي ابيها بكامل حريتها متى ماحتجتها دقيت سلف !

لكن للأسف ما فية الا القليل جدا الي فكرو يعملون لنا خيام تحمل هوياتنا الخليجية وتعيش في بيئتنا القاسية

الموضوع بختصار هو ليس بجديد والجميع يعرفة لكن ماحد تطرق لة او حث علية برغم انة موجود في كل مكان

شفنا الكثير من الخيام و واشكال وانواع لكن هويتنا هي خيام الأباء والأجداد

موضوعي اليوم عبارة عن مظلة مفتوحة من جميع الأتجاهات وتقدر تقول راس خيمة

ولك مطلق الحرية في اختيار الخام الي يناسبك سواء كان تنزاني ولا تايلندي ولا باكستاني كلا وحتياجة ولا تكلفك شي انت تحدد السعر الي تبية

هذي صورة المظلة وقماشها با كستاني شراع جاهز 4 في 6 فقط حطيت لة اربع مواصير وعمود واربع حبال















واذا تبي تسويها خيمة ماعندك مشكلة حط السناح (الشراع)(رواق) فقط وفتحها من جميع الأتجاهات براحتك وفتح اي باب في اي مكان ماعندك مشكلة










عيب الرواق الي عندي انة قصير ابو 160 لكن ربي لك الحمد ابو مترين موجود في كل مكان والكثير مننا عندة يعني اغراضك عندك لن الرواق مالك غناة عنة مودية يعني مودية فقط تزيد علية المظلة



وهذي حركة مسوينها يوم ودينا الخيمة مع ان الخيمة الكبيرة ثقيلة ولا لها داعي اصلا لكن سوينا بالمظلة صالة لشبة الضو عشان الدخان مايلصق بالخيمة للنوم




عاد هاذي زاوية سويناها بالرواق وسوينا مطبخ يحبة قلبك




المواصفات

خفيفة وغير مكلفة وتقدر تحطها بأي سيارة

تستطيع فتحها من جميع الأتجاهات على حسب اتجاة الرياح بأسهل الطرق

اذا كان عندك خيمة قديمة تستطيع التطبيق عليها فقط يبيلك 4 مواصير وانتها الموضوع

جربت الكثير والكثير من الخيام وكلها عوار راس ومخاسيير لكن هاذي اعجبتني حيث انها خفيفة وتبنيها في اقل من 5 دقايق حتا في اشد العواصف فقط تريط حبلين وتحط العمود وخلصنا وكد ومد

سواء كنت بالقيض ولا بالشتا تنفعك وبتكون معك طول السنة وتصلح لهل البر والبحر والمكاشيت

تقبلو محبتي

اخوكم بوهادي