--{ عِِـيٌـٌِِِـِوِن أَحْـــمَـــدْ .~
 

--{ مرحبا السآع .~

شحالكم .. عساكم بخير

--{ عيون أحمد .~


طبعا هاي اول محاوله لي لكتابة القصص .. و اتمنى انه القصه تعيبكم .. القصه وهميه .. و تتكلم عن حياة بنت اسمها ميثا و عن عايلتها المعقده ..
..
في البدايه ابا اعرفكم على كل الشخصيات اللي في القصه عشان ماا تتخربطووون و عشان اشووف اذا عيبتكم الشخصيات .. لأنه اذا ما عيبتكم الشخصيات ما بكمل القصه =)

عائلة سعيد احمد الـ****ي

بو مطر : ابو طيب حنوون بس ما يعرف يظهر حنيته لأنه انحرم منها .. عمره ما رد طلب لعياله وهو دايم السفر بسبب شغله .
ام مطر : ام حنوووونه و من النوع اللي يخاف ع عيالها.. اجتماعيه جداً معرووووفه بكرمها .
مطر : 29 سنه يشتغل في شركة ابوه .. معرس ماخذ وحده اسمها مي تستوي لأمه من بعيد و عنده بنت و ولد .. طيب مشغوول بحرمته و عياله .
مي : حرمة مطر 25 سنه ربة بيت حليوه كانت طيبه و زينه مع اهل ريلها بس ويا الأيام تغيرت .
لميا : بنت مطر 4 اول سنه روضه واااايد متعلقه بيدتها ام يمعه .. حبووبه و هاديه عكس اخوها سعوووود .
سعيد : ولد مطر مسماي ع يده عمره 3 ما يدرس شيطان مطلع لأمه و كل اللي في البيت قروون .
سلامه : 27 سنه تشتغل في شركة ابوها و تكمل دراستها في جامعه خاصه طيبه و كريمه نفس امها بس ماخذه طبع خايس من ابوها الإنعزال .
احمد : 23 سنه مسماي على يده حبوووب و حنووون ع خواته و يغار عليهم يشتغل في شركة ابوه و يكمل دراساته العليا برع البلاد يعني يسافر يمتحن برع البلاد بين فتره و فتره .. فما يكوون واايد ويا خواته .
روضه : 20 سنه تدرس في جامعة زايد طيبه و ما في مثلها حبوووبه اجتماعيهـ .. جميله ماخذه من جمال العرب البدو .

.. و اخيرن ليس آخرن ..

ميثا : آخر العنقود 16 سنه صف ثاني ثنوي تدرس في مدرسه خاصه .. فرفووووشه و طيبه .. حلوه و جذابه تتميز بشعرها البني اللي جنه كاكاو غامج طويل يوصل لين تحت ظهرها و جسمها الجذاب
ودها مره بس تشوف عايلتها ملتمه .. دايماً يقولون عنها حشره كلها تهذرب بس هي سر ثبات هالبيت و روح هالبيت =)

( سعيد احمد الـ****ي ) عنده اخوان من امه و ابووه .. بس ما عنده اخوان من امه و ابوه يا بعض .. امه و ابوه تطلقو من يوم كان صغير فأمه ردت تعرس و يابت عيال .. فهو تربى ويا امه و هو اكثر ويا اخوانه من امه عن اخوانه من ابوه عامة
(( ع فكره ابوسعيد متوفي ))

.. اخوان سعيد الـ****ي من الأبو ..



يمعه احمد الـ****ي

بوحمد : ابو و قريب من عياله شاد ع عياله عشان مصلحتهم .. وهو من الكباريه يشتغل في منصب كبير .
ام حمد : انسان طيبه و متدينه و حبووبه مريضه بالسرطان .
حمد : مرهـ 22 يدرس 3 سنه في الجامعه .. مشاءالله عليه الله عطاه جمال مب طبيعي .. هو طيب و حبوووب .
مريم : 20 سنه تدرس ويا روضه في جامعة زايد بنت حلوه و رزينه بس يغلب عليها الهدوء محيره لأحمد سهيل .
احمد : 19 سنه يدرس اول سنه جامعه انسان طيب و حنووووووون ذكي وااايد يفكر في اخوانه و يخاف عليهم ماخذ من حلاة حمد اخوووه و هو عامود البيت .
عفرا : 16 سنه تدرس ويا ميثا في نفس المدرسه .
ريم : 6 سنوات صف ثاني ابتدائي في نفس مدرسة ميثا الكبيره و عفرا .


عايلة سهيل احمد الـ****ي

بو احمد : انسان طيب وعايش حياته و عاطي عياله حريتهم بس بحدوود و له دوور كبير في حيات عياله .. واايد كووول ومب عوود وايد بعده شباب .
ام احمد : اخت ام حمد طيبه و فرفووووشه .. دوومها تشيل الهم و الضيق عن اختها وهي مهتمه بعيال اختها ((عيال يمعه ))
احمد : عمرهـ 21 يدرس في الجامعه الأمريكيه .. حلو وجذاب و محد يسلم من لسانه .. اكبر مغازلجي دووومه مطيح في المولات و محير لمريم بين عمه يمعه .
عبدالله : 17 سنه يدرس في مدرسة ميثا و عفرا و هو قدهم صف ثاني ثنوي .. حبووب و هادي .. دحييييح و انعزالي يعني اللهم ويا اخووه و ربعه القراب منه و يحب عفاري بنت عمه .
منصووور : عمره 3 سنوات ما يدرس دلووووع وكيووووت و متعلق بأبوووه .

خلف سعيد الـ****ي : 15 يدرس ويا عبدالله و ميثا و عفرا في السكووول طيب و حنووون .. انحرم من امه وابووه من يووم كان ياهل وهو ساكن في بيت اخوه يمعه .


عايلة آمنه علي الـ****ي

بو سالم : ريال كبير في السن معرووف و هو وزير .
آمنه (( ام سالم )) : حرمه كبيره بالسن بدويه واااايد مشدده ع عيالها و هي اخت ام مطر ( شيخه ) الكبيره .
سالم : معرس و عنده بنت و ولد .
موزه : 22 سنه تدرس آخر سنه في جامعة الإمارات وهي محيرخ لولد خالتها احمد سعيد .
مهره : 20 تدرس في كليات التقنيه في بوظبي و هي كلوووز ويا رويض بنت خالتها لدرجه انه من بينهم يوم بس .
سعيد : 19 سنه يدرس في كلية الطيران دبي ساكن في السكن مال الجامعه .
ميره : 18 سنه تدرس في كليات التقنيه ويا اختها .. اللي يشووفها هي و اختها يقوول تووم مشاءالله .

اتمنى انه الشخصيات تعيبكم .. لانه اذا ما عيبتكم و ما شفت تفاعل ما بكمل القصه !!

ملاحظهـ : ادري انه الشخصياات وااايد بس لأنه القصه طويله شوي و مب عن شخصيه وحده ..

يلا بإنتظار رايكم




مع السلاآمهـ

●●●

تيكـ كير

^
^
^

▪● άηoOoмά ●▪