بشار السرحان-ثمان أعوام - .·:*'*:·.استراحات زايــد.·:*'*:·.

بحرينيه احلى من القمر · 06-27-2008, 01:26 AM

قوووووه

اعتقد عرفتووو طلبي بس بليز بيلز لاتقولون انه مشاركاتي توها والله اني قاعده ارد بس لا تعطوني سييين أو بالإماراتي ويه

في الإنتظار

تحياتي

كويتي · 06-27-2008, 06:59 AM

ذوق ذوق ذوووووووووق وربي هالاغنيه تعور القلب

حياج الله أختي البحرينيه

لا العدد المطلوب عندج كامل لا تحاتين
ولو ناقص نخالف تستاهلين

فالج طيب تفضلي الكلمات والاغنيه رفعتها لج

المغني بشار السرحان

الشاعر أسميه مجنون الاحاسيس والمبدع داشر الداشر

الكلمات

غابت ثمان اعوام حل وترحال *** غابت ثمان كلها مدلهمه
دورت عنها سنين وشهور وليال *** ولافيه فج إلا توجهت يمه
عقب الثمان اللي تعبها برى الحال *** جاب الزمان الكارثه والمطمه
جاني ولدها يبتسم بين الأطفال *** ومن بسمته ذكرت أنا بسمة أمه
ساعة حظنته غط وفي يدي مال *** شميت ريحتها من أطراف كمه
واليوم بنت الناس في بيت رجال *** وحُبٍ على غير الشرف لي مذمه
أبقى غريب ومسكني بر وارمال *** يموت يحيا يندفن ما يهمه

لتحميل الاغنيه أرعصي >>>>>>>>>>> هــــــــــــــــــنــــــــــــــا

طبعا هي لها قصه ومشهوره بس ماغنى القصيده كامله المطرب المبدع بشار

اغنيه تمان اعوام --- بشار السرحان

قصه الاغنيه :

هذا كان فيه واحد شمالي شاعر كان يحب له وحده حب خيالي قوي وانعرف بحبها وكانوا متفقين يتزوجون بس للأسف مالله قسم ولا تزوجوا زوجوها اهلها واحد ثاني غيره ..

وراحت سنين وانقطعت علومها وهو كان يدرس وتخرج وعينوه بديره بعيد بالجنوب وراح الرجال وداوم

واول يوم دخل الصف ثاني ابتدائي اللي كان يدرسه وهو يشوف كل الأطفال يتليقفون ويلعبون ماغير واحد

شد انتباهه جالس لحاله وهادي ومؤدب .. من ناظر له الأستاذ الشمالي اعطاه نظره وابتسم له يوم شافه الأستاذ

ابتسم وناداه وسأله عن اسمه قال انا فلان بن فلان

وهذي كانت المفاجأه قال الأستاذ امك فلانه ؟؟؟

قال ايه

طلعت الحبيبه السابقه

سبحان الله عمر ولدها سبع سنين وتذكر الأستاذ الماضي وهلت عبرته وحضن الولد وكتب له هذيك القصيده

الراااااااائعه واعطاه قال ودها لامك

هذي قصت القصيده

دمتي بود

مس جلكسي · 06-27-2008, 05:22 PM

عيبتني القصه

يسلمووو كويتي ع المساعده اللي تسويها لكل الاعضاء

كويتي · 06-27-2008, 05:44 PM

اقتباس:

المشاركة الأصلية كتبت بواسطة مس جلكسي


	عيبتني القصه يسلمووو كويتي ع المساعده اللي تسويها لكل الاعضاء

من رخصت صاحبة الموضوع بس برد على الاخت طالما الرساله أخويه وشكر
ربي يسلمج أختي

والشكر موصول لج لآن أنا ملاحظ أنتي أكثر مني مهتمه

الناس للناس والكل بالله تحت ظل هالمنتدى أختي

ربي يطولنا بعمرج ويوفقج شكرا لج

بحرينيه احلى من القمر · 06-28-2008, 12:40 AM

يعطيك العافية وماقصرت على الأغنية وعساك على القوه

لا افاا عليك الموضوع موضوع رد مثل ماتحب

فديتك والله

تحياتي