ما بتندمون اذا خذتوه**،، مميز للناس المميزين

ام خليفه · #1 12-28-2009, 06:47 AM

--------------------------------------------------------------------------------

ماشاء الله ولا حول ولا قوة الا بالله

السادسه لدفعه امن البلاك لذر ..ولله الحمد انباعن منه 2000 حبه ولله الحمد صلوا على النبي،،

اكثر عطر ينباع في محلي ف القريه الاماراتيه

ماشاء الله ما تم حد ما شمه وما رد طلب منه ودددديه ثانيه

عطر بلاك ليذر

اول عطر يكون شرات ريحة الدخون صنع خصيصا لام خليفه بمقايس معينه
ريحته

شبيهه لتوسكان لذر المعروف

بمميزات احسن

تركيز العطر عاااالي بمرتين+وفيه دهن عود مع مثبت وخلطه خاصه بنا

2-حجمه اكبر 100 مل

3- سعره مميز ب 350 درهم بالنسبه لتركيزه العالي وحجمه مقارنة باسعار العطور ف السوق

الناااس الي ما يقهرووون الدخنه الي تطلع من الدخون ممكن يستغنون عن الدخون باستخدامهم بلاك لذر

هذا العطر ميزته كانه دخون مرشوووووووش ويا عطر عربي مركز وثابت(يغنيكم عن الدخون وريحته ثااااااااابته)+ يصلح لرجال والنساء

ويصلح انه يقدم هديه مميزه لانه ماشي منه برع الا يوم انشارك ف المعارض فقط او من خلال عروضنا ف المنتديات ...يعني ما بتلقونه الا عندي (حصري) وفي محلنا ريانة العود ف القريه الاماراتيه

العطر اييكم مع كرتونه مغلفه

اعتمدت العطر بعد ما خليت مجموعه كبيره اتجربه .....ولله الحمد يتني الطلبيات قبل ما يجهز العطر ،،،

واقدمه لكم اليوم من خلال صفحتي

للطلب ارسال الاسم والرقم والاماره على الخاص

وخلال 3 ايام بيكون الطلب عندكم والدفع سلم واستلم

المشاركة الأصلية كتبت بواسطة فلاحيه والنعم

اشكرج من صميييييييييييييييم قلبي على البلاك لذر ودخون جميرا والله الشاهد ان ريلي اتعطر من البلاك لذر وكان قاعد واحد في الكوفي شووب عداله وقام وساله عن العطر الي متعطر به يا ويييييييييييييلي انا اتصل فيني بو زايد وقالي بصراحه هديتج الي خذتيها لي تبيض الويه وعاد انا منششقه من الوناسه والتمدح قلت له هاه شو رايك في ذوق ام زايد **شي خطير ذوقي والله تسلمين يا الغاليه كنت مدخنه ثيابه بجميرا مع عطر بلاك وهذي كلمة حق لج عطورج خيال والله يبعد عنكم الحساد يالله ويخلي لك عيالج وابوهم

المشاركة الأصلية كتبت بواسطة احتاجك..

حبوبة ريلي خذ عنج عطر بلاك ليذر من منتدى ثاني وسار القرية وخذ عود ماحيد اسمه

والصراحة العطر انا اتخبلت عليه وروحي اتعطر به وماشالله الريحة روعة^^

والعود بعد وايد حلو

المشاركة الأصلية كتبت بواسطة طعت روحي

مراحب الغالية

انا ريلي هف العطر عني اليوم

]يقول لي اليوم انا قاعد ويا ربعي وكل شوي يسألوني انت شو متعطر ومن وين هالعطر ؟؟؟

عاد انا استانست وقلتله عشان تعرف انه ام خليفه عطرها مب اي شي لانه في البداية يوم اعطيته العطر قال لا كيف آخذ العطر ومكتوب عليه (ام خليفه) واكيد العطر حريمي ومن هالكلام بس الحينه قال لي بخليج تطلبين حقي بعد مره من هالعطر

انا المفروض باجر توصلني من عندج طلبية(مخلط الحجر الاسود والمخمرية)وياليت لو كان في مجال اني اطلب العطر ويا الطلبية..

