تخيل.. وانت رايح لزواج تسمع هالقصيده
 

تخيل.. وانت رايح لزواج تسمع هالقصيده



يدخل واحد ,,, وبعالي الصوت يصيح للمعرس



ويقول هالقصيدة ,,, وش بيكون موقف
المعرس وقتها!!!؟؟؟؟
أبد ما جيت أبــــارك لك ولكن جيت باوصيك
على اللي ناوي(ن) تدخــل بها اللـــيله معذبتي
ترى لولا الظروف اللي عطّـتك وحدّت محاكيك
قســـم بالله مـــا تدخل عليــــها لو على رقبتي
ولكن النصيب أقوى ولاادري ويش اسوي فيك
نعــم...صــارت معزبتك,, ولا صــارت معزبتي
كذا شـاءت بنا الأقـــــدار تحرمني لجل تعطيك
كذا لازم عشــــان تفوز انت أنا اخـسر بتجربتي
تراها غاليــــة جدا وتكفى والله يخلـــــيــــك
تدللــــــــها..تدلعــــــــها تنسّــــيها مصاحبتي
أنا من كثر مااغليها أحس اني بديت أغلـيك
ولاتسـأل بأيـة حـق والا وش مناســــــبتي
لأنك لو بتسألـني بتسمـع شي مـــــــا يرضيك
لذا يا خــــــوي لا تسأل ولا تسمـع لأجوبتي
أبيك تحطها في داخل عـيونك وبين ايـديـك
وهي دلوعة إعتــــــــادت على كثرة مداعبتي
فداعبـها شوي شوي حـتى تشتهي طاريك
وشاغبها إلـــــــــيـن تقول: بـطّــل من مشاغبتي
واذا هي مالها خلقك,,ولا تضحك ولا تسليك
تحمّلــها وإسألـها ياعمـــــري ليـــه عصّبـتي؟
وبالك أسمع انك يوم تضربهــا وهي تشكيك
ما يحتــاج أوري لك بفن الضـــرب موهبتي
صحيح انك بتملكـــها ومعك العقــد بالتمليـــك
وانا عــــارف حدود الله ومن حــقـــك معاقبتي
ولكن قل لها : المجنون وصّـــاني وهو يعنيك
يقــــــول انه بيــنــتظـرك لوشـيّـب وشـيّــــبتي
وانا مجنونها اللي مـا نساهــــــا وانششت مايمديك
تغــطي ذكريـــــاتي.. في هواهــــا و ربع تجربتي
احس اني تماديت بكلامي,, والغضب حـــاديــك
ولو انك في مــكاني ما تفكر في محــــــاسبتي
كفاك اني تركت الليــــله أشغالي عشان أجيك
دخلت القاعة برجلي ولا أدري ويش عاقبتي
وانا ما جيت أخرّب عرسك الليله ولاأذّيـــك
أنا جيتك عشــان أخاطـبك واسمع مخـــاطبتي
توصّــــى .... وانتبه.. واحرص عليها والله يهنيك
ترى كل الكلام اللي طلع من ضيقي وكبـــتـــي
ولكن ما قدرت اني أقوله وانت مايخفـــــيك
أخـــــاف اني اذا قلته تقوم وتقطـــع رقبــتي..



منقووووول

بصراحه روووعه يعطيج العافيه عالموضوع
وربي لاهانج ننتظر الزود منج

بعد كل الي قاله اونه انا ماجيت اخرب عليك عرسك الليله

حسبي الله عليه هذا فضحها هههههههههههههههه بس حلوة القصيده

شكله يموت فيها ماينلام

اتوقع المعرس يرتكب فيه جريمه ويطلق العروس هعهع


تسلمين على القصيده الطرر

السلام عليكم

صح السان من قالها وتسليمن على النقل الغاوي

تحياتي لج ومافيج حيله

وتقبلي مروري

@@@ أخوج @@@

انا اظن انه بيتحول من زواج لطلاق هههه

انا لو كنت حاضره عرسهم بصيح الصراحهـ ههه

لانه كلامه مؤثر بس ما يحق له يحضر العرس ويخربهـ

تسلمين غلايه ع الموضوع النايسـ

لا عدمناج !!