بطارية الأينوف الله يرحمها..الجهاز موصول بالكمبيوتر وتنفذ!

محروم.كوم · #1 12-14-2009, 01:10 AM

السلام عليكم ورحمة الله وبركاته ..

الموضوع باين من عنوانه يا شباب ..

بطارية الأينوف لدي ،كانت شغالة تمام لمدة سنة تقريبا وممتازة وسويت طريقة الأخ الغالي
Arab_pda ..وكل شيء تمام والأداء ممتاز ..

من فترة اشتركت بالانترنت من خلال الموبايل ، واستخدمت الأينوف كمودم للاتصال بالانترنت من خلال الاينوف ، عن طريقة البي سي سيوت الجديد ،وبالوصلة ..

كان الاداء جيد وممتاز والجهاز يعطيني تصفح للانترنت وبنفس الوقت يشحن من اللابتوب ..او على الاقل انه ماكان ينفذ الشحن ..

لكن من حوالي اسبوع ..وانا اتصفح بالنت ،فجأة الأينوف يغلق ..ويخلص شحن الجهاز نهائيا ..واهو موصول بالusb..بس مافي فايدة ..لازم اروح احطه عالشحن علشان يرجع يشتغل معاي ..

جربت على أكثر من كمبيوتر ..والمشكلة بالنهاية فعلا من البطارية ..لأني مو منزل الا برنامج الروت ،وما اخلي اي برنامج شغال في الخلفية ..

احتاج برنامج موثوق لمعرفة أداء البطارية ..عمرها ..او اي شيء عنها ..

اعتقد بأن البطارية شبه استهلكت ،والظاهر هالشي من استخدام الاينوف كمودم ..مع اني ما استخدمته كمودم الا من بداية هالشهر ! يعني من 12 يوم فقط ..

واخيرا شحنت البطارية من جديد ..وتأخذ وقت طويل جدا ليكتمل الشحن !..ولما تنشحن ..تجلس فترة قصيرة بدون استعمال ثقيل ..والاقيها بدأت تنفذ .

البرامج اللي حاطها عادية جدا وما تستهلك من الجهاز شي..وما اعتقد انه في حاجة للفورمات ..المشكلة شكلها من البطارية فقط ..

شكرا لكم ،وبانتظار خبرتكم وتجاربكم ..اللي مرت عليهم نفس المشكلة سواء في الأينوف أو في غيره من الموبايلات ..

شلون واهو على الusbيخلص شحنه ..يعني الusbواهو شابك بالنت ماكان يشحنه لأنه يصرف طاقة كمودم أكبر من اللي يستقبلها للشحن ..

الله المستعان ..كفالة الجهاز تخلص قريبا ..خلوني ألحق واودي الجهاز أبدل البطارية ..

بانتظاركم .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
موت الزوجه في احضان زوجها الله يرحمها .... حياكم ....	الرهيب القطراوي	قصص و روايات	25	02-17-2010 01:56 AM
سلحفاتي الله يرحمها	غلا زايد√	عدسة الاعضاء , كاميرا الاعضاء	13	01-02-2010 11:45 AM
بطارية الأينوف الله يرحمها..الجهاز موصول بالكمبيوتر وتنفذ!	محروم.كوم	منتدى أخبار المواقع والمنتديات العربية والأجنبية	0	12-14-2009 02:00 AM
[مشـكـلـة للنقاش] تعليق الجهاز بعد تنزيل بعض البرامج في الأينوف! ولله تعبت من هالحالة	محروم.كوم	منتدى أخبار المواقع والمنتديات العربية والأجنبية	0	06-17-2009 05:50 PM
ماتت اختناقا بعلكة صغيرة ( الله يرحمها)	وريث الـهـم	المواضيع المكرره	3	04-27-2008 11:41 PM