عالعموم الغالية اذا انه ما في مجال اطلب بعد العطر مع الطلبية فإنشاءالله بطرشلج الطلبية اليديدة اللي اباها باجرمسج ع تلفونج ومشكوة يا قلبي والله يوفقج

المشاركة الأصلية كتبت بواسطة حمود الشرجاوي

اليوم استلمت العطر .. الصراحة رووووووعه

الله يوفقج يا ام خليفة .. تستاهلين كل خير ..

المشاركة الأصلية كتبت بواسطة Candy Licious

هلا الغاليــه ام خليفه ^
يمكن انتي ماتعرفيني ... بس ان جد اتعاملت اوياج في منتدى ثاني وبأسم مستعار ثاني

بس حبيت امدح حق البنات شغلج الراقي والمميز و مخلطاتج الغاويه

بناااااااااااااااات

انا ينيت على عطر فراش " ريانة العود " وخذت بعد " العود الملكي الكمبودي "

يجننننننننننننننننننننننننننننننننننننننننننننن وااااايد حلو ريحتهم وخاصتن ريانة العود والله ريحته خبااااااال

بس على مديح الناس كله ماجربت " مخلط الحجر الاسود " ... وان شاء الله قريب لي تعامل وياج اكييييد و 100% واذا في عرسي ان شاء الله ههههههه باخذ من عندج أول خليني انخطب ههههههه

فديتج يالغاليه والله ماقصرتي الله يطول بعمرج يارب وتسلمين

يزاج الله خير على هالمداخله الطيبه واسعدت بالتعامل معاج ويا مرحبا بج ف ا وقت

المشاركة الأصلية كتبت بواسطة المحيربية

هلا فديتج توته

يامرحبا ملاييين

وانا بعد اشهد على بضاعتج...ريحة ولا اروع

هذه ثاني مرة أطلب منج فديتج

خذت بكمبات لي وللأهل كل أنواع الدخون والعود ودهن العود والمخلطات

كلهن ريحتهن خباااال بشلن الراس شل لو بيلس أقولكن رايي وأخبركن عن كل عطر ولا دهن العود ولا المخلطات ولا العود والدخون إلي عند أم خليفة مبخلص من هني لباجر الصبح كل ريحه فيهن يبالها فصيدة شقوووول وشخلييييييي ... عطورها رووووووووووووووووووووعه والله العظييييم الزين كله عندج يا أم خليفة

انا لوبمدح ولابقول اخاف اظلمج لانه بضاعتج مافيه مثلها مثيل

انصح كل وحده تجرب العطورات والمخلطات والدخون والعود إلي عندي أم خليفة والله ولااروع

هذا غير تعاملها الراقي مع كل زباينها تثق في زباينها وزباينها يثقون في أم خليفة وهذا مفتاح نجاح التاجرة

وتسلمين و تسلم اياديج على هالعطور و الدخون الغاوية اللي ما قمنا نستغنى عنها حتى فديت روحها حطتلي مجموعة هدايا والله تعبت روحها وما قصرت الغلا

عسى الله يوفقج يااااااااااااااااااااااااااااااااااااااااارب ويزيدج ويرزقج من حلاله الطيب

كل يديدج أول بأول بتابعها من تنزلين أي شي يديد طرشي مسج صوبي

وهاي طلبيتي إلي وصلتني هالأسبوع لي وللأهل

يوم وصلتني مغلفة في الكرتون ( اضغطن ع الرابط عسب تكبر عندكم وتكون أوضح )

وهاي الطلبية ( اضغطن ع الرابط عسب تكبر عندكم وتكون أوضح )

وهاااااااااااااي الطلبية بصورة أكبر

المشاركة الأصلية كتبت بواسطة فوانيس

شكرا ام خليفه

اليوم وصلت طلبيتي ماشاء الله بسرعهngue:

و العطر خطير جدا

و اللي ما بتشتريه بتندم

و السعر يا بلاش بالمقارنه مع عطور السوق الغالية

الله يوفقج ام خلافي

المشاركة الأصلية كتبت بواسطة ولد بوظبي

مشكووووووووووووورة اختي ام خليفة الصراااحه ما توقعت ان ريحت العطر بتكون جي بيض الله و يهج على هالعطر و ما قصرتي..

