ي

محروم.كوم · #1 12-16-2009, 06:11 PM

السلام عليكم ورحمة الله وبركاته ..

للبيع باترول صالون مديل 96 نظيف وغرض اللي يبي يستخدم ..
اللون:أبيض.
العداد:357ألف.
النوع:gl
المواصفات:مواصفات الـglالمعروفه: مكيفين شغالات وباردات ماشاء الله+ثلاجتين زي اللوز+لون الداخلي أحمر+مكينته كربليتر ..
حالة البدي:يوجد دقه بالرفرف الأيسر مع شوي من الكبوت قدر الكف فلذلك الرفرف مرشوش وشوي من الكبوت.
حالة المحركات:المحركات ممتازه ولاعندك بازين منه لكن فيه ملاحظه بسيطه ألا وهي أنه الصبح إذا جيت تشغله مايشتغل من أول تشغيله بعض الأحيان لذلك يبيله إصلاح كربليتر كذلك رأس المكينة مغي لأنه كان الموتر يسخن أكثر من الازم لذلك غيرنا الراس بأكثر من 2000ريال..
الديكورات الداخليه :ممتازه ماعدا شق بسيط بالطبلون.

يوجد عليه كفرات حجريه وجنوط هلل ..

يوجد به أمان ضد السرقه ..

يوجد عدد 2 لمبه مثبته بالكبوت ..

الموتر يعجبك لا بوقفته ولا بسواقته حيث لايوجد تقطيع أو خلافه والموتر نشيط ونفسه زين..

الموتر متماسك لا تسمع قربعه ولا أصوات والدبل من أروع مايكون لا صوت ولا طقطقه..

علماً أن السياره سيمة 33500 قبل 6 أيام وانا مانب بعيد ..والسياره موجودة في منطقة القصيم بالتحديد بريدة للي يبي يشوف ويجرب ..والصامل نبي نرسله الرقم على الخاص..

الموتر على قولتهم :r شغل وامش:f حتى توي مغيرله فحمات أصليه بس يبي راعيه اللي يقدره ..

الموتر غالي علي بالحيل ولولا حاجتي لقيمته كان مابعته ..

همسه للشريطيه:تبي تاخذ الموتر بحقه حياك الله ولا ترانا نعرف أسعار الجيوب ولنا سنين نشري ونبيع بهن ..

أخيراً إذا أعجبك شيء فلا تنس قول ماشاء الله ..

الصور ..
1

2

3

4
__DEFINE_LIKE_SHARE__