!! .. فلسفة العيايز .. !!

بوالجازي · 06-11-2008, 09:35 AM

السلام عليكم ورحمة الله وبركاته

اليوم موضوعي عن العيايز اللوليات ويدتيه الله يحفظها وحده منهن

وعندها فلسفة عجيبه في تفسير الأمور

والحين بجلب وياكم موسوعة يدتيه الفلسفيه:

1) الحريم و مرض السكر
تقول الوالده الحريم ما ياهن السكري و الضغط إلا من قل الحركه و اليلسه و الهيازه و البشاكير

2) أمراض الدم
لول العرب فيهم قمل يشرب الدم الخايس ومن إتنظفت العرب عفدت إبهم هالأعواق إلي ما ريناها في ربنا لوليين(شفتو فايدة القمل).

3)الجن و المس
لول الدنيا فضا و الفرجان متباعده و كل فريج فيه كمن خيمه ينعدن عالصبوع.. والجن سكون في الخلا لكن من يانا الخير زادو الأوادم و زادت البيوت وعدو على بقع الجن..عاد الجن ما حصلو بقعه يسكنونها قامو و سكنو في الأوادم

4)رغوة الحمام
دخل اخويه الصغير الله يعزكم الحمام و ترس البانيو ماء و رغوه.. يوم دخلت يدتيه الحمام و شافت الرغوه
قالت يالله بالستر بلاه مايكم وارم

5)البر و الموتر
يوم سرت ويا يدتيه العزبه يوم كنت صغير غرز الموتر و الهندي ما عرف شو يسوي نزلت أطالع السالفه.. جان أقول ليدتيه إنزلي شوفي الموتر .. لقيتها يالسه في السيت الجدامي و تدز التابلون بريولها قلتلها شو تسوين؟ قالت: أدز الموتر عشان يظهر ..

6) الفتين و الهزاب
تقول يدتيه لا تفتنون على الأوادم و إتهزبونهم لأن رب العالمين قال: الفتنه أشد من القتل

7)التقويم
اخوويه مركب تقوين وطاحت حبه منه جان يسير ويقول حق يدتيه يدوه جوفي طاحت حبه
جان اتقوول يعلني فداك ماعليه بتكبر وبتنساه ولا برووحه بينقض لاتحاتي انته خخخخخ
ادعوو لها بالصحة وطولت العمر ^.^ ...

منقول لي الابتسامه الاعضاء ^_^

اعشقـ ذاكـ · 06-11-2008, 12:27 PM

,’
حبيت سوآلفهآآ "ربي يحفظهآآ لعيآلها وعيال عيآلها "

بيبلك سالفه ليدتيه

"امس اقولها لازم اخذ فيتامينات عشان تفتح الشهيه وامتن شوي

جان تقولي لا فيتامين ولا شي اصبحي الصبح عندي وشربيلج كوب لبن وتمر

وردي امسي عندي وشربيلج كوب لبن وتمر "حليب بوش يعني "

_^

ربي يحفظهن والله ان الدار من غير سوالفهن ماتسوى

,’

.،{ غريب آلدآر ،~ · 06-11-2008, 03:24 PM

.
.
₪

..{ مــٍـٍـرحـبــٍـٍـآآ آلــٍـٍـسـآآع ..~

يــٍـٍـسـلـمــٍـٍـؤؤ عــٍـلــٍـى آلــٍـٍـطــٍـٍـرح ..~

مــٍـٍـثــٍـٍـل يــٍـٍـدتــٍـٍـيـه ســٍـٍـؤآآلــٍـٍـف خخخخ ..~

ؤآلــٍـٍـسـمــٍـٍـؤؤحــٍـٍـہ ..~

₪
.
.

دهـــ العووود ــــن · 06-11-2008, 06:39 PM

سلاااااااام علييييييييييييكم ...
العيااايز .."مستقبلناا " هههههههههه بنكون الا شراتهن ...

مممممممممممم

7)التقويم
اخوويه مركب تقوين وطاحت حبه منه جان يسير ويقول حق يدتيه يدوه جوفي طاحت حبه
جان اتقوول يعلني فداك ماعليه بتكبر وبتنساه ولا برووحه بينقض لاتحاتي انته خخخخخ
ادعوو لها بالصحة وطولت العمر ^.^ ..
؟؟؟؟
انا حاطه تقويم اول ما شافته يدتيه ...كل مااضحك تقولي ويا هل حدااايد اليه مركبتنهن ...
كل ما يلس عدالها تقولي ..كيف يركبووونه بحطلي منه ...يوم اغير الووون اونه ....
تقولي..شو هل كل مره بلون يديد ..........
تسلم ع الموضوووع نترياا يديدكاخويه

some_one · 06-11-2008, 06:47 PM

2) أمراض الدم
لول العرب فيهم قمل يشرب الدم الخايس ومن إتنظفت العرب عفدت إبهم هالأعواق إلي ما ريناها في ربنا لوليين(شفتو فايدة القمل).

ههههههههههههههه روووعه الدنيا بدوون عيايز مره ماتسوووي

تسلم اخوله عالموضوع الغااااوي

» Mo0ИˆUaE « · 06-11-2008, 11:21 PM

هههههههه

تسلم بوالجاآآزي

ع الطرح

يعطيكـ العاآآفيهـ

الريم1 · 06-13-2008, 04:20 PM

وعليكم السلام

اسمهين العيايز ^_*

يسلموو عالطرح

بنت_ليوا · 06-13-2008, 08:22 PM

●
●
ஐ

{ هًٍـًٍـآآيًٍٍَ ~

كًٍـآمٍٍَؤؤسًٍََِـتٍَـآآكٍَـآآ خخخ ~

يًٍَـسـًًًٍٍَـلًٍَمؤؤ عًـًٍٍلٍَـىًََ آلًٍَطًُرًٍََحً ~

سًٍَيٍَ يًٍَآآ ~

ஐ
●
●