المشاركة الأصلية كتبت بواسطة اسير ابوظبي09

ماشالله عليج اختي

ويزاج الله كل خير وربي يوفقج ا نشالله في تجارتج

ويكفي انه صناعه محليه ومن شخص ذو ثقه

لي عوده ا ن شالله

المشاركة الأصلية كتبت بواسطة sa554

الله يطول فعمرج ما قصرتي والعطر وصل وما عليه كلام، شكرا لج

المشاركة الأصلية كتبت بواسطة فرفوره

غرررررررررررررام العطر الاسود ماشاء الله موفقه اختي

المشاركة الأصلية كتبت بواسطة vip for AD

والله بدون مجامله امس استلمت العطرررر

طررررررررررررررررر

ريحته قوووووووووويه والله في دوام الكل سالني شو ها العطر ودليتهم عليج ^___^ اجمل تحيه لج

المشاركة الأصلية كتبت بواسطة غروووور

حلوووووووووو وايد العطر واحلى عن التوسكان وماشاء الله كل الي جربه خلوني اطلب لهم الى الامام

المشاركة الأصلية كتبت بواسطة LeXuSeR

حبيت اضيف عالموضوع شهادة

العطر فنان و مافيج حيله يا ام خليفة

التوصيل 10\10 سريع

الله يوفقج وان شاءالله بنطلب منج مرة ثانية اكيد

المشاركة الأصلية كتبت بواسطة احب عيالي

ررررروعه وانا تعاملت وياج وخذت 2 من العطر يعني من ارشه الكل ينشد شو حاطه وريلي في الدوام دوم ينشدونه عن ريحته الله يوفقج وكلمة حق اللي تستخدم هذا العطر مستحيل تغير عنه يعني ادمان واحلى من تاسكن ليذر لاني قارنت واشتريت التاسكن ليذر ال25مل ب850بس ماكان نفس ريحة عطر ام خليفه نصيحه جربوه وشوفوا الفرق ولج جزيل الشكر

المشاركة الأصلية كتبت بواسطة مشـــــاعر

ماشااااااااااء الله تبااارك الله ..

أنا مو أول مرة أتعااامل مع الإخت الفاضلة ( أم خليفة) ..

ربي يشهد إنها قمة الأخلااااق والذووووووووووووووووووووووووق ..

ويشرررفني أتعاااامل معاااج على طوووول ..

أنا قبل فترة خذت عطرين بلاك لذر وغرشتين الدخون الملكي ..

لكن ربي يشهد علي إنه العطر روووووووووووووووعة بمعنى الكلمة ..

والله العظيم وبدون مبالغة إني رشيت منه رشتين على شرشف الصلااااة وتمت فيه الريحة إسبوع كامل ..

أما العطر الثاني خذاااهـ زوج إختي وكل شوي يسألونه ربعه عن العطر من وين ؟

والدخوووووون شي خيااااااااااااااااااااااالي عسى ربي يرزززقج من أوووسع أبوااابه ..

عسى عمرررج طووويل يا أم خليفة وعسى ربي يحفظ لج غاااليج ويحقق أماانيج ..

المشاركة الأصلية كتبت بواسطة ~_^

هلا الغالية.. عساج بخير .. الغلا وصلت الطلبية الصراحه واااايد روعه ما شالله.. كل شي حلو ماقصرتي .. يعني من احلى الدخون اللي جربته من المنتدى يعطيج العافية .. صح هاي اول مرة اطلب من عندج لكن اكيييييييييييد ما بتكون اخر مره مشكوووووووووووووووورة مرة ثانية والسمووحه ..

المشاركة الأصلية كتبت بواسطة swaf

الصرحة انا قصتي مع هل العطر قصة

طلبت اثنين من الاخت على انه تجربة **

وصلني بعد مدة مع المندوب .. بس طلع عطر واحد ** قلت مافي مشكلة .. باخذه

خذته ** بعد ربع ساعة اتصل فيني مرة ثانية قال طلعت لك طلبية ثانية

ولا المندوب يايب اثنين زياده فقلت ما بكسر بخاطر الاخت وباخذه

وخذتهم الثلاثه

بس ماتندمت والله .. عطر ريحته قوية .. مركز مركز مركز لدرجه فظيعة وحلوة مافي حيلة ** ويتم يومين او اكثر أذكر اني رشيته على جسمي .. الصبح ** ويا وقت المغرب وللحين الريحة في جسمي .. مع انه مب على الملابس على العطر راشنه

تسلمين اختي على العطر

المشاركة الأصلية كتبت بواسطة SomeOne.Unique

البارحه سرت العربي و خذت 3 غراااش

ماشاء الله العطر ريحته روووعه .. و جربته باني رشيته فليل ع كندورتي .. و لين الحينه الريحه بعدها ف الكندووره ..

الله يوفجج يا ام خليفه .. العطر صراااحه تحفه من النوع النادر

المشاركة الأصلية كتبت بواسطة uae_83

السلام عليكم ورحمة الله وبركاته

اول شى احب اشكر الاخت الفاضله ام خليفة على هالموضوع و بصراحة انا مااخذ من عندها كمية بسيطة من العطور والدخون و العوود و انطبااااعاااتي للبضااعة كااانت جيده جدا ً و ان شاء الله بتواااصل فلشراء

الله يوفقج ياختي و اشوفج فاااتحه محل ان شاء الله

المشاركة الأصلية كتبت بواسطة صعبه المنالي

مرحبا الغاليه.. انا طرشت لج ع الخاص اني استلمت طلبيتي..

بس ابغي اشكرج على هالعطر الروعه انا اول مره اقتنع بعطر جي ولا بعد فوق هذا خاشتنه بالكبت ههه عشان اخواني مايهفونه خخخ..

توه اخويه يعطرني من عطوره البارح شارنهن من بوظبي وكلهن ماركه لكن والله انه عطرج طغى على عطور اخويه تعرفين شو قالي .. اونه بعطيج هال7 العطور اللي شارنهن بس عطيني عطرج قلت له فأحلامك..

والله العطر روعه ريحته وايد حلوه لو بتكلم من اليوم لباجر ماراح اوفي بحقه.. خسران اللي ماراح ياخذ منه

اااااه ياحلات ريحته والله خبال..من اليوم ورايح راح احب ثيابي وايد خخخ والسبه عطرج .. يالبى قلبج ويالبيه على العطر الروعه

المشاركة الأصلية كتبت بواسطة غاايه

فديييتج ام خلييفه

اقوولكم ترااني

اتعامل مع ام خلييفه

واشهد على هالبخااخ رييحته خباااااااال

وانصحكم به مع الدخووون

المشاركة الأصلية كتبت بواسطة بزنس ون

الســـلام عليكم

الحمدالله زرت القريــه العالميه والقريه الاماراتيه ومريت المحل ...

وكان خاطري اخذ عطر بلاك ليذر من فتره طويله ...

وماشاءالله ع العطر ريحته فواحه ومن تتعطر منه تفوح عادي يومين واكثر بعد وخنينه في نفس الوقت وما عليه كلامـــ ...

وانا انصح الي ما ميربنه ايربه ويحكم ويشوف بروحه شو النتيجه ...

وبصراحه العطر غاوي ويسد انه صناعه اماراتيه 100 بالميه ..ويعطيج العافيه ياختي ..

وللامام انشاءالله .. ^_^

والسموحه ...

المشاركة الأصلية كتبت بواسطة نبع دبـــــــــــــــــــــي

صباح الورد أم خلافي .........حبيت العطر وايد وكل بنات العايله يبن منه وايد حلوه ريحته واحلى عن التوسكان رشيت منه على شيلتيه وتمت الريحه فايحه صدقيني هذا العطر لو يروحونه كستمر المحلات العوده بيودرون المحلات وبيركضون صوبكم>>>>>>;كشخه انا حق الدعايه لا والله عشانه صدق يستاهل ليش انسوي دعايه على الاشياء الي ما تساوي شي ونترك الشي الي عليه القيمه؟؟؟

موووفقه خويييتي وارقبي الطلب اليديد الكبير الي بييكم من صوبي وابى اشوف رايي على العام ...خويتج نبع دبي0

0

المشاركة الأصلية كتبت بواسطة vip for AD

اصررراحه

والله بدون مجامله امس استلمت العطرررر

طررررررررررررررررر

ريحته قوووووووووويه والله في دوام الكل سالني شو ها العطر ودليتهم عليج ^___^

اجمل تحيه لج

المشاركة الأصلية كتبت بواسطة DXB_lilly

السلام عليج الغالية

أنا استلمت الطلبية و كانت غرشه لي و لربيعتي ..

انا أول ما شميت العطر استغربت من الريحه .. صدق ريحته دخوووون شي غريب والله

و بعد دقيقه وحده كنت بظهر من البيت و لبست عباتي و اتعطرت على اساس بودي العطر لربيعتي...

العطر ريحته وايد قوية و تم فتره طويله على الثياب..

اربيعتي وايد عجبها العطر و تقولج لو في منه عطر زيتي..

والله يوفقج الغالية..

المشاركة الأصلية كتبت بواسطة غلا سبعات

مشكورة الغاليه وصلتني الطلبيه صراحة ريحته وااايد حلوه وبارده في نفس الوقت وتسلمين والله انج ذوووق في معاملتج

المشاركة الأصلية كتبت بواسطة دلووعة ابوظبي

استلمت العطر وطلع خطير من حيث الريحه والشكل والترتيب

وما يسعني غير اني اقول تبارك الله اختي على المنتج الروووعه

وان شاء الله بجهز لكم طلبيه كبيره لان العطر وايدين الي معاي في المكتب حبوه لانه وصلني اثناء دوامي واضطريت اني افتحه لانهم حبوا يجربونه واول ما اجهز لكم الطلب براسلج او بتصل فيج اذا ممكن

تحياتي

........

المشاركة الأصلية كتبت بواسطة *كلي فخر من دبي

اسعد الله يومك

وصلني العطر ووعدتج ااني اكتب رايي فيه وبصراااااااااااحه وبدووون زعل العطر

مااااااااااااااااااااااا فيه حيله خبااااااااااااااااال خبال صدق

واااااااااايد حلوه ريحته اتقولين توسكان لذر اشكرج اختي وابدا ما ندمت اني طلبته بالعكس انتظري طلبات من بنات كلاسي بسوي لج دعايه في التقنيه تستاهلين والله على هالعطر العجيب

المشاركة الأصلية كتبت بواسطة *دلوووعه*

انا دوم لي تعامل وياج بس مب من هالمنتدى من منتدى ثاني ووالله انه شهادتي فيج مجروحه وعطورج بالنسبه لي لا يعلى عليها وانا ماروم ما آخذ منج لني أدمنت عطورج يا أم خليفه...

<<<<<<<انا كلي دلع الي ف منتدى استراحة زايد ^^

المشاركة الأصلية كتبت بواسطة 3athaB

موفقه يا عسل

العطر ماعليــــــــه كلاااااااااااااااااااام

ريحتـــــــــــــــــــه أحلـــــــــى بمليووووووووون مررررررررره من التوسكــــان لـــــــذر

المشاركة الأصلية كتبت بواسطة fm1

أنا اليوم إستلمت الطلبيه مالي...

ما بتكلم عن أي شي غير البلاك لذر

تبن الصدق خواتي أنا كنت أستعمل التوسكان لذر من أول ما نزل..

و كنت كل ما أتعطر منه يسألوني بشو مدخنه؟؟

بس ريحته ما إتم وايد و يوم تبرد تستوي مب شي.

المهم كنت وايد متردده أطلب البلاك لذر..

بس من منطلق تشجيع الصناعات المحليه..

و لسمعة أم خليفة الطيبه إللي أحلى من كل العطور الخنينه..

خذت واحد للتجربه.. الشهاده لله إنه غلب العطر الأصلي* ريحته مب بس أقوى إلا أحلى بواااااايد و يوم تبرد ما يحتاي أحلى و أحلى..

و اليوم طلبيتي الثانيه 12 حبه يستاهل سعره و زود.

ربي يوفقج يا أم خليفه و يرزقج الرزق الحلال

المشاركة الأصلية كتبت بواسطة بنت فلج هزاع

هيه اختيه وصل البلاك ليذر وما شاء الله الريحه شلت الغرفه شل ما قصرتي الغلا تركيز الريحه يفوق تركيز التاسكن ليذر بوااايد

ثاااااااااااااانكس

المشاركة الأصلية كتبت بواسطة rozee

شكرا أم خليفه وصلتني الطلبيه وريحته تسكن لذر وعلى أقوى بعد والزين مايي الا من عند الزين وعجبتني فكرة نماذج الدخون وان شا الله بجرب وبطلب والله يوفقج

المشاركة الأصلية كتبت بواسطة سهيل الفلاسي

مرحبا وسهلا

الصراحه لعطر جميل جدا وأنا من النوع الذي أحب العطور العربيه بشكل رهيب جدا والذي شجعني وخلاني أخذ العطر بدون ما أروحه هو أسلب عرضج للعطر للعلم أني موصي ولد أخويه يوم يرد من أمريكا أيب لي تاسكن ليذر

العطر أو ما خذته عن الدريول فتحته ورشيشت منه رشتين روحته خفيف أول بادي قلت في خاطري مب مشكله تجربه ويا العطور البلاد

بس تعجبت أته الريحه تمت فالكندور ألين ما فصختها

وأبشرج اليوم ساير الدوام معطر الفانيل وحاط دهن عود ع الخشم ومايحتاي أدخن

العطر طيب ويستاهل بس أن شاء الله ما تتغير ريحته أتمنالج التوفيق وأن شاء الله باخذ من عندج دوم(ثقه)

وطريق دعايتج حلوه رسايل ع الخاص للعلم أني ما دخل وايد قسم البيع والشراء والشاهد الله أني ماألتفت لليبعون عطور وما شابه خوفا أطيح فالمغشوش...

تحياتي سهيل

سلام

المشاركة الأصلية كتبت بواسطة احمد المري

ربي يوفقج يا ام خليفه مرحبا ختيه

استلمت العطور واشكركم على اهتمامكم وسوالكم استلمتهم والعطور مثل ما توقعت واحلى من دون مجامله العطر فوق المستوى المتوقع والى الامام ام خليفه ونرقب عطوركم الجديده وبلغيني عن اي جديد

المشاركة الأصلية كتبت بواسطة BiN_HaMMaM

ابصرااحة العطر مركز وريحتة وايد حلوة و ما عليه كلام والتوصيل اسرع منه ماشي مشاء الله عليج وربي يوفقج ان شاء الله ، سعود العبدولي

المشاركة الأصلية كتبت بواسطة أم راشد المعلا

ما قصرتي يالغاليه العطر بلاك لذر طلع فوووق الحلو ...مش مجامله ***بالعكس من خلال رسالتي هاي حبيت اشكرج هالمنتج الرائع****كنت متردده اطلبه ولكن كان العطر رهيب

وماشاء الله كم يسوى انه منتج مصنوع بيد بنت بلادي .....الله يرزقج اكثر واكثر يام اخليفه

ولج مني

المشاركة الأصلية كتبت بواسطة سيف المري

استلمت العطر وريحته طيبه وحلوه وفي نفس الوقت + المندوب محترم

المشاركة الأصلية كتبت بواسطة الغلا و الشوق

بصراحه العطر خباااااااال و فوق الخبااال

المشاركة الأصلية كتبت بواسطة الغلا و الشوق

تسلمين اختي ام خليفه ع سرعه التوفير للعطر

والله ان ريحته عجيبه ما شاء الله

الله يوفقج انه شاء الله

تم طلب العطر يوم الخميس و استلامه الجمعه

ما شاء الله

عطر فنان والله

المشاركة الأصلية كتبت بواسطة LeXuSeR

حبيت اضيف عالموضوع شهادة

المشاركة الأصلية كتبت بواسطة LeXuSeR

العطر فنان و مافيج حيله يا ام خليفة

التوصيل 10\10 سريع

الله يوفقج وان شاءالله بنطلب منج مرة ثانية اكيد

المشاركة الأصلية كتبت بواسطة لجل حبك

ريحتة روعة انا جربتة عند بنت عمي في قميصي وتمت الريحة يومين وخليت بنت عمي تطلب لي من عندج وشكرا حبيبتي

المشاركة الأصلية كتبت بواسطة حراااير

هلا غناتي شخبارج الطلبية وصلتني من زمان وصراحة ما عليها كلام العطر اكثر من روعة والمخمرية كل ما احطها ريلي يقولي فيج ريحة وايد حلوة والعود المعطر غني عن التعريف مشكورة الغالية واكيد اني بتواصل معاج

المشاركة الأصلية كتبت بواسطة @wawa@

هلااااااااااااا ام خليفه

المشاركة الأصلية كتبت بواسطة @wawa@

انا من كثر ما اطلب منج قمت اطلب بالتلفون بس ههههههههههههه

دوم اطلب بس الدخون الملكي لاني اموووت عليه وااايد يعيبني ودوم ريلي يقولي اطلبيلي لانه خلص

بس اخر مره طلبت عطر بلاك ليذر وحبيت اسوي مفاجاه حق ريلي

تخبل على العطر واااايد عيبته ريحته ومستااانس عليه دوم يتعطر به الحين وساعات يتصدق عليه برشه ولا رشتين هههههههههه

يزااااااااااااج الله الف خير والله يزيدج ويبارك لج في تجارتج

المشاركة الأصلية كتبت بواسطة planner

السلام عليكم و رحمة الله

المشاركة الأصلية كتبت بواسطة planner

اسمحيلي اختي إني ما رديت عليج بسرعه

الطلبيه وصلت و بالموعد المحدد

والعطر أكثر من رائع

البلاك لذر

الصراحه الكل يسألني عنه

بس ما وصلتني سنابل العود و الدخون عسب أجربهم

إن شاء الله مع الطلبيات اليايه

أختج أم سهيله

المشاركة الأصلية كتبت بواسطة فتى الامارات

وانا بصراحة من مستخدمين هذا العطر البلاك لذر والصراحة مافيه حيلة وتم ريحته والله وما يبقع

المشاركة الأصلية كتبت بواسطة فتى الامارات

الله يوفقج اختي ام خليفة

المشاركة الأصلية كتبت بواسطة شوكولاتة لندن

بالتوفيق يا ام خليفة وبصراحة شغلج تشكرين عليه أحب شغلج ماشاء الله بدون تعليق الريحة تتكلم

__DEFINE_LIKE_SHARE__

ام خليفه · 12-28-2009, 06:54 AM

والي حاب يجربه ممكن يزور محلنا ويجرب العطر هناك

ريانة العود للعطور __DEFINE_LIKE_SHARE__

ام خليفه · 01-04-2010, 12:32 AM

المشاركة الأصلية كتبت بواسطة قاهرة2000

موفقة يالغالية

بشهادة البنات انتي المتميزة دائما

من ذوووقج يالغاليه __DEFINE_LIKE_SHARE__

Дјறàl Диsǎήһ · 01-04-2010, 03:19 AM

السلام عليكم ورحمة الله وبركاته

بالتوفيق يالغلا __DEFINE_LIKE_SHARE__

Aljohara · 01-04-2010, 04:32 AM

بآلتوفيق آن شششآء اللهَ ~ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عرض مميز مزرعة حلوة للناس الحلوين	محروم.كوم	منتدى أخبار المواقع والمنتديات العربية والأجنبية	0	03-07-2010 11:20 PM
ما بتندمون اذا خذتوه,,،، مميز للناس المميزين	محروم.كوم	منتدى أخبار المواقع والمنتديات العربية والأجنبية	0	01-03-2010 09:58 AM
ما بتندمون اذا خذتوه**،، مميز للناس المميزين	محروم.كوم	منتدى أخبار المواقع والمنتديات العربية والأجنبية	0	12-28-2009 07:30 AM
الى المشرفين المميزين والاعضاء النشطين(والجميع بشكل عام) طريقة الحصول على عضو نشط او مشرف مميز	محروم	خدمات واخبار واشتراكات الموقع	87	04-19-2009 04:17 AM
أدخلوا و ما بتندمون ^_^	:: بـنـت الـمـرازيـق ::	الإستراحه العامة	14	03-26-2009 07:23 PM